Hondúras

Bleikt hús við ströndina í Hondúras.
 

Ferðir til Hondúras - Falinn suðrænn gimsteinn

Hefurðu áhuga á að ferðast til staðar þar sem sem náttúran er einstök og lítið er af ferðamönnum? Þá er Hondúras rétti staðurinn! Þetta litla “bananaríki er auðvelt og ódýrt að ferðast um og býður uppá margar góðar upplifanir. Kauptu ferðina þína hjá KILROY travels!

Á ferðalaginu um Hondúras mælum við með heimsókn til hins óspillta og falda staðar, Rio Cangrejal. Þú tekur fyrst rútu til La Ceiba og stekkur svo um borð í innanbæjar rútu sem tekur þig til hins dásamlega umhverfis Rio Cangrejal. Þegar þú ferð af rútunni hér er mælt með að þú leggir leið þína til Jungle River Lodge.

Jungle River Lodge býður uppá ævintýraferðir um svæði þar sem vatnskraftur fljóts hefur fægjað og mótað steina og berg. Fljótið sjálft er túrkisblátt og fagurt og umkringt suðrænum frumskógi. Þú getur legið á fægjuðum steinunum og sleikt sólina eða stokkið í fljótið. Þú verður ekki var við marga ferðamenn hér. Jungle River Lodge skipuleggur einnig flúðasiglingu en einnig ferðir í gegnum gróðurmikinn frumskóg til nærliggjandi foss þar sem hægt er að baða sig í dásamlegu umhverfi.

The Bay Islands

Ferðin þín um Hondúras getur svo haldið áfram til Bay Islands. Þú tekur ferju frá La Ceiba til suðrænnu eyjanna Roatan eða Utila. Hér liggur mesti túristastraumurinn, sérstaklega til Roatan sem hefur sinn eigin flugvöll. Á Utila er aðeins rólegra og hér er meiri smábæjar fílingur. Báðar eyjarnar bjóða uppá ekta karabíska stemmningu og fallegar baðstrendur sem eru einnig tilvaldar til köfunar þar sem stærsta kóralrif heims, The Belize Barrier Reef, er rétt fyrir utan strendur Hondúras.

Köfun á Roatan og Utila 

Á Roatan geturðu farið í sérstaka hákarlaköfun fyrir cirka 75 USD sem er algerlega hverrar krónu virði. Köfunarbúðirnar bóka þetta fyrir þig. Þessi köfun hentar betur þeim sem eru vanir köfun þar sem þú ferð á 17 metra dýp. Og þvílíkt ævintýri: stórir hákarlahópar synda í kringum þig á meðan hjartað í þér bankar. En þú þarft ekkert að hræðast, þú ert algerlega örugg/ur og þessari upplifun áttu seint eftir að gleyma.  Svo er einnig sniðugt, ef þú er mikið fyrir köfun, að bóka pakkaferð til Utila sem felur í sér bæði gistingu og köfun. Köfunarmiðstöðin er staðsett við hafið og er einnig hótel þannig að þú stekkur bara beint í gallann þegar þú vaknar og útí sjó.

Báðar eyjarnar búa hvor að sínum kosti. Utila er friðsælli og minni, á meðan Roatan er aðeins dýrari en á sama tíma býður uppá mikið næturlíf og stærra úrval veitingastaða og bara. Svo ef þú vilt kanna óspillta og lítið heimsótta eyju þá er Guanaja afar spennandi kostur. Samgöngur eru lélegar en algerlega þess virði að eyða tíma í að komast þangað þar sem eyjan er afar heillandi.

Latino-borgir og maya-rústir

Nálægt landamærum Gvatemala er Copan, svæði með frábærum rústum frá hinni spennandi menningu Maya sem ríkti í Mið-Ameríku í fleiri árhundruð. Rústirnar eru heillandi og gefur skemmtilega innsýn í hina dularfullu menningu Maya. Auk þess er umhverfið hér afar heillandi og dýralíf skemmtilegt. Hér er til dæmis hægt að sjá litríka páfagauka.

Ef þú vilt komast í stórborg geturðu farið til höfuðborgarinnar Tequcigalpa og næststærstu borgar Gvatemala, San Pedro Sula. Í þessum borgum geturðu fundið skemmtilega útimarkaði og tískuverslanir. Borgirnar eru týpískar "latinoborgir" með sérstakri suðrænni stemmningu og óskipulegu yfirbragði. Afar heillandi borgir, en mundu að vera ekki á ein/n á ferli eftir myrkur. Auk þess er sniðugt að kunna smá í spænsku til að bjarga sér. Þú getur fundið góða tungumálaskóla í landinu.

Contact