Seattle er vinsæll áfangastaður ferðamanna, og það er ekki að ástæðulausu! Seattle er frábærlega staðsett á milli sjávar og fjalla. Borgin býr yfir fullkominni blöndu af magnaðri náttúru og spennandi borgarlífi. Seattle er fæðingarstaður frægra tónlistarmanna og hljómsveita, Starbucks Coffee og svo auðvitað Bill Gates og Microsoft höfuðstöðvanna. Upplifðu þessa spennandi borg á leið þinni um Bandaríkin.
Seattle er einstök Amerísk borg, ólík öllum öðrum í heimsálfunni. Þú finnur fyrir evrópsku andrúmslofti þegar þú gengur um göturnar þrátt fyrir alla skýjakljúfana og fleiri vel þekkt bandarísk kennileiti. Í Seattle búa margir skandinavískir afkomendur og það er mjög áberandi, sérstaklega í úthverfunum. Borgin er svo vinsæl á meðal Skandinavíubúa að bein flug eru til Seattle daglega frá bæði Kaupmannahöfn og Keflavík.
They Rainy City
Þetta er eitt af gælunöfnum Seattle, en þar eru margir rigningardagar á ári. Veðurfar í Seattle er þó mjög milt og þar hefur hitastig ekki farið niður fyrir frostmark síðan um 1950. Snjór er sjaldséður í Seattle, jafnvel þó að stutt sé í fjöll. Sumrin eru hlý en vegna nálægðarinnar við Kyrrahafið er ekki mikið um hitabylgjur.
Hvað á að gera í Seattle?
Þú finnur margar spennandi upplifanir í Seattle og nágrenni. Ef þú hefur gaman að söfnum, ótrúlegri náttúru og kósý lífsstíl er Seattle staðurinn fyrir þig! The Space Needle, Seattle Center, Pike Place Market og Boeing verksmiðjurnar eru dæmi um staði sem gaman er að skoða á meðan þú ert í Seattle.
Leigðu bíl í Seattle
Almenningssamgöngur eru ágætar og það getur verið gaman að ferðast með lestinni (monorail) að Geimnálinni. Ef þú vilt hinsvegar ferðast um stærra svæði þarftu að leigja bíl. Líkt og allar aðrar bandarískar borgir, er best að skoða Seattle og nágrenni með því að rúnta um á þínum eigin hraða. Ef þú leigir bíl mælum við með að þú heimsækir Vancouver í Kanada og Olympic National Park sem er vestan við Seattle. Þú þarft a.m.k. 2 daga til þess að njóta allrar þeirrar fegurðar sem þessi skógi vaxni þjóðgarður hefur upp á að bjóða. Ef þú hefur gaman að gönguferðum muntu njóta þessa þjóðgarðar í botn.
Það er auðvelt að komast í nálægð við fjölbreytt dýralíf í þessum hluta Norður Ameríku. Þú getur t.d. farið í eins dags siglingu um Strait of Juan de Fuca og séð háhyrninga. Atriði úr kvikmyndinni Free Willy gætu farið að rifjast upp fyrir þér.
Ferðast meðfram ströndinni
Norðvestan við Seattle finnur þú upphafspunkt Highway 1, sem nær alla leið suður til San Diego. Þessi leið er ein sú vinsælasta á meðal þeirra sem ætla sér í road trip um Bandaríkin, enda býður hún upp á magnað útsýni. Vegurinn tekur þig í gegnum risavaxin Redweed tré Oregano, líflegu borgirnar San Francisco og Los Angeles og endar svo rétt hjá landamærum Mexikó í suður Kaliforníu.
Seattle er klárlega þess virði að heimsækja og frábær byrjun á ferðalagi um Bandaríkin!