Indland
Indland er ævintýraland ferðamannsins og gefur hverjum og einum eitthvað gott í ferðanesti. Í þessu næst fjölbýlasta landi heims með yfir milljarð íbúa blandast gamalt og nýtt saman í ótrúlegri samansuðu af fátækrahverfum og skýjakljúfum. Hápunktar Indlands eru ótrúlega margir og þú finnur fallega náttúru og ótrúlegar menningar-upplifanir í öllum borgum landsins sem eru af öllum stærðum og gerðum. Upplifðu Indland með KILROY.
Það eru nokkrir vel þekktir staðir í Indlandi sem eru algjörlega þess virði að sjá, en hafðu í huga að það eru litlu hlutirnir sem gera landið af svo merkilegum og ógelymanlegum áfangastað. Þó eru nokkrir staðir sem þú ættir alls ekki að láta fram hjá þér fara þegar þú heimsækir Indland.
Tai Mahal í borginni Agra er stærsta aðdráttarafl Indlands. Við hjá KILROY erum sannfærð um að þessi bygging er sú fallegasta og fullkomnasta sem við höfum augum litið. En Indland býður upp á svo margt fleira að sjá og upplifa. Það má t.d. nefna staði eins og fallegu Mharaja hallirnar umhverfis Rajasthan, gróðursælu árbakkana við Kerala Backwaters á suðvesturströnd Indlands, Gullna hofið í Amritsar, strendur Goa og hippamarkaðinn í Ajuna. Einnig er skemmtileg upplifun að fylgjast með kameldýramarkaðinum í Pushkar í miðri Rajasthans eyðimörkinni. Í Dharmsala, þar sem Dalai lama býr í útlegð sinni, geturðu svo upplifað tíbetska menningu og farið á safarí í einum af stærstu þjóðgörðum Indlands þar sem þér gefst tækifæri til að skoða tígrisdýr.
Ef þú vilt upplifa menningu og þjóð mælum við sterklega með að þú heimsækir Hubli sem er með mjög hátíðlegt og fjörugt næturlíf eða að þú skellir þér á Hindu hátíðina Holi, einnig þekkt sem hátíð litanna (festival of colors) eða litir Indlands (Colors of India). Við lofum þér að það á eftir að verða einstök upplifun.
Í Indlandi býr gríðarlegur mannfjöldi og landið er því ríkt af stórum borgum. Ein stærsta borg heims Mumbai er staðsett á vesturströnd landsins, en svo er höfuðborg landsins Delhi í Norðri, Kolkata (Calcutta) í austri og Chennai (Madras) í suð-austri - svona til að nefna þær allra stærstu.
Í Indlandi eru sem sagt ótrúlega margar borgir - margar sem þú hefur ekki einu sinni heyrt um. En þær eiga það allar sameiginlegt að vera afar heillandi og fullar af ringulreið og litríku götulífi.
Að ferðast um Indland er án efa mikil upplifun. En það krefst þess þó að þú sýnir mikla þolinmæði og hafir nægan tíma. Vegalengdirnar eru miklar og mannfjöldinn gríðarlegur.
Lestarkerfið nær yfir nánast allt landið og virkar fínt, en lestirnar eru ávalt yfirfullar af fólki og fara hægt yfir (að hluta til vegna þess að þær þurfa að stoppa svo oft). Þú getur keypt miða í eina af dýrari lestunum (sem eru þó ekki dýrar samkvæmt okkar stöðlum) en menningar-upplifunin verður þó ekki sú sama. Miðaverð fer eftir hraða lestanna, hvort þú ferðast yfir dag eða nótt, á hvaða farrými þú ferðast o.s.frv.
Bara að kaupa miða er reynsla í sjálfu sér - reynsla sem krefst mikillar þolinmæði! Það getur tekið nokkrar klukkustundir, jafnvel þó þú notir túrista-skrifstofuna í Delhi sem sérhæfir sig í að aðstoða ferðamenn við kaup á miðum.
En það eru þessar einföldu og hversdagslegu upplifanir sem á endanum verða að ógleymanlegri upplifun og mynda sýn þína á þetta heillandi land.
Það er ódýrt að ferðast með rútu um Indland - en rúturnar eru þó flestar gamlar svo öryggið er ekki alltaf í hámarki.
Íhugaðu frekar að leigja leigubílstjóra í einn til tvo daga. Það er ódýrt og gefur þér mikið frelsi því þú getur ákveðið hvert þú vilt fara og hvenær þú vilt fara! Þessi leið veitir þér þó eflaust ekki eins mikla nálægð við heimamenn, jafnvel þó að flestir leigubílstjórarnir séu skemmtilegir og vilji glaðir gegna hlutverki leiðsögumanns.
Annað sem gerir ferðalag um Indland öðruvísi og ógleymanlegt eru öll dýrin sem virðast flykkjast á vegina. Búðu þig undir að ökutækin sviga á milli kúa, úlfalda, fíla o.s.frv. Mundu svo að semja allta við bílstjórann um verð áður en lagt er af stað - það sama á við ef þú ákveður að prófa tuk-tuk, sem við mælum eindregið með! Tuk-tuk er vélknúinn rickshaw (hjólavagn) sem getur komið þér hratt á milli staða.
Indland er öfgafullt á margan hátt, líka hvað varðar veðurfar. Stærð landsins gerir það að verkum að mikill munur er á milli árstíða. Þú skalt því kynna þér vel veðuraðstæður í þeim hluta sem þú ætlar að ferðast til áður en þú leggur af stað.
Á Indlandi eru þrjár árstíðir; heita, kalda og blauta tímabilið. Almennt má segja að sumrin, þ.e. frá maí til september/október, séu mjög heit og blaut en hitinn getur farið allt uppí 45°C. Það er alltaf heitt í suðurhluta Indlands en í norðri í grennd við Delhi er aðeins kaldara á veturna. Ef þú ætlar að heimsækja marga landshluta í sömu ferðinni mælum við með október og nóvember sem besta ferðatíma því þá sleppur maður við helsta regntímabilið sem og heitasta og kaldasta tímann.
Það er auðvelt að finna ódýra gistingu á ferðalagi um Indland. Við mælum með að þú bókir fyrstu næturnar í ferðinni áður en þú leggur af stað því þannig munu fyrstu kynni þín af landinu verða mun einfaldari. Ferðaráðgjafar okkar munu með glöðu geði aðstoða þig við að bóka gistingu.
Á ferð þinni muntu rekast á mjög ódýra gistingu á farfuglaheimili eða hóteli sem býður uppá en-suite aðstöðu fyrir 2-3 gesti í herbergi. Ef þú kýst meiri þægindi finnurðu auðveldlega lúxushótel á viðráðanlegu verði.
Indversk matargerð er himnesk! Ef þér finnst asískur matur góður er Indland rétti staðurinn fyrir þig. Maturinn er bragðmikill, sterkur, litríkur, spennandi og í rauninni allt nema leiðinlegur.
Vertu samt varkár því hreinlæti er ekki forgangsatriði á öllum stöðum. Í raun og veru er erfitt að verða ekki örlítið lasin(n) á einhverjum tímapunkti á ferðalagi um Indland - sérstaklega ef þú borðar á götueldhúsum (mundu að vera mjög varkár!). En svona er lífið í Indlandi. Í Delhi er þó að finna ýmis alþjóðlegar veitingastaðakeðjur svo við og við geturðu tekið pásu frá indverskri matarupplifun.
Contact
