Ferðir til Tansaníu - Gleðigjafi Afríku

Tansanía hefur allt - safarí, fjallaklifur, strandarfíling og stórborgarbrag. Frá Kilimanjaro og Serengeti í norðri, til simpansa í Gombe Stream þjóðgarði í vestri og strandanna á Zanzibar í austri. Kauptu ferðina þína til Tansaníu hjá KILROY travels og við hjálpum þér að sérsníða hana algerlega eftir þínu höfði!

Höfuðborgin Dar Es Salaam er mikilvægasta borg Tansaníu og eðlilegur byrjunarreitur að ferð um landið. Borgin samanstendur af skemmtilegri blöndu af afrískri, arabískri og inverskri menningu. Nafnið Dar Es Salaam er arabískt og getur lauslega verið þýtt sem "friðsæl höfn" þótt sú lýsing eigi ekkert sérlega vel við. Nútímaborgin Dar Es Salaam er hávæðasöm og erilsöm en veitir skemmtilega nasasjón af lífinu í stórborgum Afríku. Heimsæktu hinn gríðarstóra Karialoo markað, stærsti markaður í Tansaníu, sem er pakkaður af suðrænum vörum og mat sem við erum ekki vön að heiman. Heimsæktu næturklúbbana og upplifðu hamagang afrískrar tónlistar. Það eru margar leiðir til að kynnast heimamönnum! Bæði norðan og sunnan megin við borgina eru lítil þorp við sjávarsíðuna þar sem þú getur tjaldað beint á ströndinni. Það er þess virði að eyða nokkrum dögum í Dar Es Salaam áður en haldið er lengra inní landið til að upplifa stórbrotnu náttúruna og dýralífið. Norður-Tansanía: Náttúran, dýralífið og göngurferðirnar

Í norðri geturðu fundið hinn sanna kjarna Afríku. Hérna færðu óviðjafnanlegt tækifæri til að upplifa ótrúlegt dýralíf og náttúruperlur á við fjallið Kilimanjaro. Kilimanjaro er ekki aðeins hæsta fjall Afríku, heldur býður fjallið einnig uppá einstaka gönguslóðir og stíga þar sem þú færð hrikalega flott útsýni. Það eru margir leiðir til að komast upp fjallið, þú ræður þínum hraða algerlega sjálfur og það eru margir fjallakofar á leiðinni upp. Leiðin upp getur verið ansi erfið en afrakstur erfiðisins skilar sér tífalt tilbaka! Það geta ekki allir státað sig af að hafa staðið á hæsta tindi Afríku.   

Þú getur einnig farið í jeppasafarí um Norður-Tansaníu. Á milli Kilimanjaro og Meru fjalls liggur þjóðgarðurinn Arusha. Hann er frekar lítill í samanburði við garð eins og Serengeti en hér er mjög fjölbreytt náttúru- og dýralíf aðallega vegna mikils hæðarmismunar. Hápunktar garðsins eru Ngurdoto gígur, Momela vötn og Meru fjall. Arusha býður uppá fullt af möguleikum til safaríferða, til að komast í betri nánd við dýralífið. Safarí þýðir að ferðast á Swahili, sem er góð lýsing því þú ferðast um og sérð dýrin í sínu náttúrulega umhverfi. Í Serengeti sérðu sebrahesta, vísunda, fíla, híenur, gíraffa, antilópur, allskonar apa og þúsund fugla - ef þú ert heppinn rekstu kannski á hlébarða.

Vestur-Tansanía

Í vesturhlutanum geturðu séð simpansa í hinum fræga Gombe Stream þjóðgarði. Garðurinn er mjög nálægt landamærum Búrúndí, á mörkum Tanganiyka vatns, og eina leiðin til að ferðast þangað er á bát. Hér ertu kominn djúpt inn í meginland Afríku. Margir kannast við söguna af Jane Goodall, sem síðan 1960 hefur rannsakað atferli simpansa. Í Gombe er hægt að finna rannsóknarmiðstöð nefnd eftir Jane þar sem þú getur heimsótt simpansanna. Ef þú ert heppinn geturðu rekist á kvenkyns simpansann Fifi, sem var aðeins þriggja ára þegar Jane Goodall byrjaði rannsóknir sínar. Fifi er eini eftirlifandi simpansinn frá hinum upprunalega hópi. Það er alveg sérstök upplifun að sjá þessa simpansa. Menn og simpansar deila 98% af erfðavísum sínum, svo þér gefst hér sjaldgæft tækifæri til að horfa í augu fjarlægs frænda. Auk heimsfrægu simpansana er hægt að sjá aðrar apategundir og bavíana. Garðurinn er einnig heimili 200 fuglategunda, svo þér ætti ekki að leiðast í frumskóginum! Í Gombe geturðu gist í kofa, tjaldað á árbakkanum eða gist á tjaldsvæði.   Við enda Tanganiyaka vatns nálægt landamærum Sambíu er fossinn Kalambo. Fossinn er 235 metra hár og er annar stærsti foss Afríku. Til gamans má geta að Glymur, hæsti foss Íslands, er 190 metra hár. Þú gætir sameinað ferð til Kalambo og ferð til þjóðgarðsins Katavi. Það eru miklar líkur á að þú sjáir hér dýr á við fíla, sebrahesta og krókodíla vegna smæðar garðsins.