Versla
Hvort sem þú ert að kaupa einstakan minjagripi frá næturmarkaði í Asíu eða tískuvörur í Buenos Aires eða New York, þá skaltu muna að þú neyðist til að bera hlutinn í töskunni þinni á meðan ferð þinni stendur. Það getur svo sem verið í lagi ef hluturinn er léttur eða hægt að þjappa honum saman. Við mælum því með að senda heim alla stærri eða þyngri hluti sem þú þarft ekki á að halda á meðan ferð stendur.
Markaðir og að prútta
Eitt af því skemmtilega við að ferðast er að skoða allskonar markaði. Þú gætir fundið algjöra gimsteina eins og fallega listmuni, hönnun og fleira. Oftast er einnig hægt að prútta niður verðið en mundu þó að það eru til allskonar reglur eða hefðir um hvernig eigi eða hvað má þegar þú ert að prútta og það skaltu athuga hverju sinni. Þumalputtareglan er sú að þú skalt aðeins byrja að prútta ef þú ert virkilega áhugasamur um hlutinn og hefur áhuga á að kaupa hann. Mundu líka að brosa og sætta þig við það að borga aðeins of mikið fyrir hlutinn (hluturinn er eflaust verðlagður 10 sinnum hærri en raunverulegt verðmæti hans er). Í flestum tilvikum hefur þú efni á því og ekki þess virði að gera mál úr því.
Falsaðar vörur
Falsaðir hlutir eru víða í Indlandi, Kína, Tælandi, Víetnam og annarstaðar í Asíu. Það er vissulega freistandi að kaupa hlut sem er mögulega 10-20 sinnum ódýrari en upphaflega varan, en þú getur þó verið viss um að endingartíminn er ekki jafn góður. Þú gætir einnig lent í vandmálum þegar þú ert að ferðast yfir landamæri eða í heimferðinni, og er möguleiki á að fá mjög stóra sekt frá yfirvöldum ef þú ert tekinn með falsaðan varning eða að reyna að selja hann.