Ímyndaðu þér eftir langt flug að þurfa ekki að byrja á því að finna gististað og fararmáta. Með komupakka Melbourne Central YHA færð þú frábæra byrjun á ferðalagi þínu um Ástralíu. Innifalið í pakkanum er gisting í tvær nætur, annaðhvort í dorm- eða einkaherbergi, og morgunverður. Ef þig langar að gista lengur er ekkert mál að bæta við aukanóttum. Að auki færð þú frían akstur frá flugvellinum í miðbæ Melbourne sem er í ekki nema 5 mínútna göngufjarlægð frá hostelinu.
Melbourne Central YHA er frábært hostel fyrir alla bakpokaferðalanga. Hostelið hefur frábæra aðstöðu og fjölbreytt herbergi ásamt því að vera frábærlega staðsett í hjarta Melbourne þar sem þar sem Yarra áin, the Docklands og hin huggulegu "laneways" eru í göngufæri. Ef þig langar hinsvegar frekar að slaka á í sólbaði og/eða komast yfir flugþreytuna þá hefur þú um nokkur svæði að velja þar á meðal æðislegar þaksvalir. Að auki hefur hostelið skemmtilegan bar og grillsvæði.