Það sem setur kannski einna helst svip sinn á Chicago er stöðug nærvera “The L”, sem er einstakt lestarkerfi borgarinnar. “L-ið” líkist nefnilega ekki neðanjarðarlestarkerfunum sem finna má í mörgum borgum Ameríku, í Chicago er sérstök upphækkuð lest sem kallast “the Loop” eða “Lykkjan”, sem gefur staðnum ákveðið andrúmsloft.
Hvað á að gera í Chicago?
Kíktu við á einhverja af blús- og djassklúbbum Chicaco. Þessir kósí og yndislegu staðir hafa í gegnum árin verið vettvangur “Chicago Blús” og “Chicago Jazz” hreyfingarinnar frægu og jafnvel fyrir þá sem hafa ekki áhuga á tónlistinni sem slíkri eru staðirnir heimsóknarinnar virði. Hér hafa aðrar tónlistarstefnur einnig blómstrað og má heyra þær í börum og næturklúbbum borgarinnar: soul, gospel og meira að segja house tónlist, sem skaut fyrst rótum í Chicago seint á níunda áratugnum. Upp á síðkastið hefur Indie rokk náð miklum árangri í borginni. Nokkrar stærstu indie tónlistarhátíðirnar eiga sér stað í Chicago á hverju ári, t.d. Lollapalooza og Pitchfork Music Festival hátíðirnar.
Á sama tíma er Chicago nútímaleg og nýtískuleg borg með björtum, áhrifamiklum arkitektúr: tröllháir skýjaklúfarnir eru jafn háir og þeir eru fallegir. Reyndar vill svo til að borgin er ein sú hæsta í heimi með einn mikilfenglegan skýjakljúf á fætur öðrum (sem þú getur skoðað í fróðlegum og frábærum siglingartúrum á Chicago ánni). Til viðbótar státar borgin einnig af fallegum kirkjum og frábærum söfnum, að ógleymdri nýstárlegri byggingarlistinni. Þar að auki eru almenningsgarðar borgarinnar í hæsta gæðaflokki, þ.á.m. Grant Park og Millenium Park, sem einnig bjóða upp á nýtískulega og athyglisverða byggingarlist. Í þessum görðum má finna frábært mannlíf og stórborgarandrúmsloft með útsýni yfir borgina.
Verslunarsvæði og hafgolan
Mannlífið má einnig finna á hinni frægu verslunargötu “the Magnificent Mile” (“hin Mikilfenglega Míla”) í miðbæ Chicago eða á Navy Pier bryggjunni en þar eru margir góðir veitingastaðir, leikhús, söfn og glæsilegt parísarhjól á strönd Michigan-vatnsins.
Chicago liggur á undursamlega fallegum stað við vatnið. Hið feikistóra Lake Michigan gefur borginni fallegan brag. Vindarnir af vatninu eru mjög kaldir á veturna, og veturnir eru almennt frekar kaldir á þessum slóðum.
Hipp og kúl fjölmenning Chicago
Chicago er ekki bara bræðslupottur gamals og nýs, heldur líka allra mögulegra kynþátta og þjóðflokka. Hér eru litrík hverfi ýmissa þjóðarbrota, stórt hlutfall afrísk-ameríkanskra íbúa, hverskyns evrópskra minnihlutahópa og sterk menning samkynhneigðra í sumum litríkari hverfunum. Eitt sérstaklega athyglisvert og skemmtilegt hverfi er Wicker Park, norð-vestur af “The Loop”. Þar finnur þú frábæra veitingastaði, bari og verslanir, sérstaklega verslanir með notaða hluti og gamaldags, retró hluti.