Spánn

Hvítu þorpin - Spánn
 

Ferðir til Spánar - Uppáhaldið í Suðri

Hvað viltu upplifa í fríinu þínu? Sólböð, klettaklifur, partý eða köfun? Eða viltu borða góðan mat, heimsækja gamlar dómkirkjur eða slaka á í litlum sjarmerandi þorpum eða stórum menningarborgum? Spánn býður uppá þetta allt!

Spánn hefur verið uppáhalds áfangastaður Íslendinga í langan tíma. Helsta ástæðan er hagstætt veðurfar landsins, mildir vetur og heit sumur. Landfræðilega býður Spánn uppá stórfengleg fjöll í norðri og frábærar strendur í suðri. Ef þú ert mikil menningarfrík eða elskar iðandi stórborgir þá skaltu heimsækja Madrid eða Barcelóna.    Íbúafjöldi á Spáni er um 45 milljónir. Madríd er höfuðborgin og íbúðafjöldi er um 3 milljónir. Í Barcelóna eru um 1,5 milljón íbúa. Meirihluti Spánverja er kaþólskur og múslimar og kristnir eru minnihlutahópar.  

Matarmenning Spánverja

Ef þú vilt borða virkilega gómsætan mat þá ertu kominn á rétta staðinn! Ferskt hráefni og bragðmiklir réttir veita einnig þeim vandlátustu matarupplifun sem þeir seint gleyma. Nálægð Miðjarðarhafsins og Atlantshafsins gerir það að verkum að Spánverjar geta boðið uppá allskonar gómsæta sjávarrétti. Þjóðarréttir Spánverja eru í heild kallaðir "Tapas". Tapas réttirnir hafa á undanförnum árum verið vinsælir í öðrum hlutum heims. Tapas er framreitt í litlum skömmtum og gjarnan eru borðaðir sex eða sjö mismunandi réttir í einni máltíð. Venjan er að deila réttunum og samtölin við matarborðið snúast oft um matinn sem þú ert að borða hverju sinni. Það eru til margar sögur um hvernig tapas varð að þessum vinsæla rétti. Sumar eru allt frá 13 öld þegar Spánarkonungur veiktist og var ráðlagt af lækni að borða aðeins litla skammta og vín á milli máltíða. Spænsk matargerð er mjög bragðgóð og ekki svo kryddmikil. Spánverjar elska mat og eyða mörgum tímum í að njóta matarins saman. Almennt byrjar kvöldverður seint, eða um 22 leytið og er matur talinn abragðsgóð leið til að blanda geði.  

Ferðast til Spánar

Það eru endalausir möguleikar hvað Spán varðar. Ef þú hefur aðeins nokkra daga til að eyða á Spáni þá mælum við hjá KILROY með að þú farir í stórborgarferð. Ef þú hefur meiri tíma af hverju leigirðu ekki bara bíl og keyrir til Rioja vínhéraðana eða ferð í fjallgöngu í þjóðgarðinum Doñana í Andalúsíu? Þú getur einnig farið í eyjahopp, á milli Balearic eyjanna (Mallorka, Menorca, Ibiza, Formentera og Cabrera). Við mælum mest með Formentera og Ibiza. Ibiza er brjálaða partý ströndin með næturklúbba á heimsmælikvarða á meðan Formentera er minni og rólegri. Strendurnar á Formentera eru stórkostlega hvítar og á meðal bestu stranda Miðjarðarhafsins. Eyjan er mjög friðsæl og gefur þér stórkostlega og ósvikna upplifun af Spáni. Eyjan er flöt og lítil og þess vegna auðveld yfirferðar hvort sem þú ferð á á hjóli eða mótorhjóli. 

Ferðast um Spán

Samgöngur innanlands svo sem rútur og lestar er vinsæll ferðamáti. Þú getur komist hvert sem er á meginlandinu og ef þú vilt heimsækja eyjarnar þá geturðu tekið ferju eða flogið. Við hjá KILROY ráðleggjum þér að leigja bíl og keyra um landið. Það mun koma þér á óvart hversu auðvelt það er og hversu mikið þú munt sjá og upplifa. Á Spáni eru tvö stór flugfélög, Iberia og Spanair og bæði bjóða uppá ferðir á milli meginlandsins og eyjanna. Svo eftir hverju ertu að bíða? Farðu áður en það er um seinan!

Hafa samband