Machu Picchu

Machu Picchu
 

Machu Picchu - Inkagangan og ævintýri!

Machu Picchu er eitt af undrum veraldar. Staðurinn er á heimsmunaskrá UNESCO og var valinn einn af 7 nýju undrum veraldar. KILROY býður upp á allskonar ferðir um svæðið. Hafðu samand við ferðaráðgjafa til að fá frekari upplýsingar.

Inkaslóðin og Machu Picchu

ALLIR sem heimsækja Cuzco fara að skoða hinar heimsþekktu Inkarústir Machu Picchu. Það eru tvær leiðir til að gera þetta (nema þú hafir eigin flutningsmáta) annaðhvort tekur þú lest alla leiðina út að rústunum, eða (það sem æskilegra er) gengur í 2-4 daga eftir hinni frægu Inkaslóð sem að lokum nær til Machu Picchu. Maður tekur lestina frá Cuzco í átt að Machu Picchu og stígur af henni við 104 kílómetra áfanga þar sem slóðin hefst. Ef þú ert einn á ferð getur þú aðeins farið aðra slóð, ekki upprunalegu Inkaslóðina. Þá ættir þú að reyna að kaupa inn og pakka til 3-4 daga ferðar, annars er hægt að fara í hópi með leiðsögumanni, þar sem yfirleitt eru burðarmenn sem bera þungan farangur, elda mat og fleira. Í öllum tilfellum er þetta ögrandi og ótrúlega falleg ganga þar sem er frábært útsýni yfir Andesfjöllin og djúpa fallega dali á sama tíma og þú sérð magnaðar Inkarústir.

Machu Picchu – kraftaverkið í Andesfjöllunum

Þetta er bara lítil samantekt um Machu Picchu. Að koma þangað er yfirþyrmandi upplifun. Ekkert er eins spennandi og hefur eins mikið aðdráttarafl í Perú og þetta svæði, jafnvel ekkert í allri Suður-Ameríku. Staður sem er réttilega frægur fyrir þjóðfélagslega sögu sína og byggingarlist; verkfræði ‚kraftaverk‘. Þessar stóru, vel varðveittu bæjarrústir eru fullkomlega staðsettar í hinum hrífandi Andesfjöllum. Ef litið er upp má stöku sinnum sjá gamm fljúga milli klettatoppanna. Fegurstur er staðurinn við sólarupprás þegar morgunþokan leysist smám saman upp í steikjandi sólinni og afhjúpar rústirnar. Þegar þú hefur lokið við að taka myndir frá útsýnisstaðnum (það getur tekið smá tíma!) ættir þú að nýta restina af deginum til að ganga um niður milli rústanna (og hundruða annarra ferðamanna!) því hvergi annars staðar gefst jafngott tækifæri til að skoða hina spennandi menningu Inka – hvergi eru rústir sem eru eins vel varðveittar og hér.

Ferðaráð KILROY

Lokað er í Inkagönguna í Febrúar. Því skaltu reyna að koma á svæðið á einhverjum öðrum tíma. Athugaðu einnig að þörf er að bóka fyrirfram því það er takmarkað hversu margir geta farið um svæðið í einu. Því mælum við með að bóka ferðina með góðum fyrirvara. 

 

Hafa samband