Kalifornía

Grand Canyon - Í Kaliforníu er mikið um einstaka náttúru og fallega þjóðgarða
 

Kalifornía - Gullna fylkið

Kalifornía er drauma áfangastaður þeirra sem dýrka sólina, hafið, ströndina og fallega fólkið. Að sýna sig og sjá aðra - það er það sem lífið snýst um í Kaliforníu. En ekki gleyma að það er meira að sjá hér en fjölbreytt mannlífið. Þetta risastóra fylki býður upp á allt sem þú getur óskað þér: langar strendur, skíðasvæði, frægar stórborgir, bestu skemmtigarðana og heimsfræg náttúruundur. Það er ómögulegt að láta sér leiðast í “Gullna fylkinu!”

Það eru nokkrir staðir sem þú verður að heimsækja og er Kalifornía klárlega einn þeirra. Kalifornía er fylki við Kyrrahafið með landamæri að Oregon til norðurs, Nevada til austurs, Arizona til suð-austurs og Mexíkó til suðurs. Kalifornía er fjölmennasta fylki Bandaríkjanna og fjórar stærstu borgir fylkisins eru Los Angeles, San Diego, San Jose og San Francisco. Í fylkinu eru þrjú virk eldfjöll, stærsti flói Vesturstrandarinnar, 420 ferðamannasvæði við hin ýmsu stöðuvötn og hæstu tré í heimi. Okkar ráð er: ekki eyða of miklum tíma í L.A. - taktu þér tíma í Santa Cruz, San Francisco og þjóðgörðunum.

Náttúruundrin: Yosemite, Death Valley og Sequoia

Það er enginn skortur á þjóðgörðum í Kaliforníu. Upplifðu hitann á heitasta svæði Bandaríkjanna, Death Valley (Dauðadalinn) og kannaðu litríkar bergmyndanir, fossa og jökla í Yosemite. Og ekki gleyma því að heimsækja Sequoia þjóðgarðinn og skoða hina ótömdu náttúru en eitt stærsta aðdráttarafl hans er Risaskógurinn (the Giant Forest) - þar sem þú getur séð tré á stærð við skýjakljúfa. Ef stefnan er að heimsækja alla þjóðgarðana mælum við með því að þú kaupir „National Park pass‟ og sparir þannig pening.

Death Valley (Dauðadalurinn) í Kaliforníu - KILROY

Að sýna sig og sjá aðra í Los Angeles

Andstæðan við alla þessa náttúrufegurð er borg englanna, Los Angeles. Borgin hefur kannski ekki mikinn sjarma en er vel heimsóknarinnar virði. Þér á ekki eftir að leiðast! Stoppaðu við á Rodeo Drive, ein frægasta verslunargata heims, þar sem hinir ríku og frægu versla. Þar áttu eftir að sjá plastkonur, vel klædda hunda og mjög dýra bíla. Ekki gleyma því að kíkja við á Venice Beach en þar munt þú sjá bikinígellur á hjólaskautum og vaxtaræktarkappa æfa á ströndinni! Í Santa Monica finnur þú skemmtilega götulistamenn og Getty safnið. Að lokum þá verður þú að fara í skoðunarferð um Universal Studios kvikmyndaverið og taka mynd af alvöru „stjörnu‟ á Hollywood Boulevard - „the Walk of Fame‟. Athugaðu að almennings samgöngur eru almennt ekki mjög góðar í borginni og því mælum við með því að þú leigir bíl.

Mundu einnig eftir því að heimsækja miðbæ L.A., þessi hluti er svo miklu meira en bara háhýsi. Þar finnur þú nokkur mismunandi hverfi sem öll hafa sín sérkenni en þar á meðal er the Arts District, Chinatown og South Park.

Los Angeles - KILROY

San Francisco

Hin litríka San Francisco er rík af fólki án fordóma, svakalega bröttum brekkum, gróðursælum görðum og frábæru menningarlífi. Á sumrin finnur þú þar einnig ýmsar frábærar skrúðgöngur - það er enginn skortur á partýum í „Frisco,‟ sérstaklega ekki í SoMa hverfinu (South Of Market Street). Þetta svæði er í örum vexti og býður upp á fullt af töff kaffihúsum og börum. Í leiðinni getur þú kíkt á nútímalistasafnið, San Francisco Museum of Modern Art. Gleymdu túristalegu sporvögnunum og Fisherman’s Wharf (taktu bara mynd í hvelli). En ekki sleppa því að bóka miða til Alcatraz, frægasta fangelsis Bandaríkjanna. Gönguferð um Golden Gate brúna ætti einnig að vera á listanum þínum. Hinu megin við hana bíður ógleymanlegt útsýni yfir borgina – og ef heppnin er með þér verður brúin ekki þakin skýjum.

Golden Gate brúin í San Francisco - KILROY

San Diego

Ef þú hefur tíma þá ættir þú að ferðast suður á bóginn og skoða San Diego. Þessi spænska nýlenduborg er þekkt fyrir San Diego dýragarðinn, hafnarbakkann, Balboa garðinn og sögulega þjóðgarðurinn State Historical Park í gamla bænum. Einnig finnur þú þar nokkrar af fallegustu ströndum bandaríkjanna, La Jolla og Coronado. Þegar tekur að kvölda mælum við með því að þú stoppir við í gamla bænum (San Diego's Old Town) og pantir þér mexíkóskan mat.

Frá San Diego er auðvelt að fara í dagsferð til Mexíkó - það tekur aðeins hálftíma að keyra til hinnar illræmdu borgar Tijuana en athugaðu að þú gætir þurft að vera í nokkra klukkutíma á landamærunum.

Ævintýraferðir um Kaliforníu

Ertu með takmarkaðan tíma en langar að upplifa allt sem er nefnt hér að ofan? Þá mælum við með því að þú farir í skipulagða ævintýraferð og upplifir þannig allt það besta sem Kalifornía hefur upp á að bjóða. Hér ferðast þú með öðrum ævintýragjörnum ferðalöngum ásamt því að hafa leiðsögumann sem býr yfir ótrúlegri reynslu og þekkingu á svæðinu. Hann mun þá ekki aðeins sjá til þess að þú upplifir öll „must-see‟ kennileitin heldur einnig sýna þér alla földu gimsteina svæðisins.

Ævintýraferðir

Ævintýraferðir
Langar þig að fara í ævintýraferð þar sem þú ferðast um í hóp með öðrum ævintýraþyrstum ferðalöngum og upplifir allt það besta sem Kalifornía hefur upp á að bjóða? Bókaðu ferð og nældu þér í 15% afslátt.
Sjá ferðir

Að surfa í Kaliforníu

Kalifornía er æðislegur staður til þess að læra að surfa fyrir bæði byrjendur og lengra komna. Þetta er fæðingarstaður surfmenningarinnar! Þar finnur þú marga frábæra surfstaði sérstaklega á milli Los Angeles og San Diego. Einnig er veðurfar og aðstæður í Kaliforníu einstaklega góðar þannig að það er hægt er að surfa þar allt árið um kring. Upplifðu frábæra surfmenningu í Kaliforníu!

Surfskólar

Surfskólar
Dreymir þig um að læra að surfa? Í surfskóla í Kaliforníu færð þú frábæra þjálfun, sama hvort þú ert byrjandi eða reyndur surfari.
Nánari upplýsingar

Road trip um Kaliforníu

Þegar þú hefur fengið nóg af gervilífinu í L.A. mælum við með því að þú leigir bíl og farir í road trip. Keyrðu meðfram ströndinni til San Fransisco og stoppaðu í öllum bæjum sem verða á vegi þínum. Reyndu að finna út hvar fræga fólki býr í Malibu, upplifðu spænsku stemmninguna í Santa Barbara og surfaðu í Santa Cruz. Ef þú getur þá er sniðugt að leggja af stað snemma um morgun á virkum degi og sleppa þannig við mestu umferðina. 

Road trip

Road trip
Upplifðu allt það besta í Kaliforníu! Bókaðu bílaleigubíl á söluskrifstofu okkar og fáðu einn frían dag hjá Alamo!
Nánari upplýsingar

Frábær skíðasvæði í Kaliforníu

Það er mögnuð upplifun að keyra frá sjóðandi heitri eyðimörkinni á frábært skíðasvæði á aðeins nokkrum klukkustundum. Upplifðu magnaðar skíðabrekkur rétt hjá Lake Tahoe og ef þú ert ekki mikið fyrir skíði þá getur þú farið í tubing á sleða svæðinu.

Ef þú hefur hins vegar ekki mikinn áhuga á skíðum og snjó þá mælum við með því að þú farir þangað utan háannatíma. Svæðið í kringum Big Bear Lake er einstaklega fallegt og býður upp á ýmsa afþreyingarmöguleika. Frábært að fara aðeins út fyrir stórborgina og upplifa magnaða náttúru - mundu eftir því að taka gönguskónna með!

Mögnuð skíðasvæði í Kaliforníu - KILROY

Gisting í Kaliforníu

Hótel geta verið mjög dýr í Bandaríkjunum en þú getur fundið farfuglaheimili, heimagisting og B&B  á nokkuð viðráðanlegu verði. Forðastu ódýr mótel við veginn, sérstaklega ef þú ert með ofnæmi fyrir kakkalökkum. Miðað við Evrópu eru verðlagið aðeins ódýrara í Bandaríkjunum. Gisting á farfuglaheimili kostar um 20-25 Evrur á nótt. Svo eru líka margir sem leigja sér húsbíl í Bandaríkjunum og slá þannig tvær flugur í einu höggi - samgöngur og gistingu!

Hvenær er best að fara?

Þú getur heimsótt Kaliforníu á hvaða árstíma sem er, en ef þú vilt ná þér í brúnku (þú passar engan veginn inn ef þú hefur hana ekki!) ættir þú að fara rétt fyrir eða rétt eftir sumarið. Ekki fara þangað á háannatímanum, júlí og ágúst, ef þú vilt sneiða hjá ferðamannastraumnum og spara peninga á flugmiðum, gistingu og öðrum kostnaði.

Langar þig að ferðast um Kaliforníu?
Hafðu samband!

Contact