Dóminíska Lýðveldið

Dóminíska Lýðveldið er paradís eins og margar aðra eyjur í Karabískahafinu
 

Dóminíska Lýðveldið – ævintýri í hitabeltinu

Hér eru hvítar sandstrendur, pálmatré sem vaggast rólega í vindinum undir heitri sólinni og Karíbahafið við fætur þér. Dreymir þig um að fara í sundföt og liggja í leti í sólstól, fjarri rigningarlöndum norðursins? Þá er Dóminíska Lýðveldið staðurinn fyrir þig. Bókaðu ferð með KILROY.

Dóminíska Lýðveldið liggur á fjallaeyjunni Hispaniola, en deilir henni með Haítí. Hún er mitt á milli Norður-Ameríku og Suður-Ameríku og telst því til Karabíska eyjaklasans, en hann inniheldur um 7000 eyjar sem eru mjög vinsælar meðal strandunnenda. Og skyldi engan undra! Hér er náttúran falleg, útsýnið ótrúlegt og veðrið hlýtt og sólríkt allan ársins hring. Ferð til Dóminíska Lýðveldisins lætur þér líða eins og nýrri manneskju!

Frjóir dalir og litríkir fiskar

Í Dóminíska Lýðveldinu er auðvelt að halda að maður sé kominn inn í póstkort. Hér eru iðagrænir dalir, dynjandi fossar og há, skógi vaxin fjöll. Ekki gleyma ólýsanlegu útsýninu yfir hafið, sem hefur að geyma kóralrif, litríka fiska og skjaldbökur. Og þú getur séð það allt með eigin augum – mundu bara eftir sundfötunum og snorklgræjunum.

Fjallganga á Pico Duarte – hæsta fjalli Dóminíska Lýðveldisins

Hæsti tindur eyjunnar, og reyndar hæsti tindur allra Karabísku eyjanna, heitir Pico Duarte. Ef þú fílar erfiðar fjallgöngur og hefur ekkert á móti því að svitna smá, þá viltu kanski reyna að klífa þetta fjall upp að tindinum í nærri 3000 m. hæð yfir sjávarmáli. Ferðin í heild tekur tvo-þrjá daga og gönguleiðin þangað er útbúin svefnskálum með reglulegu millibili.

Lago de Enriquillo vatnið og Este National Park þjóðgarðurinn

Svo er líka hægt að sjá lægsta punkt Karabísku eyjanna, stöðuvatnið Lago de Enriquillo, sem liggur 30 metra undir sjávarmáli og er þrefalt saltara en vatnið í sjónum. Eða þá getur þú farið í einn af þjóðgörðum eyjunnar. Það standa nokkrir þjóðgarðar til boða, t.d. Este National Park, en þar má sjá iguana eðlur, höfrunga, leðurblökur og forn hellamálverk. Það er eitt af allra helstu perlum Dóminíska Lýðveldisins og við mælum sterklega með því þegar þig langar í tilbreytingu frá ströndunum.

Dóminíska Lýðveldið uppgötvuð af Kólumbusi

Eyjan Hispaniola var uppgötvuð árið 1492 af Kólumbusi, sem notaði eyjuna sem nokkurskonar stökkpall fyrir fyrstu leiðangrana sína í “Nýja Heiminn”. Enn í dag má sjá mörg ummerki nýlendutímabilsins á Dóminíska Lýðveldinu. Það sést á byggingarstílnum og einnig á mörgum athyglisverðum fornum húsum og kirkjum. Þar að auki má sjá hér fyrsta háskóla Ameríku, sem opnaði árið 1538. Aðal tungumálið er spænska en menningin er líka undir áhrifum frá Frakklandi, Afríku og Haítí.

Hafa samband