Road trip Kanada: Austurströndin

Þessi road trip leið fer um Nova Scotia á austurströnd Kanada. Stórkostlegt landslag, lítil sjávarþorp, frægir vitar og vinalegt fólk. Að auki færð þú mörg tækifæri til prófa fjölbreytta afþreyingu og smakka einstakan mat. Hér eru engar rangar beygjur.

Lengd: 2 - 3 vikur

Við mælum með þessari leið yfir sumartímann - frá enda maí til byrjun september. Hér byrjar þú og endar ferðina í Halifax en einnig er hægt að breyta því t.d. þannig að þú byrjar og endar í Saint John í New Brunswick. Yfir sumartímann er auðvelt að tjalda á þessari leið en einnig finnur þú mörg lítil hótel og/eða gistiheimili. Athugaðu þó að gott er að bóka gistinguna fyrirfram ef þú ert að ferðast yfir háannatímann þar sem þau eiga það til að verða fullbókuð. 

Road trip hugmynd

Halifax - Peggy's Cove - Lunenburg - Kejimakujik - Annapolis Royal - Saint John - Hopewell Cape - Charlottetown - Cape Breton - Baddeck - Louisebourg - Halifax

Halifax, Nova Scotia

Road trip ævintýrið hefst í Halifax. Byrjaðu á því að sækja bílinn og njóttu þess að eyða nokkrum dögum í og í kringum Halifax. Þar finnur þú margar skemmtilegar gönguleiðir ásamt því að næturlífið í Halifax frábært! 

Peggy's Cove, Nova Scotia

Ferðalagið hefst á því að þú keyrir meðfram ströndinni til litla fiskiþorpsins Peggy´s Cove sem er þekkt fyrir einstaklega fallegan vita og rólegt andrúmsloft. Mjög rómanstískur staður! 

Lunenburg, Nova Scotia

Bærinn Lunenburg á sér langa sjómennsku-sögu sem íbúar eru afar stoltir af. Bærinn er þekktur fyrir skipasmíði en þar var t.d. hið fræga skip "Bluenose" smíðað. Auðvelt er að ganga á milli staða í bænum - njóttu þess að rölta um litlu göturnar og kanna litlu búðirnar, listagalleríin og veitingastaðina. The Waterfrong og the Bluenose söfnin eru einnig þess virði að heimsækja. 

Kejimkujik National Park, Nova Scotia

Kannaðu vötnin í Kejimkujik þjóðgarðinum í magnaðri ferð á kanó - þú ferð sömu leið og Mi’kmaq indíánarnir gerðu forðum. Að auki eru þar margar frábærar gönguleiðir. Tilvalið er að leigja lítinn skála við eitt af vötnunum eða tjalda á einhverju af tjaldsvæðum þjóðgarðarins. 

Athugaðu: Samkvæmt Parks Canada þá verður aðgangur frír inn í alla þjóðgarða Kanada árið 2017 vegna 150 ára afmæli the Canadian Confederation.

Annapolis Royal, Nova Scotia

Sjávarbærinn Annapolis Royal er frábærlega staðsettur á milli fjalls og fjöru. Bærinn á sér langa sögu, sem þú ættir að kynna þér, en áður en Evrópumenn komu þangað þá var þetta svæði mjög mikilvægt fyrir Mi’kmaq indíánanna.

Saint John, New Brunswick

Eftir hressandi bátsferð yfir the Bay of Fundy þá kemur þú til Saint John, höfuðborg New Brunswick héraðsins. Hér á þér líklega eftir að finnast sem þú hafir farið til baka um nokkur hundruð ár. Njóttu þess að ganga um litlar heillandi götur og kynnast menningunni. Hér er einnig tilvalið að dekra aðeins við sig og skella sér í hvalaskoðun frá Grand Manan eyjunni - besti tíminn er í ágúst. 

Hopewell Cape, New Brunswick

Hopewell Rocks Tidal Exploration site er frábær staður til að sjá hinn gríðarlega mun sem verður þar á flóði og fjöru - mesti munur flóðs og fjöru á jörðinni! Þegar það er nýtt tungl getur munurinn verið allt að 14 metrar. Ekki missa af þessu!

Charlottetown and Prince Edward Island

Prince Edward Island er minnsta hérað Kanada. Eyddu nokkrum dögum hér og upplifðu menninguna, grænar hlíðar, lítil þorp og sögulegar minjar áður en þú heldur áfram ferðalagið til Nova Scotia.

Cape Breton Highlands National Park, Nova Scotia

Upplifðu stórkostlegt landslag í Cape Breton Highlands þjóðgarðinum. Athugaðu að samkvæmt Parks Canada þá verður aðgangur frír inn í alla þjóðgarða Kanada árið 2017 vegna 150 ára afmæli the Canadian Confederation. Nýttu tækifærið! Stærsti bær eyjunnar heitir Sydney og hefur það komið fyrir að ferðamenn sem ætla að heimsækja Sydney í Ástralíu endi í þessum bæ.

Baddeck, Nova Scotia

Litli bærinn Baddeck er byrjun og endir á hinni frábæru Cabot leið. Fullkomin staður fyrir þá sem vilja slaka á í einstöku umhverfi.

Louisbourg, Nova Scotia

The Fortress of Louisboruge var ein sú fjölfarnasta höfn Kanada á 19. öldinni. Taktu þér tíma og eyddu deginum þar áður en þú heldur aftur til Halifax.

Heildarlengd: 1900 km

Að leigja bíl ef maður er yngri en 25 ára

Að leigja bíl ef maður er yngri en 25 ára
Venjulega þarft þú að vera orðin(n) 25 ára til að leigja bíl í Bandríkjunum. Við erum hins vegar með sérstakt samkomulag við birgja sem gerir þér kleift að leigja bíl án þess að greiða auka „young drivers" gjald.
Senda fyrirspurn Finna bíl

 

Kort: road trip um austurströnd Kanada 

 

Hafa samband