Þýðingarmikil ferðalög í Tælandi: Ræktaðu sjálfan þig og gefðu til baka

Stundum er það auðveldara sagt en gert. Sem ferðamaður ertu alltaf að horfa utan frá og inn. Það er eins og að slökkva á sjónvarpinu eftir að hafa horft á kvikmynd. Að lokum snýrðu aftur til þíns eigin lífs í allt öðrum veruleika. En ferðumst við ekki öll til að upplifa nýja hluti og ólíka menningu og kynnast nýju fólki? Svo hvers vegna erum við svona vanaföst og fetum troðnar slóðir, þegar kemur að því að ferðast til útlanda?

Ef þér líður eins, þá er kominn tími til að brjóta mynstrið. Við skulum orða þetta svona: Þegar þú kemur heim úr ferðalagi, langar þig að líða eins og þú hafir heimsótt stað eða langar þig að líða eins og þú hafir upplifað áfangastað að fullu? Ef þú ert eins og við, þá er það örugglega hið síðarnefnda. Það krefst annarrar nálgunar á ferðalög, og að þú stígir út fyrir rammann með því að opna sig fyrir öðrum menningarheimum, nýrri reynslu og sérstaklega fólkinu í kringum þig. Þegar öllu er á botninn hvolft er ókunnugur einstaklingur aðeins vinur sem þú hefur ekki kynnst enn þá.

Það er svo mikið af ótrúlegum upplifunum að finna um allt Tæland, svo það ætti ekki að vera of erfitt að finna eitthvað sem hentar þér. En við værum ekki KILROY ef við myndum ekki gefa þér frábærar tillögur. Svo hér eru þær...

Við hugsum um ferðalög sem besta fræðsluformið. Þú lærir svo mikið um fólk í heiminum okkar og hvernig það lifir með því að ferðast. Þú hefur nokkar möguleika til að gera einmitt þetta í Tælandi en við mælum með að kynnast fjalllendissamfélögunum í norðurhluta landsins. Þar ferðu í nokkra daga gönguferð um þétta skóga, þar sem hvert lítið þorp sem verður á vegi þínum hefur sitt eigið tungumál, hefðir og klæðaburð. Þú munt læra hvernig á að nýta lókal veiðitækni, sem og hvernig teppi, fatnaður og önnur vefnaðarvara er gerð. Lókal upplifun er fullkomin leið til að auka bæði skilning og gagnkvæma virðingu. Það er auðvelt fyrir okkur að horfa á heiminn frá vestrænu sjónarhorni, einblína á mismun okkar og hvaða lífsmáti er betri kosturinn. En þegar þú hefur raunverulega átt samskipti við fólk úr öllum áttum, áttar þú þig á því að við eigum meira sameiginlegt en virðist við fyrstu sýn. Af reynslu vitum við að þessi persónuvöxtur fylgir þér, það sem eftir er ævinnar.

En áður en við komumst á það stig verðum við að læra að komast út fyrir þægindarammann. Það er eðlilegt að halda okkur við það sem við þekkjum og elskum, jafnvel þó að við viljum endilega upplifa eitthvað nýtt. Þess vegna mælum við með því að byrja á þroskandi upplifun sem hluti af litlum hópi. Ef þú deilir reynslu og sögum með öðrum ferðamönnum víðsvegar að úr heiminum færðu mismunandi sjónarhorn, sem eykur aðeins upplifun þína.

Við mælum með því að eyða smá pening í að fá þér lókal leiðsöguman á sögulegum stöðum. Hagnaðurinn fer þá ekki bara til samfélagsins, heldur færð oft bestu upplýsingarnar frá þeim. Það er líka frábær leið til að fá svör við spurningum þínum um Tæland þar sem flestir leiðsögumennirnir eru stoltir af landi sínu og fúsir til að deila upplýsingum.

Uppáhalds lókal upplifunin okkar inniheldur næstum alltaf mat, á einhvern hátt. Góður matur í Tælandi er bókstaflega ALLSTAÐAR. Okkar ráð? Spyrðu heimamann sem þú hittir hvar þeir borða venjulega og hver uppáhaldsrétturinn þeirra er. Þá er líklegast að þú fáir eitthvað sem þú hefur aldrei smakkað áður. Jafnvel ef þér líkar það ekki, þá er það frábær leið til að prófa eitthvað nýtt. Ef þú treystir þér ekki í það skaltu heimsækja einn af mörgum mörkuðum Tælands. Í hverjum miðlungsstórum bæ er allavega einn. Skoðaðu allt sem er í boði og keyptu einfaldlega eitthvað til að prófa. Ekki fara í hráa kjötið og fiskinn, en prufaðu til dæmis tælenska ávexti. Þjóðarávöxtur Tælands, mangóstan, er líklega eitthvað sem þú hefur aldrei séð eða prófað áður. Harða þykka fjólubláa hýðið er ekki hægt að borða, en skærhvíta holdið sem kemur í ljós er sætt og frískandi á bragðið, minnir svolítið á blöndu milli lychee, ferskja og ananas. Það eru þó fullt af öðrum ávöxtum sem þú getur prófað líka, eins og rambútan, drekaávöxtur og hinn fræga illa lyktandi durian. Eitt er víst, það eru ótal möguleikar til að prófa nýja rétti og snakk.

Ef þú vilt gera enn betur og nýta sem best matreiðslusnilld Tælendinga mælum við með að þú farir á matreiðslunámskeið. Satt að segja er þetta besti minjagripurinn sem þú getur gefið sjálfum þér, þar sem þú munt læra nýjar uppskriftir og að búa þær til heima um ókomin ár. Hvað með dásamlegt grænt karrý, Pad Thai eða Thai núðlusúpu? Við erum nú þegar að verða svöng hérna!

Og síðast en ekki síst: street food! Heldurðu að besta skyndibitann er að fá á McDonalds? Þá skaltu endurhugsa það, þar sem Tæland er heimkynni endalausra götubása. Maturinn þar er ódýr, fullur af bragði og líflegur, þar sem höfuðborg Bangkok er miðpunktur alls. Miðbær götumarkaðsins er iðandi allan daginn og þó að það sé nóg af veitingastöðum í kring gætirðu lifað af á götumat einum saman. Það er heldur ekki bara fyrir bakpokaferðalangann sem eru með takmarkað budget. Þú munt sjá fullt af fínum hótelum með fimm stjörnu veitingastaði, en ekki vera hissa þegar þú sérð viðskiptafólkið standa í biðröð við götumatarbásana. Hvers vegna? Því maturinn þar er svo góður! Vissir þú að það eru götusalar með Michelin stjörnu í Bangkok? Jay Fai, einnig almennt kölluð „drottning götumatarins“, hlaut hið fræga gæðamerki fyrir sköpun sína úr krabbaeggjaköku, sem gerði hana að goðsögn.

Ertu mikið í símanum þínum eða á samfélagsmiðlum? Það er næstum erfitt að vera það ekki þessa dagana. Ferðalög eru frábær leið til að sleppa öllum tilkynningum, skilaboðum og hvötum til að leita að þeim á klukkutíma fresti. Ef þú vilt geturðu í rauninni byrjað á þessu alls staðar. En það eru nokkrir áfangastaðir sem örva þetta framtak með virkum hætti eða jafnvel neyða þig til þess vegna skorts á viðeigandi nettengingu. Alla leið upp í Chiang Mai í Norður-Tælandi er auðvelt að skilja símann eftir og komast bara sjálf/ur/t í dásamlegan heim náttúru og dýralífs. Annaðhvort í dásamlegum gönguferðum um fjöllin og gróskumikla skóga eða með því að taka þátt í náttúruverndarverkefni. Þetta er sannarlega friðsæll staður sem á skilið alla athygli þína. Þó að þú þurfir ekki endilega að slökkva á símanum eða tengingunni, þá eykur það upplifunina ef þú gerir það. Engar utanaðkomandi truflanir munu fá þig til að sjá fegurðina í kringum þig á sama tíma og þú gefur þér pláss til að hugsa og hugleiða. Við flýtum okkur oft svo mikið þegar við erum í fríi, núvitund er leiðin til að komast hjá því.

Bónusráð: ef þú vilt taka núvitund af alvöru skaltu skoða jógatímana á Koh Tao. Það er frábær leið til að sameina núvitund og ævintýri í einum pakka, á töfrandi stað. Besti staðurinn til að finna þinn innri frið og njóta alls þess sem umlykur þig. Við höfum áður skrifað blogg um einmitt þetta efni áður ef þú vilt vita meira.

Það er ekki hægt að hugsa um leið til að gera ferðalög innihaldsríkari án þess að hugsa um sjálfboðastörf. Það eru til fullt af mismunandi sjálfboðastörfum í Tælandi, hvort sem þau tengjast verndun dýralífs, samfélagsuppbyggingu eða fræðslu. Dýralífsvernd í fílabjörgunar- og fræðslumiðstöðinni í Bangkok er einn af vinsælustu kostunum og ekki að ástæðulausu. Dýr hafa tilhneigingu til að draga fram það besta í okkur og þessir stóru vinalegu risar eiga skilið alla þá ást sem þeir geta fengið. Dýrin í miðstöðinni voru áður notuð til að draga að ferðamenn og þess háttar, sem þýðir að þau hafa almennt átt erfitt líf. Það eru fullt af ferðamannagildrum sem nýta fíla og önnur dýr á ömurlegan hátt, svo við skiljum vel ef þú ert svolítið varkár við að prófa sjálfboðastarf með dýrum, en við getum ábyrgst að þetta er ekki það. Þú finnur enga hlekkjaða fíla og girðingarnar eru stórar og gerðar úr náttúrulegu búsvæði til að tryggja að dýrin geti lifað góðu lífi hér.

Ef verndun dýralífs er ekki eitthvað fyrir þig, þá er kannski eitt af verkefnunum í Hua Hin meira fyrir þig. Um allt Tæland eru enn mörg samfélög sem þurfa hjálparhönd. Í Hua Hin geturðu stutt nokkur verkefni til að bæta nærsamfélagið. Þú getur hjálpað til við ''byggingarverkefni'', til að viðhalda og byggja heimili, skóla og aðra aðstöðu í þorpinu. Það eru þó aðrar leiðir til að leggja sitt af mörkum, tökum sem dæmi kennsluverkefnið, þar sem þú hjálpar börnum að læra ensku, dýrmæt kunnátta sem mun hjálpa þeim alla ævi.

Flestar tillögur okkar hér að ofan snúast allar um að gefa ferðalaginu þínu meiri tilgang. En hvað ef þú vilt að ævintýrið sé fullt af lærdómsupplifunum? Ekki málið! Með endurmenntunar ferðaáætlunum okkar geturðu sótt námskeið á ótrúlegum stöðum um allan heim. Hvað með kóðabúðirnar okkar í Tælandi? Hér munt þú læra grunnatriði gagnagreiningar og kóðunar í hvetjandi og afslappandi umhverfi, á fallegu eyjunni Koh Phangan. Þar er markmiðið að skapa hið fullkomna námsumhverfi með öðrum nemendum, frumkvöðlum og kennurum á einu vinsælasta gagnafræðinámskeiðinu á netinu innan vélanáms þarna úti.

Þetta er alls ekki allra. En ef þér líður eins og þú sért fastur í lífinu, vilt hrista aðeins upp í því og læra nýja færni sem þig hefur alltaf dreymt um, þá er þetta virkilega flott leið til að gera það að veruleika. Og það besta: eftir (eða fyrir) námskeiðið geturðu ferðast um Tæland og upplifað allt sem landið hefur upp á að bjóða. Þú ert nú þegar hér, svo best að nýta!

Kveiktu þetta í þér ferðalöngun? Talaðu við okkur til að gera drauma þína að veruleika og uppgötva hið raunverulega Tæland sem svo oft er gleymt.

Skrifa okkur