Hvenær á að fara?

Hellirigning og flóð? Vertu viss um að kynna þér veðurfarið áður en þú leggur af stað
Rigning í austri - sólskin í vestri! Jörðin er sem betur fer hnöttótt, sem meðal annars gerir það að verkum að á meðan á einum stað er hellirigning og kuldi þá er alltaf hægt að finna annan stað á jörðinni þar sem sólin skín og heitt er í veðri. Grundvallaratriðið er að það er alltaf hægt að finna nákvæmlega það veður sem þú ert að leitast eftir einhversstaðar í heiminum.

Það skiptir engu máli hvort að þú sért háð(ur) sjónum, snjónum eða sólinni – það er algjörlega lífsnauðsynlegt að vera meðvitaður um mismunandi árstíðir og plana ferðina í samræmi við það. Þannig nærðu að sjá hvern stað þegar hann er upp á sitt besta og gera það sem þér finnst skemmtilegast í bestu mögulegu aðstæðum.

Mundu eftir regntímabilinu

Á norðurhveli Jarðar er sumarið frá maí til október. Í suðri er það akkúrat öfugt - það er, frá nóvember til apríl. Á suðrænu svæðunum báðum megin miðbaugs skaltu svo reikna með regntímabilinu.

Það er nauðsynlegt að reyna að skipuleggja sig út frá veðurfari, en því miður er aldrei hægt að sjá fyrir duttlunga náttúrunnar og því betra að vera viðbúin(n) öllu!

Spurðu ferðaráðgjafann

Á Indlandi og í Suðaustur-Asíu er gífurlegur hiti og bleyta yfir sumarmánuðina en þar er virkilega gott að ferðast yfir vetrarmánuðina. Á syðsta hluta jarðar eins og t.d. í Nýja Sjálandi og Argentínu, getur verið mjög kalt yfir sumarmánuðina okkar. Á öðrum stöðum, eins og í Ástralíu og í Karabíska
hafinu, er gott veður allan ársins hring. Ferðaráðgjafar okkar hjá KILROY eru alltaf til staðar til að gefa góð ráð um mismunandi loftslag og hjálpa þér að skipuleggja ferðina þína svo þú sért alltaf á réttum stað á réttum tíma

Ferðast yfir veturinn - Komdu heim í sumarið

Sumarið er tíminn - til að vera á Íslandi. Ef þú ert ekki þeim mun meiri aðdáandi skammdegis og tilheyrandi vetrardoða er tilvalið að skipuleggja ferðina þannig að hún byrji á haustmánuðum og vari yfir vetrarmánuðina. Þá geturðu sent jólakort frá heitri suðrænni strönd til vinanna og fjölskyldunnar heima –öfundin mun heyrast alla leið yfir hnöttinn! Svo geturðu verið að koma heim þegar það er farið að vora hérna heima og náð Íslandi upp á sitt besta.

Hvenær þarf að byrja að skipuleggja heimsreisu?

Góð þumalputtaregla er að byrja að skipuleggja ferðina sex til níu mánuðum áður en lagt er af stað, þó það sé auðvitað hægt á skemmri tíma. Ef byrjað er nógu snemma gefst nægur tími til að koma öllum praktískum hlutum í lag. Þar að auki er meiri möguleiki á að fá ódýra flugmiða og ævintýraferðir ef bókað er með góðum fyrirvara.

 

Hafa samband