Road trip um Nýja-Sjáland - Ferðalag galdrakarlsins - þrjár vikur

Road trip: Ferðalag galdrakarlsins
Töfrandi galdrakarlar og áhugaverð ævintýri. Á þessari epísku ferð um Nýja-Sjáland átt þú eftir að upplifa allt það besta sem landið hefur upp á að bjóða. Ævintýri í gegnum fjallgarða, forna jökla og tökustaði Lord of the Rings. Uppliðfu þetta falleg land og kynnstu heimamönnum og hversu hjálpsamir og vinalegir þeir eru.

Byrjar í: Auckland
Endar í: Christchurch
Lengd ferðalags: Að lágmarki 3 vikur
Mögulegir ferðmátar: Bíll, húsbíll eða rúta. 

Auckland; 2-3 dagar

Lifandi hafnarborg, strendur og eyjar. Aukland er þekkt sem "City of Sails". Farðu í bátsferð til einna af eyjunum kring, njóttu þess að borða góðan mat og drekka frábær vín. 

Hobbiton; ½ dagur

Heimili hobbita er The Shire og hér getur þú skoðað hobbita holur, farið í ferð um svæðið og upplifað þennan töfrandi stað sem gerði Miðgarð að því sem hann er. Allar 44 hobbitaholurnar hafa verið endurbyggðar nákvæmlega eins og þær eru í myndunum. Svo er um að gera að stoppa og fá sér öl á Green Dragon barnum eða fá sér léttan hádeigismat á Shire's Rest Café.

Tökustaðir í nágrenni: The Shire, Hobbiton

Waitomo Caves; 1 -2 dagar

Fallegir neðanjarðar hellar þar sem þú sérð "glow worms". Hellarnir eru í einni klukkustundar fjarlægð frá Hobbiton. Þeir eru heillandi völundarhús af neðanjarðarhellum og ám. Nokkrir hlutar af Lord of the Rings myndunum voru teknir upp hér, t.d. Troll Hoarde Cave, The Gundebad Wargs og orka árásin. Að fara í hellaferð og skoða þetta svæði er algjört "must"! 

Ruapehu; 2-4 dagar

Upplifðu þetta fallega og einangraða svæði. Farðu í gönguferð um Tongariro Crossing sem er talið vera eitt besta gönguvæði heims. Þú getur einnig farið í hesta ferð um skóga og sléttur og á skíði ef þú ert hér að vetri til. 

Rotorua; 2-3 dagar

Rotorua er eitt líflegasta jarðhitasvæði heims. Fyrir okkur Íslendinga er það kannski ekki það mest spenanndi í heimi (nema að þú sért mjög áhugasamur um jarðfræði) en svæðið hefur upp á ýmislegt annað spennandi að bjóða. Hér er nóg af adrenalín-ævintýrum; teygjustökk, fallhlífarstökk, vatnaævintýri, völundarhús og margt fleira. Einnig er þess virði að heimsækja Te Puia til að upplifa Maori menninguna, en Maori eru frumbyggjar Nýja-Sjálands. 

Wellington; 2-3 dagar

Staðsett á syðsta punkti norðureynnar. Wellington er virkilega skemmtileg borg og nokkuð lík Reykjavík nema hipstera hlutfallið er eilítið hærra. Oft kölluð "windy city". Borgin er einnig þekkt fyrir frábæran mat, góð vín og stóran kvikmyndaiðnað.

Tökustaðir í nágrenni: Nazgul, Rivendell, Isengard Gardens 

Nelson; 2-3 dagar

Nelson er staðsett á nyrsta punkti Suðureynnar og er sólríkasti staður Nýja Sjálands. Þekkt fyrir stórbrotnar strendur, fallega þjóðgarða og skemmtilega skrýtna bæi. Hér er auðvelt að gleyma sér í nokkra daga. Leigðu kajak í Abel Tasman eða farðu í göngu um töfrandi landslag Kahurangi.

Tökustaðir í nágrenni: Chetwood Forest, Dimrill Dale, suður af Rivendell

Kaikoura, 1-2 dagar

Kaikoura er á austurströnd suðureynnar og liggur á milli Kaikoura Range og Kyrrahafsins. Hvalir, selir og höfrungar halda til hér og er svæðið einna þekktast fyrir það. Hvalaskoðunarferðir fara nokkrum sinnum á dag frá höfninni. 

West coast Glaciers; 1-3 dagar

Jöklar eru kannski ekki það sem Íslendingar eru spenntastir að sjá þegar þeir ferðast út fyrir landið, en The Fox og Franz Josef jökullinn eru án efa mjög tilkomumiklir og þess virði að sjá ef þú ert á svæðinu.

Tökustaðir í nágrenni: lighting of the beacons.

Queenstown; 2-3 dagar

Queenstown er umkringd fallegum fjöllum og kristal-tærum vötnum. Það er ekki skrýtið að borgin sé einn af vinsælustu áfangastöðum Nýja Sjálands. Hér er auðvelt að fá útrás fyrir adrenalín-þörfina, m.a. á frábærum skíðasvæðum, dekra við sig með góðum mat og víni, og þetta er einn besti staðurinn til að sjá stórkostlega tökustaði Miðgarðs. 

Tökustaðir í nágrenni:The Ford of Brunein, The Gladden Fields, Sindarin Pillars of the Kings, Isengard, Lothlorien

Fiordland; 2-3 dagar

Einn af mest heilandi stöðum Nýja-Sjálands. Fiordland er heimkynni fossa sem hafa fallið í þúsundi ára og forna skóga. Einstakar skeppnur synda hér í þessum dökkum lækjum. Við getum sérstaklega mælt með Milford Track göngunni, en það er 4 daga ganga um þetta einstaklega fallega svæði. Einnig hægt að upplifa svæðið á bát eða kajak. 

Central Otago; 2-4 dagar

Slappaðu af á þessu sólríka svæði á milli fjalla og grasslétta. Þekkt fyrir frábæran mat og heimsklassa vín. Ef þú átt svo einhverja orku eftir þá er gaman að fara í hestaferð um Central Otago Rail.

Christchurch; 1-3 dagar

Loka áfangastaðurinn í þessu epíska ferðalagi. Borgin er virkilega skemmtileg og lífleg. Margir vilja jafnvel halda því fram að hún sé með skemmtilegustu borgum heims. Farðu í hjólaferð um svæðið og hjólaðu niður Port Hill. Skelltu þér á skíði eða í teygjustökk. Eftir að þú hefur fengið útrás fyrir adrenalínþörfina getur þú fyrst sagt bless við heimkynni hobbita og orka.

Viltu skipuleggja þitt eigið ævintýra road trip?

Hafa samband við ferðaráðgjafa

 

Sjáðu hvaða ævintýri bíða þín í Nýja Sjálandi: 

Contact