Ferðaskilmálar og almennar upplýsingar

Við hjá Kilroy viljum að þú njótir ferðarinnar. Við biðjum þig um að lesa vel yfir skilmála og almennar upplýsingar.  Þessar upplýsingar gilda um allar ferðir sem keyptar eru á skrifstofu Kilroy á Íslandi, í gegnum síma eða tölvupóst. Sérstakar reglur og skilyrði gilda um pantanir í gegnum heimasíðu okkar.

Bókun, Ferðaskjöl og Miðar

Ferð er bindandi þegar þú hefur samþykkt tilboð okkar hvort sem það er gert yfir síma ,tölvupóst eða með því að panta beint á skrifstofu okkar. Þér er skylt að tryggja að fullt nafn eins og það birtist í vegabréfi sé rétt og að allir tímar/dagsetningar sem og ferðaskjöl séu í samræmi við óskir þínar. Ef upplýsingar eru ekki réttar þarft þú strax að hafa samband við KILROY. Rangar upplýsingar munu verða til þess að þér sé neitað um aðgang að landi, í flugvél, á hóteli eða hjá samstarfsaðilum KILROY. Við staðfestingu á pöntun samþykkir þú að upplýsingarnar séu réttar. Athugaðu að þú ert sjálf/ur ábyrg/ur fyrir því að allar upplýsingar séu réttar og því tapi sem kann að verða ef svo er ekki.

Afpöntun og endurgreiðsla

Til þess að staðfesta ferð þarf að greiða innborgun á ferð sem er ekki endurgreidd ef ferð er afbókuð. KILROY áskilur sér rétt til að afbóka ferð vegna vanskila á eftirstöðvum greiðslu. Ef ferð er greidd að fullu við bókun eru endurgreiðslur í samræmi við reglur samstarfsaðila KILROY.

Kostnaður fylgir alltaf því að afbóka og/eða breyta flugi og ferðum. Vinsamlegast hafðu samband við ferðaráðgjafa fyrir nánari upplýsingar.

Athugið að ekki er hægt að breyta öllum flugmiðum.

E-miði / Rafrænir miðar

Þegar flug er bókað á vefnum eða á söluskrifstofu Kilroy er farseðillinn ekki lengur prentaður út á pappír. Þess í stað er hann geymdur í bókunarkerfi sem rafrænn farseðill eða E-miði. Þú færð senda kvittun með ferðaáætlun í tölvupósti sem er staðfesting á pöntun þinni. Þú prentar síðan kvittunina út og hefur hana með þér á flugvöllinn ásamt vegabréfi þínu. Þegar þú ferðast með rafrænum miðum er vegabréf notað sem ferðaskjal, því er mikilvægt að nafn á ferðaskjali sé það sama og í vegabréfi.

Athugið: Alltaf þarf að sýna útprentaða staðfestingu á ferðaskjali þegar ferðast er til Bandaríkjanna.

Við hjá KILROY mælum ALLTAF með að hafa gilt vegabréf meðferðis í millilandaferðum.

Samsettur miði

Hafir þú keypt flug sem er samsett úr flugum með tveimur eða fleiri flugfélögum, og hafa mismunandi bókunarnúmer, eru þau talin óháð hvert öðru. Þetta þýðir að með breytingu á flugi frá einu flugfélagi til annars, sem gæti valdið töfum eða því að að þú missir af tengiflugi, ber hvorki KILROY eða flugfélagið ábyrgð á viðbótarkostnaði fyrir nýjum miða, gistingu eða þeim aukakostnaði sem því fylgir.

Breytingar á farmiðum

Á heimasíðu okkar finnur þú upplýsingar um hvað á að gera ef þú vilt breyta miða áður eða á meðan á ferð stendur. KILROY á Íslandi breytir ekki miða eftir brottför, en vísar á vefsíðu KILROY og flugfélög. Vinsamlegast athugið að ef þú mætir ekki í flug eru þau flug sem bókuð eru í sama flugmiða afpöntuð sjálfkrafa.  Það á einnig við um flug heim.

Breytingar gerðar að hálfu flugfélaga

Flugfélög hafa rétt til að gera breytingar á flugtíma, jafnvel eftir að miði hefur verið staðfestur og greiddur. KILROY er ekki ábyrgt fyrir þeim breytingum, en mun upplýsa þig fyrir brottför og eftir því sem unnt er, aðstoða þig við að finna viðunandi flug. KILROY starfar einungis sem umboðsmaður fyrir flugfélög og er ekki ábyrgur fyrir neinum kostnaði vegna breytinga eða í tilvikum þar sem flugfélagið hættir við ferð. Vinsamlegast athugaðu að flugfélög geta breytt frest fyrir greiðslu á miða. Þetta þýðir að greiðsla verður að fara fram, fyrr en upphaflega var samið um. Miða er ekki hægt að gefa út án greiðslu. Við munum láta þig vita um allar breytingar eins fljótt og hægt er. Breytingar sem flugfélög gera eftir að þú hefur ferðast frá Íslandi, munu koma fram á ferðaáætlun þinni á netinu, því mælum við með að þú skoðir ferðaáætlun að minnsta kosti einum degi fyrir flug.  /support/ferdin-min

Bólusetningar

Ráðfærðu þig við lækni eða næstu heilsugæslustöð um hvaða bóluefni krafist er fyrir landið (lönd) sem þú munt ferðast um. Sum bóluefni þarf að taka með góðum fyrirvara áður en lagt er af stað í ferðalag ykkar.

Bólusetning. Allar upplýsingar sem þarf vegna bólusetningar færð þú hjá http://ferdavernd.is eða http://www.heilsugaeslan.is/

Lesið einnig yfir almennar ráðleggingar til ferðamanna: http://www.landlaeknir.is

Vegabréf / VISA

Það er á ábyrgð farþegans að afla sér upplýsinga um og tryggja sér þau ferðaskilríki og áritanir sem hann/hún þarf að hafa meðferðis fyrir það land sem ferðast er til. Gakktu úr skugga um að þú eigir gilt vegabréf, áritun og dvalarleyfi hvar sem þú ferðast. Áður en haldið er utan þarftu að kanna hvort þú þurfir vegabréfsáritun eða önnur skjöl til þess að heimsækja eða ferðast í gegnum hvert land. Athugaðu einnig að ef þú millilendir í Bandaríkjunum þarftu að hafa rétt skjöl.

Einnig þarf að athuga hvort vegabréf sé gilt nógu lengi - ákveðin lönd krefjast þess að vegabréf sé gilt allt að 6 mánuði frá þeim degi sem þú yfirgefur landið. Alltaf ferðast með  vegabréf, jafnvel þegar þú ferðast innan Schengen svæðisins, því  vegabréf er eina alþjóðlega viðurkennda  opinbera skilríkið.

Nokkur lönd eru stöðugt að breyta reglum sínum (sérstaklega Bandaríkin).

Sum lönd, svo sem Kúba og Rússland, krefjast þess að hótelið sé bókað áður en þú getur fengið ferðamannakort/VISA.

Alltaf þarf að skoða gildar reglur um þjóðerni þitt. Á heimasíðu utanríkisráðuneytisins er að finna upplýsingar um reglur fyrir Íslendinga.

http://www.utanrikisraduneyti.is/borgarathjonusta/ferdalagid/vegabrefsaritanir/

Bandaríkin

ALLIR farþegar sem ferðast til Bandaríkjanna verða að hafa með sér gilt vegabréf, sem hefur jafnframt gildistíma  í a.m.k sex mánuði umfram þá dagsetningu þegar dvöl lýkur í Bandaríkjunum.

Til að tryggja öryggi ferðamanna og bandarískra ríkisborgara, þá safna bandarísk yfirvöld saman ákveðnum upplýsingum af ferðamönnum, þ.m.t. skönnuð fingraför og stafræna mynd, við komuna til Bandaríkjanna. Þessum upplýsingum er haldið örugglega til haga og einungis dreift til þeirra stofnana sem þurfa á þeim að halda. Þetta er í samræmi við US-Visit Program sem er hægt að skoða hér; US-Visit program

Til að ferðast til eða millilenda í Bandaríkjunum gilda sérstakar reglur: þú verður að hafa rafrænt vegabréf, jafnvel ef þú ert í millilendingu/viðdvöl.

Börn verða að hafa sín eigin rafræn læsileg vegabréf.

ALLIR farþegar sem ferðast til Bandaríkjanna skv. undanþágum frá vegabréfsáritun (VWP) þurfa að hafa svokallaða ESTA ferðaheimild.  ESTA stendur fyrir Electronic System for Travel Authorization og á einvörðungu við VWP farþega.  Sækja þarf um amk 72 klst fyrir brottför á http :/ / esta.cbp.dhs.gov og kostar 14USD.

ATHUGIÐ: Frá og með 20. mars 2010 geta farþegar frá VWP löndum átt von á því að þeim verði hafnað ef þeir hafa hvorki ESTA heimild né vegabréfsáritun, skv. tilskipun bandarískra yfirvalda. Brot á þeirri tilskipun varðar sektir og önnur viðurlög.

APIS upplýsingar

Bandarísk lög krefjast þess að þú fyllir út ákveðnar upplýsingar áður en þú ferðast til og frá Bandaríkjunum. Best er að fylla APIS út áður en lagt er að stað út á flugvöll. ATHUGIÐ! Ef þú hefur ekki lokið við ferð vegna ógilds vegabréfs,  vantar vegabréfsáritanir, bólusetningarnar eða önnur nauðsynleg skjöl er ferð ekki endurgreidd.

Innritun

Það eru oft langar biðraðir á flugvöllum,  bæði í innritun sem og í öryggis  og vegabréfaskoðun. KILROY mælir með að vera á flugvellinum að minnsta kosti tveimur klukkustundum fyrir brottför í millilandaflugi. Ef margir eru að ferðast saman  ættir þú að reikna viðbótar klukkustund.

Flugvallargjald

Á ákveðnum stöðum í heiminum þarf að borga gjald á flugvellinum. Þetta er til viðbótar við það sem þú hefur þegar greitt fyrir miðann. Almennt nemur það um 100-200 kr. á flug, sem greitt er í íslenskum krónum eða í Bandaríkjadölum.

Farangur

Athugaðu hversu mikinn farangur þú mátt taka með í flugið. Yfirvigt getur verið dýr. Hjá flestum flugfélögum er leyfilegt að hafa 20 kg af innrituðum farangri auk 5 kg handfarangri. Hjá sumum flugfélögum og sumum áfangastöðum gilda aðrar reglur um þyngd. Það eru  einnig takmarkanir á stærð farangurs og gilda sérstakar reglur um íþróttir eins og golf, reiðhjól og þess háttar. Endilega athugið hjá viðeigandi flugfélagi um nánari upplýsingar.

ISIC/IYTC- kort og sveigjanlegir miðar

Ef þú ert að fljúga á KILROY breytanlegum miða, þarftu  að muna að koma með gilt ISIC eða IYTC kort í flugið, annars er miðinn ekki gildur. Ef þú ert ekki með kortið, eða kortið útrunnið eða án myndar, getur flugfélagið gert þér skylt að greiða fullt verð fyrir flugmiðann eða neitað þér um ferð. Allur frekari kostnaður er í öllum tilvikum á eigin ábyrgð þína.

Heimkoma / áframhaldandi ferðir

Við mælum eindregið með að þú athugir alltaf tímasetningar áður en haldið er heim eða í áframhaldandi flug daginn áður en þú flýgur. Þú getur skoðað ferðaáætlunina á heimasíðu okkar undir support. Þar er ferðaáætlun þín uppfærð af flugfélögum.

Trúnaður

Við höfum þagnarskyldu gagnvart  ferðalagi ykkar og því leggjum við til að þú skiljir eftir tilvísunarnúmer og afrit af ferðaáætlun hjá þeim sem þú vilt. Ef þú ert yfir 18 ára gefum við hvorki fjölskyldu né vinum upplýsingar um ferðina. Þetta er gert til þess að tryggja öryggi þitt.

Tryggingar

Við mælum með því að þú hafir ferðatryggingar fyrir bæði styttri og lengri ferðir. Nauðsynlegt er að hafa ferðatryggingar sem ná yfir slys, farangur, veikindi á ferðalagi, ábyrgð og fleira sem getur verið mjög dýrt ef þú ert ekki gilda tryggingu. Athugaðu að ferðatryggingar þínar nái yfir þarfir þínar og að þær gildi fyrir alla ferðina. Við mælum með að þú takir afrit af öllum ferðaskjölum, þar á meðal vegabréfi, bólusetningarkorti og yfirliti trygginga. Ef slys verður og/eða þú týnir eða lendir í þjófnaði á dýrmætum gögnum er auðveldara að endurnýja þau ef þú ert með afrit. Tapir þú miða ert þú ábyrg/ur fyrir öllum kostnaði í tengslum við útgáfu nýs miða, nema þú sért tryggður gegn þessu.

Rétt er að benda á að G Adventure sem er samstarfsaðili KILROY fer fram á að farþegar séu tryggðir að upphæð 200,000 USD.

Hótel

Athugið að staðlar á hótelum geta verið mismunandi um allan heim og geta annað hvort verið hærri eða lægri en það sem þú ert að vanur/vön frá Íslandi. Gæði hótela eru metin á grundvelli almennrar afstöðu og staðsetningu. Af reynslu vitum við að það getur verið lögð mismunandi áhersla á ýmsa þætti. Gera þarf ráð fyrir að hótel í stórum borgum hafa oft lægri staðla en annars staðar. Það kunna að vera minniháttar endurbætur á hótelum og sundlaug má loka í nokkra daga vegna hreinsunar. Þessa þætti getur KILROY ekki haft stjórn á og veitir því ekki grundvöll fyrir bætur.

Bílaleigubílar

KILROY starfar eingöngu með viðurkenndum bílaleigum. Athugið að skráður ökumaður verður að hafa meðferðis kreditkort skráð á sitt nafn og gilt ökuskírteini.  Ekki er hægt að staðfesta ákveðna bílategund heldur er staðfestur flokkur, og tegundir bíla sem eru til innan hvers flokks geta breyst með litlum fyrirvara. Vinsamlegast athugaðu að ef þú munt skila bílnum einhvers staðar annars staðar en þar sem þú sóttir bílinn bætist viðbótargjald.  Verðið er mismunandi og fer eftir því hversu margir km eru keyrðir. 

Ævintýri / Ævintýraferðir

Í nokkrum ævintýraferðum þarf að greiða svokallaða "Local greiðslu"  á staðnum. Þessa greiðslu þarf að inna af hendi með peningum. " Local gjöld" eru gjöld til sveitarfélaga, samgöngur, gas, inngangs gjöld o.fl. Breytingar geta átt sér stað á ferðum eða hætt er við ferðir vegna ónægrar þátttöku.  Þess vegna er ekki alltaf hægt að staðfesta ferðir fyrr en nær dregur að brottför. KILROY er ekki ábyrgur fyrir slíkum breytingum. KILROY er umboðsaðili, en ber ekki ábyrgð á vanefndum eða mistökum sem ekki hafa orðið vegna mistaka hjá KILROY. 

Rangar upplýsingar

Sé eitthvað ekki rétt í ferðaskjölum þínum, vinsamlegast hafðu samband við okkur strax svo við getum leiðrétt bókunina. Ef eitthvað uppfyllir ekki væntingar, meðan á ferð stendur,  er mikilvægt að þú hafir samband við þjónustuaðila svo sem hótel, bílaleigubíla, fyrirtæki eða flugfélag eða KILROY beint svo að við getum reynt að bæta úr strax. Til þess að geta tekið á kvörtun þarf að koma kvörtun á framfæri meðan á ferð stendur.

Heimkoma

Við viljum gjarnan heyra frá þér um reynslu þína á ferðinni, bæði lof og gagnrýni er nauðsynleg í viðleitni okkar til að bjóða upp á bestu ferðirnar. Athugasemdir við ferð þurfa að berast skriflega í síðasta lagi innan mánaðar frá því að ferð lauk í samræmi við almenna ferðaskilmála Samtaka Ferðaþjónustu.  Við mælum með að geyma gögn og upplýsingar frá hótelinu, ljósmyndir, kvittanir osfrv.

 

« Til baka í listann
Contact