Lífið samanstendur af endalausum og erfiðum valmöguleikum: Val á námi, atvinnu, maka, pólitík, bíl, húsi og jafnvel dýri. En það er hægt að bíða aðeins með fullorðinsárin - setja þau og allar þessar ákvarðanir á standby; taka sér ársfrí og skoða heiminn. 

Það jafnast ekkert á við að upplifa langt bakpokaferðalag eða heimsreisu, þú þroskast, víkkar sjóndeildarhringinn, kynnist nýjum hliðum á sjálfum þér og hleður batteríin áður en þú kastar þér út í hversdagslíf fullorðinsáranna með öllu því stressi og þeim hraða sem þeim tilheyra. Það er nægur tími til stefnu og engin ástæða til að byrja strax að hafa áhyggjur af ellilífeyri og reikningum þegar þú getur í staðinn verið að:

• borða geggjaðar pönnukökur í New York
• synda og kafa við strendur Kenía
• borða yfir þig af karrí og sjá Taj Mahal á Indlandi
• vinna sem sendill í Sydney
• liggja í hengirúmi á Fiji daglangt
• læra spænsku í Buenos Aires
• djamma á tælenskri eyju fram eftir morgni

Þegar möguleikarnir eru svo margir og spennandi þá er ekki auðvelt að velja - en það er aftur á móti skemmtilegt! Og hver segir að þú þurfir endilega að velja úr? Ef þú skipuleggur heimsreisuna þína vel geturðu séð stóran hluta af öllu því sem þig langar að sjá og sameinað allt það sem þér finnst spennandi að gera.

Við hjá KILROY segjum: Farðu áður en það er of seint!