Chiang Mai

Heillandi landslag
 

Ferðir til Chiang Mai - Ævintýri í norður Tælandi

Ef þú vilt gera eitthvað fleira en að liggja í sólbaði í Tælandi er Chiang Mai í norðurhluta landsins rétti áfangastaðurinn fyrir þig. Falleg náttúra, frábær tækifæri til að fá útrás fyrir adrenalínþörfina og fjölbreytt ævintýri á hverju strái. Heimsókn til Chiang Mai er ógleymanleg upplifun!

Í Chiang Mai er afslappað andrúmsloft, falleg náttúra og mikilfengleg fjöll. Á meðan á dvöl þinni stendur hleður þú batteríin og endurnærir líkama og sál á meðan þú leyfir þér að týnast í dásamlegu umhverfinu. Í ljósaskiptunum lifnar borgin við og þú ættir að vakna líka svo þú missir ekki af öllu fjörinu!

Upplifðu Chiang Mai með KILROY!

Chiang Mai borg

Þú getur gengið um bæinn eða leigt hjól. Miðbærinn er þéttur og það er auðvelt að komast á milli staða. Það er erfitt að trúa því að það séu 170.000 íbúar í Chiang Mai! Þú finnur Tuk Tuk á hverju götuhorni og ef þú vilt fara lengri vegalengdir getur þú kallað í bekkjabíl, Songthaew, en það er mjög ódýr fararkostur.

Hvað á að gera í Chiang Mai?

Bambus rafting, gönguferðir í frumskóginum, gista í risastóru trjáhúsi eða matreiðslunámskeið – þú færð mikið fyrir peningana þína hér í Chiang Mai. Margir ferðamenn koma á þessar slóðir í Tælandi til að fara í lengri gönguferðir um frumskóginn og það er eitthvað sem við mælum hiklaust með að þú gerir!

Farðu á kayak, í göngurferðir eða rafting í Chiang Mai

Veðurfar í Chiang Mai

Passaðu upp á að vera alltaf með hlýja peysu með þér því kvöldin hér geta orðið svolítið köld, sérstaklega yfir vetrarmánuðina. Á regntímabilinu, frá júlí til september, er gott að vera með regnfatnað og góða skó með sér. Heitasta tímabilið er frá apríl til maí.

Áhugaverðir staðir í Chiang Mai

Chiang Mai er fræg fyrir ýmislegt, en helst af öllu eru það hofin. Það eru 160 hof á svæðinu og það frægasta er Wat Phra Doi Suthep sem er staðsett í 15 km fjarlægð frá miðbænum. Til að komast þangað þarft þú að klífa 290 heitar og sveittar tröppur en það er alveg þess virði því þegar á toppinn er komið færð þú vegleg verðlaun: Magnað útsýni yfir borgina.

Hofin í Chiang Mai eru ótrúlega falleg

Næturlífið í Chiang Mai

Í ljósaskiptunum byrja kvöldmarkaðirnir að stækka. Fljótlega er erfitt að þekkja göturnar sem þú gekkst um fyrr um daginn. Þessir markaðir selja allt sem þú getur ímyndað þér og meira til. Mundu að prútta og passaðu svo að þú sért með nóg pláss í töskunni fyrir allt sem þú ætlar að taka með þér heim! Það er hægt að gera virkilega góð kaup hér; þú getur látið sauma á þig föt, keypt smáhluti fyrir heimilið, úr og nánast hvað sem er! Ef þú þreytist á því að versla eru þarna nokkrir góðir klúbbar og barir sem þú getur prófað.

Hvernig er best að komast til Chiang Mai?

Það eru nokkrar leiðir til að komast til Chiang Mai. Það hvaða leið þú velur fer eftir því hversu mikinn tíma og pening þú hefur til umráða. Með flugi er ferðalagið bara ein klukkustund frá Bangkok og það er þægilegasta leiðin til að ferðast til borgarinnar. Ef þú þarft að passa í hvað þú eyðir peningnum getur þú tekið rútu eða lest, það er ódýrara. Rútan er nokkrum klukkustundum fljótari en lestin sem tekur 14 tíma. Mundu að taka hlý föt með þér fyrir rútuferðina því loftkælingin getur gert rútuna ískalda.

Ef þú hefur takmarkaðan tíma í Tælandi mælum við með að fljúga frá Bangkok til Chiang Mai, það er alls ekki dýrt.

Einn af mörgum mörkuðum í Chiang Mai - Tæland

Maturinn í Chiang Mai

Maturinn er, eins og alltaf í Tælandi, virkilega góður. Prófaðu að fara á Ansuarn Market (markaður sem selur mat á kvöldin). Veldu eitthvað girnilegt í litlu sölubásunum, keyptu blöndu af mismunandi réttum og njóttu dásamlegrar máltíðar sem kostar ótrúlega lítið.

Gisting in Chiang Mai

Þú getur fundið gistingu á hvaða verðbili sem er; allt frá ódýru dormi í hosteli til lúxushótela. Ferðaráðgjafar okkar geta hjálpað þér að leita að gistiheimili eða hóteli í Chiang Mai.

Langar þig að heimsækja Chiang Mai?
Hafðu samband við ferðasérfræðing!

Contact