Gvatemala

Virkt eldfjall í Gvatemala. Mælum ekki með því að fara á toppinn.
 

Ferðir til Gvatemala - Mayar og galdrar

Gvatemala býður uppá margar skemmtilegar upplifanir. Hér kynnistu hinni fornu Mæja menningu, sjarmerandi nýlenduborgum, litríkum indíánum og einstaklega fallegri náttúru. Pantaðu ferðina þína til Gvatemala hjá KILROY travels!

Landfræðileg staðsetning Gvatemala gerir landið upplagðan byrjunarreit fyrir ferð um Mið-Ameríku. Landið liggur að landamærum Mexíkó í norðvestur, Kyrrahafsströndin er í suðvestur, Belize og Karabíska hafið lokkar frá norðaustri og að lokum liggja Hondúras og El Salvador í suðaustri. Það er auðvelt að ferðast frá Gvatemala til þessara landa en Gvatemala er eitt og sér alveg nóg, því af nægu er að taka!  Vistkerfi Gvatemala er einstakt og er í raun algert "hotspot" fyrir líffræðilegan fjölbreytileika. Með öðrum orðum þá hýsir landið einstaka fjölbreyttni í dýra- og plöntutegundum og einnig stórsláandi landslag. Fjöll í allar áttir með stórbrotnu útsýni, sjávarströnd með fallegum baðströndum, miklar andstæður af rökum og suðrænum frumskógum og kaldari hálendi sem bjóða uppá góðar gönguleiðir. Já Gvatemala býður uppá mikið af afþreyingamöguleikum fyrir nátturuunnendur. Ekki gleyma að skoða eldfjöllin sem eru 37 talsins, þar af er Tajumulco eldfjallið það hæsta í Mið-Ameríku eða heilir 4,220 metrar! Til samanburðar er Hvannadalshnjúkur 2,110 metrar á hæð.

Menning Maya

Í Gvatemala eru mörg dulræn hof frá tímum Maya. Þú mátt alls ekki láta þessi hof framhjá þér fara í ferð þinni um Gvatemala en hofin eru dreifð um allt landið. Sum hofanna eru fallega grafin djúpt inni í frumskógi landsins, til dæmis rústirnar við Tikal sem eru stærstu Maya rústir sem hafa verið uppgötvaðar.Þú getur klifrað uppá píramídana og fengið ógleymanlegt útsýni yfir frumskóginn og hofin sem gægjast upp yfir trjátoppana. Mundu eftir kíkinum því hér er að finna yfir 300 litríkar og heillandi fuglategundir.

Bæir sem lokka

Það eru margir sjarmerandi bæir í Gvatemala, til dæmis Flores sem er ekki langt frá Tikal. Ef þú ert til í smá afrísk-karabíska stemmingu og skemmtilega lifandi tónlist, skaltu stökkva á bát og sigla til Livingston. Það tekur um klukkustunda að sigla þangað en það er alveg þess virði! Hér búa eingöngu svertingjar og er því menningin svolítið frábrugðin gvatemalískri menningu, fólkið talar annað tungumál en það skilja samt allir spænsku. Þrælar sem Spánverjar fluttu frá Afríku settust þarna að eftir skipsbrot.

Það er einnig algert skilyrði að heimsækja gömlu höfuðborgina Antiqua á ferðalaginu um Gvatemala. Borgin er á skrá UNESCO yfir merka staði, og er afskaplega fögur með skemmtileg litrík hús, huggulega bari og góða veitingastaði. Tungumálaskólarnir draga marga ferðamenn að og sniðugt er að fara á námskeið áður en ferð um Gvatemala hefst. Sniðugt er að gista á heimilum heimamanna sem veitir þér innsýn inní siði og venjur þeirra, og um leið bæta spænskukunnáttuna. Ef þú vilt upplifa eitthvað menningarlegt er mælt með að ferðast í apríl á meðan Semana Santa hátíðin stendur yfir. Mundu eftir að bóka gistingu með góðum fyrirvara því annars gætirðu átt hættu á að þurfa að gista á götunni! Hátíðin er algerlega þess virði að sjá og margir koma langt að til að fylgjast með og halda uppá hana. Vertu á varðbergi gagnvart vasaþjófum, hér þrífast þeir svo sannarlega! 

Skemmtilegir útimarkaðir

Gvatemala er stútfull af flottum útimörkuðum. Einn besti útimarkaður Mið-Ameríku er Chichicastenango. Hér er heillandi menning og það er alveg bókað að ef þú ert fyrir falleg handverk þá finnur þú þau hér!

Lago Atilán

Stökktu uppí rútu sem fer á milli Antigua og hins fallega smábæjar Panajachel. Á leiðinni geturðu séð fallegt landslag og útsýnið er stórkostlegt. Panajachel er staðsettur við strönd Lake Atitlán, umkringdur þremur glæsilegum eldfjöllum. Hér líður þér eins og þú sért komin/n til himnaríkis, fegurðin er svo mikil! Héðan er svo hægt að fara í bátsferðir á litlum bátum sem flytja þig til mismunandi þorpa eða eyja, við eða í stöðuvatninu. 

Afslöppun og ævintýri

Gvatemala er paradís spennufíkla og náttúruunnenda. Öll afþreying er ódýr en samt mjög svöl. Hér er hægt að fara í spennandi frumskógargöngur eða sigla á kanó á fljótum og ám, klífa eldfjöll og skella sér í spennandi bátsferð um votlendi sjávarþorpsins Monterrico. Ef þú ert meira fyrir að slappa af, þá er um að gera að  skella sér á eina af hinum fjölmörgu baðströndum Gvatemala eða finna heitar uppsprettur og fossa í Semuc Champey. Í Semuc Champey eru einnig flottar holur og hellar og er talið einn af fallegustu stöðum Gvatemala.  Annar huggulegur staður er hinn sjarmerandi bær San Marcos við bakka Lago Atitláns. Staðurinn eimar af friði og ró, hér er fólk afar tjillað og vingjarnlegt. Í bænum er hugguleg gisting, hollur og góður matur og svo má ekki gleyma að nefna yoga kennsluna. Það er svolítið sérstök stemmning hér, og minnir svolítið á hippamenninguna. San Marco er sannarlega rétti staðurinn fyrir ef þú ert að leita að algerri afslöppun og safna kröftum eftir langt ferðalag.

Contact