Seychelles

Upplifðu paradísareyjarnar Seychelles í ferð með KILROY!
 

Seychelles - paradísareyjar

Dreymir þig um endalausar hvítar strendur, sólskin, túrkisblátt haf og afslöppun? Þá eru Seychelles-eyjar paradís sem bíður eftir þér. Ef þú færð leið á því að liggja í sólbaði er margt annað að gera, t.d. surf, köfun og siglingar!

Norðaustur af Madagaskar, í hlýju Indlandshafinu, finnur þú hinar ævintýralegu Seychelles-eyjar. Þetta er fullkominn staður til að taka því rólega og virkilega njóta lífsins. Í Seychelles-eyjaklasanum eru 115 litlar eyjar og þar er dásamlegt dýralíf, jafnt á jörðu sem og í sjónum. Slakaðu á undir pálmatré sem bærist í golunni, farðu í ferð inn í frumskóginn, borðaðu mangó og banana beint af trjánum og, síðast en ekki síst, taktu þér tíma til að skoða heillandi dýralífið og gróðurinn. Flestar eyjarnar eru óbyggðar og vegna takmarkana á því hversu margir ferðamenn fá að koma þangað hefur tekist að halda eyjunum mjög ósnortnum. Þú munt heillast af náttúrufegurðinni – þetta er eins og að stíga inn í draumaveröld! Ferð til Seychelles-eyja verður án vafa ein sú besta sem þú ferð í á ævinni -  drífðu þig áður en það verður of seint!

Að ferðast til Seychelles er algjört ævintýri | KILROY

Þessi fyrrum franska og breska nýlenda varð sjálfstæð árið 1976. Enska, franska og kreólska eru opinber tungumál eyjanna. 

Höfuðborg Seychelles-eyja: Victoria

Höfuðborg eyjanna, Victoria, er staðsett á stærstu eyjunni sem ber nafnið Mahé. Í borginni búa flestir íbúar eyjanna og fyrir utan hana er aðeins um að ræða lítil þorp hér og þar. Í Victoria er áhugavert að skoða höfnina og skella sér á markaðinn. Svo mælum við með ferð á ströndina í Beau Vallon Bay þar sem þú getur tekið þér sundsprett áður en þú heldur áfram skoðunarferð þinni um hinar paradísareyjarnar.

Matur á Seychelles

Seychelles-eyjar hafa verið undir stjórn margra landa í gegnum tíðina og það útskýrir hvers vegna matarmenning Seychelles-eyinga er eins og hún er - vel krydduð og undir áhrifum frá öllum heimshornum. Það eru svo margir áhrifavaldar; franskir, enskir, afrískir, kínverskir og indverskir. Prófaðu handtínda ávexti frá eyjunum og allar fersku sjávarafurðirnar. Ef þorstinn gerir vart við sig gætir þú sötrað Seybrew bjórinn sem er bruggaður á staðnum og ef þú vilt eitthvað aðeins sterkara framleiða þeir dökkt Takamaka romm.

Hægt er að kafa, snorkla & surfa á Seychelles

Hvað á ég að gera á Seychelles-eyjum?

Það besta sem þú getur gert á Seychelles er að koma þér vel fyrir á ströndinni, leyfa letinni að ná yfirtökunum í sólinni og kæla þig í kristalstærum sjónum. Á eyjunum eru ótrúlegar strendur sem bjóða upp á fjölbreytta afþreyingu. Víða má finna frábæra staði til að snorkla og kafa en hér eru einnig góðar aðstæður til að surfa.

Eitt af því sem þú verður að skoða þegar þú ferðast til Seychelles-eyja eru Coco-de Mer pálmatrén, en þau bera tvær hnetur sem geta orðið allt að 30kg! Pálmatrén eru einungis á eyjunni Praslin og best er að sjá þau í Valle de Mai þjóðgarðinum. Garðurinn er á heimsminjaskrá UNESCO. Þegar þú ferð til Praslin ættir þú að skella þér á austurhluta eyjarinnar því þar eru strendur sem þú mátt ekki missa af; Grand Anse og Petit Anse. Ekki gleyma að taka myndavélina með!

Sjávarlífsþjóðgarðurinn St. Anne er líka eitthvað sem þú ættir að skoða, en það er einungis hægt að fara þangað með bát frá Mahé.

Mahé Island - Seychelles

Að komast á milli staða á Seychelles

Það eru margar leiðir til að komast á milli staða á Seychelles-eyjum. Hægt er að leigja bíl, reiðhjól eða einfaldlega ganga á milli staða. Til að ferðast á milli eyjanna gætir þú siglt, leigt bát eða, ef þú hefur efni á því, ferðast með þyrlu!

Veður á Seychelles-eyjum

Skipuleggðu ferðina þína til Seychelles-eyja með góðum fyrirvara því fjöldi ferðamanna sem fær að heimsækja eyjarnar á hverju ári er takmarkaður. Besti tíminn til að ferðast til Seychelles fer eftir því hvað þú vilt gera. Þú ættir að forðast að fara þangað í október til febrúar því þá getur veðrið verið óútreiknanlegt. Hina mánuði ársins er venjulega mjög gott veður. Ef þú ætlar að kafa er besti tíminn frá september til nóvember eða mars til apríl. Ef þú vilt surfa á Seychelles er best að fara á tímabilinu frá maí til október.

Fullkominn staður fyrir afslöppun - Seychelles | KILROY

Gisting á Seychelles-eyjum

Seychelles-eyjar eru áfangastaður í sérflokki, sérstaklega þar sem þær hafa þróast svo lítið. Þetta kemur fram í verðinu sem er frekar hátt. Gisting er stærsti kostnaðarliðurinn við ferð til eyjanna svo láttu okkur endilega hjálpa þér. Við hjá KILROY getum hjálpað þér að finna og bóka gistingu, flug og köfun á Seychelles.

Dreymir þig um að heimsækja Seychelles?
Hafðu samband

Contact