Auckland

Auckland harbour and skyline - plenty of activities to do in and around Auckland
 

Auckland - Hinum megin á hnettinum

Á milli tveggja bryggja á hinni fallegu Norðureyju í Nýja-Sjálandi munt þú finna borgina Auckland sem einnig er þekkt sem City of Sails. Þrátt fyrir að hér búi meira en hálf milljón manna er ‘borg’ kannski helst til stórt orð fyrir Auckland. Byggingar eru lágreistar og því lítur staðurinn meira út eins og stórt þorp en ber þó með sér ákveðinn stórborgarblæ. Auckland er fyrsti áfangastaður margra ferðamanna sem koma til Nýja-Sjálands. Borgin er umkringd af vatni og fjölbreyttum eldfjöllum en andrúmsloftið þar er mjög þægilegt. Þar er einnig ein af fallegustu höfnum í heiminum.

Auckland, eða Tamaki-or-rau Makau eins og svæðið myndi kallast á maorísku, er þéttbýlasti staðurinn á North Island í Nýja-Sjálandi. Stórborgarsvæði Auckland inniheldur Auckland borg, Waitakere, Manukau og North Shore. Fjórðungur af íbúum Nýja-Sjálands býr á þessu svæði. Á sumrin er hitastigið venjulega milli 21 og 24° C, á veturna fer hitinn sjaldan niður fyrir 12° C. Mesta úrkoma fellur yfir vetrartímann, þ.e.a.s. í júlí og ágúst. 

Fyrrverandi höfuðborg - City of Sails

Árið 1814, keypti breski skipstjórinn Hobson yfir 3000 ekrur af landi frá Maórum á North Island fyrir mjög lítið fé. Borgin var nefnd eftir Auckland lávarði sem var æðsti yfirmaður í breska sjóhernum á þessum tíma en hafnarsvæði borgarinnar var einstaklega góður staður til að stunda verslun. Auckland varð höfuðborg Nýja-Sjálands og fljótlega breyttist hún í lifandi verslunarborg. Finna mátti fjölbreytta flóru mannlífs; ríkisstjórnarmenn, verslunareigendur og vinnumenn. Eftir 25 ár flutti ríkisstjórnin í nýju höfuðborgina, Wellington, en Auckland hélt áfram að lifa. Í dag er fjölmenning mikil í borginni, þar sem margir innflytjendur hafa komið þangað frá löndunum við Kyrrahafið.

Borg siglinga

Segja má að íbúar Auckland séu brjálaðir í siglingar. Ef þú ert aðdáandi siglinga ættir þú að… nei þá verður þú hreinlega að ferðast til Auckland. Ástríða þeirra fyrir siglingum sést á hinum mörgu seglbátum sem liggja við höfnina. Það er líka mikið um siglingakeppnir, eins og hina frægu keppni America's Cup. Ef þú vilt virkilega vera eins og einn af innfæddum, farðu þá út á vatnið!  Það eru fjölmargir möguleikar. Ef þú átt mikið af peningum getur þú leigt snekkju milljónamærings eða farið í lúxuskvöldverð á skipi. Þú getur lært að sigla eða leigt bát og ferðast til margra eyja. 

Hápunktar Auklands

Margir af áfangastöðum Auckland eru í eða umhverfis borgina við vatnið og það sama má segja um elstu garða borgarinnar, Albert Park og Victoria Park. Á tindi eldfjallsins One Tree Hill færðu frábært útsýni yfir borgina, hafnirnar og eyjarnar. Ef þú ert hins vegar mjög mikið fyrir að vera hátt uppi ættir þú að taka glerlyftuna á efstu hæð Sky Tower. Þessi áhugaverði turn er hvorki meira né minna en 318 metra hár og er með réttu nefndur hæsti turn suðurhvelsins. Athugaðu hversu lofthrædd/ur þú ert með því að stíga út á glergólfið. Ekki nóg fyrir þig? Farðu þá í teygjustökk (e. sky Jump), en um er að ræða hæsta stökk í heimi frá turni.

Að ferðast um Aukland

Svæðin í Auckland eru mjög svipuð en við getum sagt ykkur hver eru best. Parnell Village, um kílómeter frá miðbænum er áhugaverður áfangastaður, þrátt fyrir ferðamannastrauminn sem liggur þangað. Þar eru enn mörg söguleg heimili og verslanir frá Viktoríutímanum . Drekktu bjór á veröndinni eða skoðaðu í búðarglugga í fínu búðunum. Ef þig langar að versla ódýrt er Newmarket hverfi góður staður. Í því hverfi eru líka mikið af leikhúsum. Ef þú vilt sjá meira af hinu fjölþjóðlega samfélagi ættir þú að ganga niður K Road, suður af miðborginni. Þar eru veitingahús frá mörgum löndum. Þessi upprunalegu heimkynni Maóra hýsa nú einstaklinga frá mörgum þjóðarbrotum og andrúmsloftið er frjálslegt. Bestu klúbbana er að finna á K Road og Parnell. 

Gisting í Aukland og nærliggjandi svæðum

Þar sem Nýja-Sjáland er svo vinsæll áfangastaður meðal ferðamanna eru margir gistimöguleikar í boði. Ef þú átt mikið af peningum getur þú lifað í lúxus og fengið þér herbergi á fimm stjörnu hóteli en jafnvel þó þó eigir næstum ekki neitt getur þú fengið góðan gististað. Nýja-Sjáland hefur einnig að geyma frábær tjaldstæði. Ef þú vilt framandi gististað er hægt að gista á alvöru Kiwi sveitabæ en þeir rækta ekki kíví, heldur eru íbúar Nýja-Sjálands kallaðir Kiwi's. Þú getur líka gist yfir nótt á gistiheimili eða farfuglaheimili. Kostnaður er frá um 15 evrum fyrir gistingu á farfuglaheimili að 100 evrum fyrir hótelherbergi.

Besti tími til að heimsækja Aukland? 

Þar sem Nýja-Sjáland hefur temprað veðurfar er hægt að fara þangað allt árið um kring. Vor og haust má segja að séu bestu árstíðirnar því þá er góður hiti og fáir ferðamenn. Á veturna (sumar hjá okkur) er hitastigið frá 10-15 gráðum. Flestallt sem hægt er að gera er opið allan ársins hring en ekki öll tjaldstæði eru opin á veturna. Stóru tjaldstæðin, t.d. þau sem eru í 'Top 10' keðjunni eru opin allt árið. 

Contact