Japan

Geisjur í Kyoto
 

Japan - tækni, sushi, og furðulegheit

Ferðalag til Japan gefur þér innsýn í gríðarstóran og fallegan menningarheim. Búðu þig undir að hrífast af stílnum og mannmergðinni í Tókýó, fegurð kirsuberjatrjánna, hofum og heitum uppsprettum, dásamlegum görðum, sushi menningunni, SUMO-glímuköppum, eldfjöllum, skógum, skíðasvæðum og áhugaverðum týpum.

Tókýó - Fremst japanskra borga

Búðu þig undir endalausan fólksflaum á neðanjarðarlestarstöðvum, götum og í verslunarmiðstöðvum ásamt því að sjá neonljós, auglýsingar og blikkandi skilti um alla Tókýó. Þessi áhugaverða en um leið stórskrýtna borg, gæti virkað mjög óskipulögð við fystu sýn þegar litið er aðeins á mannmergðina og gríðarstóra skýjakljúfa. 

Mannmergðin í Japan - KILROY

Þú átt þó klárlega eftir að upplifa borgina sem afar áhugaverðan stað, en undir niðri finnur þú hvern gimsteininn á fætur öðrum. Borgin er fjölbreytt og finnur þú þar mörg áhugaverð hverfi sem sum minna á lítil þorp. Já, Tókýó kemur á óvart!

Fiskurinn, SUMO-glíman og hofin

Á meðan á dvöl þinni í Tókýó stendur ættir þú að fara og skoða hinn áhugaverða fiskmarkað Tsukiji, sá stærsti í heiminum. Ef þú getur þá verður þú einnig að kíkja á hefðbundna SUMO-glímukeppni.

Við mælum með að þú heimsækir einnig borgina Nikko sem er staðsett í nokkurra klukkustunda bílferð norður af Tókýó. Borgin er svokölluð höfuðborg hofa en þarna var einnig fyrsti keisari Japan, Toshugo, grafinn. Þar finnur þú mörg falleg búdda- og shinto hof (shinto eru upprunaleg trúarbrögð landsins en þar eru andar og forfeður dýrkaðir). Og ef heppnin er með þér færðu mögulega að sjá eitt af hinum frægu shinto brúðkaupum á meðan á dvöl þinni stendur. Hvort sem þú upplifir brúðkaup eða ekki þá er þessi borg virkilega stórbrotin - að miklu leyti vegna staðsetningar hennar í miðjum sedrusviðarskógi. 

Einstök hof í Kyoto - KILROY

Heitar uppsprettur í Hakone

Það er næstum ómögulegt að ferðast til Japan án þess að skoða að minnsta kosti eina af mörgum heitum uppsprettum sem dreifðar eru um landið. Á japönsku eru þær kallaðar onsen. Ekki missa af því! Þú getur til dæmis prufað þær sem eru staðsettar í Hakone - í um 100 kílómetra fjarlægð frá Tókýó. Frá Hakone getur þú einnig notið útsýnisins til fjallsins Fuji sem er 3.776 metra hátt, hæsti tindur landsins.

Kyoto

Ferðalagið þitt til Japan ætti einnig að innihalda ferð til Kyoto sem var eitt sinn höfuðborg landsins. Kyoto er full af dásamlegum hofum sem eru umkringd fallegum görðum í hefðbundnum japönskum stíl. Kyoto hefur það orðspor að vera einn besti áfangastaðurinn innan Japans. Þar áttu eftir að sjá mikið af gyðjum (geisha) og æfingagyðjum (maiko). Ef þig langar að upplifa menningu Japans þá er Kyoto staðurinn.

Geishas í Japan - KILROY

Himeji

Það tekur þig um þrjár klukkustundir að ferðast á milli Tókýó og Kyoto, ef ferðast er með Shinkansen (e. bullettrains) - eru hraðskreiðustu lestir í heimi - og gefur þér tækifæri til að stoppa og skoða Himeji. Þar er einn af áhugaverðustu kastölum í Japan er staðsettur en hann er líklega frægastur fyrir að hafa verið notaður í James Bond myndinni „You Only Live Twice‟. Byggingin er í mjög hefðbundnum japönskum stíl og það er auðvelt að sjá hvers vegna hann er á heimsminjaskrá UNESCO.  

Skíðaiðkun í Japan: Hokkaido and Sapporo

Ef þú ert mikið fyrir skíði og snjó ættir þú að fara á Hokkaido eyju, norður af Japan. Þar finnur þú magnaða skóga og virk eldfjöll en auk þess er landslag eyjarinnar að mestu leyti fullkomið fyrir skíði og aðra afþreyingu í snjónum. Frá nóvember til apríl fellur mikið af snjó á Hokkaido og fjölmörg tækifæri eru til þess að skemmta sér í snjónum, t.d. á hinni frábæru hátíð Sapporo Snow Festival í höfuðborg eyjarinnar. Finna má mörg góð hótel og skíðasvæði en þar á meðal eru Niseko, Furano og Rusutsu.

Heitar laugar í Japan - KILROY

Suður-Japan: Okinawa

Í suðurhluta Japans liggur eyjaklasinn Okinawa þar sem hitastigið er hátt mestan hluta ársins. Á Okinawa (aðaleyjan) finnur þú einstaklega fallegar strendur og mögnuð kóralrif. Gættu þess að ferðalagið þitt til Japan komi þér einnig til Okinawa, því sá staður yfirsést oft en geymir nokkur af æðislegustu kóralrifum í heimi og strendur sem ekki er hægt að líta framhjá.

Hvernig er verðalagið í Japan?

Það er oft ekki jafn dýrt að ferðast til Japan og margir halda. Japan er samt ekki ódýr áfangastaður! Þú ættir að geta fundið gistingu frá um 20 evrum á nótt og þú ættir að geta borðað þrjár máltíðir á dag fyrir svipaða upphæð.

Langar þig að ferðast til Japan?
Hafðu samband!

Hafa samband