Perú

Fljótandi eyjurnar á Titikaka vatninu.
 

Ferðir til Perú - land fullt af leyndardómum

Perú er oft tengt við hina fornu menningu og sögu Inka en landið býr uppá svo mikið af ævintýralegum upplifunum og möguleikum til afþreyingar fyrir bakpokaferðamenn. Stefndu í átt að suðræna regnskóginum, sigldu um Amason fljót á fljótabát, leystu gátuna um borgina yfirgefnu Machu Picchu og skoðaðu hina einstöku Inkaborg Cuzco. Skráðu þig í ævintýraferð með KILROY.

Perú er einn af skyldu-áfangastöðunum í Suður-Ameríku. Aðal aðdráttaraflið er án efa Machu Picchu og töfrandi saga Inkanna, ævintýri sem allir ferðalangar ættu að upplifa. Á ferð þinni um landið muntu heyra alls staðar um stórkostlega sögu Inkanna og stjórnartíð þeirra í Andesfjöllunum fyrir mörg hundruð árum síðan. Sagan, umhverfið og menningin er svo stórkostleg að við mælum með að þú dveljir hér í að minnsta kosti tvær vikur.

Machu Picchu í Perú - einn af hápunktum Suður Ameríku

Spennandi áfangastaðir í Perú

Perú býður upp á svo miklu meira en fornar Inkaborgir! Eftir að hafa ferðast til Machu Picchu og Cuzco skaltu fara til Puno og Lake Titicaca sem er eitt hæsta stöðuvatn í heimi og íbúarnir búa á manngerðum eyjum. Við mælum með siglingu um vatnið þar sem gist er í heimagistingu á einni af eyjunum - þú finnur ekki betri leið til þess að upplifa sveitamenningu Perú!

Lake Titicaca í Perú

Frá Cuzco geturðu flogið til Puerto Maldonado, en þaðan er hægt að fara inn í hinn stórkostleg Amazon frumskóg. Þar finnur þú fjölbreytt dýralíf, risavaxin tré og litríkt skordýralíf - mundu að ganga alltaf í lokuðum skóg til þess að forðast maurabit!

Ef þú flýgur til Perú byrjarðu ferðina þína sennilega í höfuðborginni Lima. Flestir eyða stuttum tíma í borginni, en þaðan er mjög auðvelt að ferðast með rútum til annara spennandi áfangastaða. Kíktu á Huachachina sem er lítil vin í eyðimörkinni umkringt stórum sandhólum. Hér er tilvalið að fara á buggy bíl og sandbretti! Þegar þú heldur ferð þinni áfram kemurðu til Nazca, þar sem þú finnur hinar frægu Nazca-línur; mynstur í jörðinni sem talin eru vera helgitákn skrifuð af Nazca-fólki fyrir 1500-2000 árum. Lögun línanna er allt frá einföldum beinum línum til nákvæmra útlína, t.d. af apa, könguló, hákarl eða eðlu.

Nazca lines - Perú

Að ferðast um Perú

Rútukerfið í Perú er mjög gott. Það er nokkuð einfalt og ódýrt, og svo býður það upp á frábær tækifæri til þess að kynnast heimamönnum! Fylgstu vel með fréttum af verkföllum sem eiga sér stað stöku sinnum svo þú verðir ekki strandaglópur einhversstaðar. Innanlandsflug eru ódýr og auðvelt að bóka. Leigubíll er líka annar kostur sem virkar fínt, jafnvel í hálendum borgum eins og Cusco. Vertu bara viss um að semja um verð fyrirfram ef enginn gjaldmælir er í bílnum. Verðin eru oftast sanngjörn.

Besti ferðatíminn í Perú

Veðurfar í Perú er skipt í tvær árstíðir - blauta og þurra tímabilið. Þrátt fyrir það er veður misjafnt á milli landshluta svo nauðsynlegt er að skoða veðurspánna sérstaklega um það svæði sem þú ætlar að ferðast um. Hitastigið fer eftir hæð og eftir því sem þú ferðast hærra því kaldara verður í lofti, en þess má geta að stór hluti Perú liggur í yfir 3.000 metra hæð svo það er ráðlagt að taka með sér hlý föt eða kaupa minjagripi úr lamaull - þeir eru bæði fallegir og halda á þér hita. Háannatíminn er frá júní til ágúst sem þýðir að verðin eru hærri á þessum árstíma. Gönguferðir í Andesfjöllunum eru ekki ráðlagðar yfir blauta tímabilið, frá desember til mars.

Dreymir þig um að heimsækja Perú?
Hafðu samband við KILROY!

Hafa samband