Marrakech

Jemaa el-Fnaa að kvöldi til - Torgið er hjarta Marrakech
 

Marrakech - Ævintýraleg tímaskekkja

Nálægt hlíðum hinna frægu Atlasfjalla er Marrakech, en borgin er frábær upphafsstaður fyrir ævintýraferð þína um Marokkó. Í miðborg Marrakech mætti halda að tíminn hefði staðið í stað síðustu árhundruðina og það er ein helsta ástæða þess að ferðamenn elska þessa heillandi borg.

Flestir ferðamenn halda sig í gamla bænum, innan virkisveggja, þar sem göturnar bugðast áfram á milli verslana, sölubása og veitingastaða. Miðja gamla bæjarins er Jemaa el-Fnaa, stórt torg þar sem eitthvað er að gerast kvölds og morgna. Á daginn eru þar innfæddir sölumenn sem selja marokkóskt handverk en eftir að sólin sest reisa veitingastaðir og matsölubásar upp tjöld á torginu og selja bragðgóðan marokkóskan mat.

Allt í kringum Jemaa el-Fnaa eru souk, þröng stræti sem hlykkjast um allt. Þar eru ótal verslanir. Það getur verið erfitt að rata um þessa stíga og það er líklegt að þú villist en ekki fyllast skelfingu, strætin eru ekki nógu löng til þess að þú getir villst lengi og þú getur alltaf beðið um aðstoð við að finna rétta leið. Gott ráð til þess að rata er að leggja á minnið dyr, sérstaka liti á veggjum eða skilti. Það er ekki gott að reyna að muna leiðina með því að leggja verslanirnar á minnið því eftir lokun eru viðarhlerar með stálgrindum settir fyrir alla gluggana.

Það er magnað að villast um völundarhús markaða í Marrakech

Verslun í Marrakech

Litlu strætin umhverfis Jemaa el-Fnaa eru full af skartgripum, skóm, fatnaði, marokkóskum teglösum, lömpum, mottum, rúmfötum, keramikvörum, kryddum og mörgu fleiru. Áður er þú verslar eitthvað skaltu muna eftir því að prútta vel. Verslunareigendur eru vanir ferðamönnum og smyrja því vel á verðið.

Matur og drykkur í Marrakech

Það er best að fara til Jemaa el-Fnaa til að fá sér að borða í Marrakech. Byggingarnar sem standa umhverfis þetta stóra torg eru fullar af veitingastöðum sem bjóða upp á hefðbundna tagine og kús kús rétti. Í miðju staðarins er hægt að fá nýkreistan appelsínusafa sem sumir mæla með sem besta appelsínusafa í heimi. Áfengi er ekki í boði á veitingastöðum í gamla bænum en þú getur alltaf fengið kaffi eða te.

Það er hægt að gera góð kaup á kryddum í Marrakech

Hvað ég á að skoða í Marrakech?

Þú verður að skoða gamla bæinn og það merkilegasta innan hans, Jemaa el-Fnaa og strætin. Þetta er það mikilvægasta að skoða í Marrakech, en það er einnig hægt að skoða margt annað.

Það er mjög áhugavert að skoða Bahia hölllina en hún var byggð seint á 19. öld. Höllinni var ætlað að fanga kjarna hins marokkóska og íslamska stíls. Ef marokkósk list vekur áhuga hjá þér ættir þú að fara til Dar Si Said, því þar er mikið safn af marokkóskri list. Dæmi um sýningargripi er viðarhandverk frá 18. öld, teppi, leirker og leðurmunir.

Ef þig langar til þess að komast að því hvernig marokkóskt handverk er unnið ættir þú að fara að skoða leðurvinnustofur þar sem skinn er sútað og þurrkað. Það er langbest að fara að morgni til því þá er mest að gerast þar.

Láttu skrúbba þig – farðu í Hammam í Marrakech

Ef þig langar að láta fríska upp á þig eftir langa skoðunarferð eða erfiðan verslunardag ættir þú að skella þér í baðhús eða hammam. Þar er fólk skrúbbað, bleytt og gufuhreinsað. Óskrifaðar reglur baðhúsanna geta verið flóknar þannig að það er best að kaupa pakka þar sem fylgir með manneskja sem leiðbeinir þér og skrúbbar þig.

Þú getur farið í camel safari frá Marrakech

Ferðir frá Marrakech

Svæðið í kringum Marrakech býður upp á fjölmörg tækifæri. Bókaðu gönguferð inn í Atlasfjöllin eða farðu í eyðimerkurferð í Sahara eyðimörkina. Það er líka í boði að fara í dagsferð til Essaouira sem stendur við hafið. Kynntu þér fjölbreyttar ævintýraferði í Marokkó!

Að komast til og frá Marrakech

Í Marrakech er alþjóðlegur flugvöllur þar sem reglulega er flogið frá Evrópu. Ef þú ert staddur í Marokkó og vilt fara til Marrakech kemst þú þangað með lest frá Casablanca (3 tímar), Fez (7 tímar) og Tangier (10 tímar). Til Marrakesh ganga einnig langferðabílar frá Agadir, Safir, Casablanca, Essaouira, Fez, Meknes, Ouarzazate og Rabat. 

Langar þig að heimsækja Marrakech?
Hafðu samband

Contact