Road trip um Kanada: Vesturströndin

Elskar þú náttúru og útivist? Þá er þessi leið fullkomin fyrir þig! Möguleikarnir á gönguleiðum, fjallahjólreiðum, rafting, ferðum á kanó og annarskonar útivistaríþróttum eru endalausir á þessu svæði. Reimaðu á þig gönguskóna og búðu þig undir magnað landslag og mikla skemmtun.

Lengd: 2-3 vikur

Það eru fáar road trip leiðir sem geta toppað þessa þegar kemur að náttúru og útivist. Leiðin hefst í Seattle eða Vancouver og tekur hún þig um nokkra af bestu þjóðgörðum Kanada. Þú færð tækifæri til að fara í magnaðar fjallgöngur, upplifa einstakt útsýni frá the Rocky Mountains ásamt því að kynnast menningunni í bæði borgum og litlum bæjum Kanada.

Road trip hugmynd

Seattle or Vancouver - Whistler - Kamloops - Jasper - Banff - Calgary - Radium Hot Springs - Revelstoke - Nakusp - Okanagan Valley - Vancouver/Seattle

Seattle / Vancouver

Eyddu nokkrum dögum í stórborgunum við Kyrrahafið. Ef þú ákveður að byrja ferðina í Seattle þá mælum við með því að þú kannir báðar borgirnar. Mundu eftir því að kanna Granville Island Public matarmarkaðinn í Vancouver - frábær ef þig langar í ódýran og bragðgóðan hádegismat.

Whistler, British Columbia

Whistler er útivistarborg Kanada. Ef þú ert þar á skíðatímabilinu (nóvember - maí) þá mátt þú alls ekki yfirgefa svæðið án þess að prófa brekkurnar - er stærsta skíðasvæði Norður-Ameríku. Yfir sumarið er svæðið einnig stórkostlegt. Gakktu the Whistler Valley leiðina, finndu adrenalínið flæða í rafting eða einfaldlega njóttu þess að slaka á í einstöku umhverfi.

Kamloops, British Columbia

Þú átt eftir að hafa nóg að gera í Kamloops. Krulla, BMX hjólreiðar, fjallgöngur, ferðir á Segway, fótboltagólf og Ziplining eru aðeins nokkrar af þeim afþreyingum sem þar eru í boði. 

Jasper, Alberta

Lítill og rólegur fjallabær í Alberta. Farðu upp með Jasper skíðalyftunni og upplifðu einstakt útsýni yfir Rocky Mountains. Eftir langan dag er svo tilvalið að kíkja í bjórsmökkun í hina vinsælu Jasper bruggverksmiðju. Hvað er betra en bragðgóður bjór í góðum félagsskap. 

Jasper and Banff þjóðgarðarnir

Þú verður að heimsækja Jasper og Banff þjóðgarðana á ferðalagi þínu um Kanada - stórkostleg náttúra og einstakt dýralíf. Fullkomin leið til að kanna Banff þjóðgarðinn er hestaferð meðfram hinu fræga Louise vatni. Ef dýr er ekki þinn tebolli þá er snilld að fara í ferð á kanó um vatnið. 

Athugaðu: Samkvæmt Parks Canada, þá mun árið 2017 vera frítt inn í alla þjóðgarða og sögulega staði í Kanada vegna 150 ára afmæli the Canadian Confederation.

Calgary, Alberta

Eins og í flestum stórborgum þá finnur þú í Calgary risa verslunarmiðstöðvar, fjölbreytta veitingastaði og frábært menningar- og næturlíf. Skoðaðu Heritage Park Historical Village og upplifðu hvernig Calgary var á 19. öld. Ef þú ert þarna í júli þá mátt þú ekki missa af hinni árlegu rodeo hátíð í Calgary Stampede - hátíðin er klárlega hápunktur ársins í borginni!

Radium Hot Springs and Revelstoke, British Columbia

Á leið þinni til Ravelstoke mælum við með því að þú stoppir við Radium Hot Springs í Kootenay þjóðgarðinum. Mundu eftir sundfötunum því hér finnur þú frábærar heitar laugar. Í Revelstoke getur þú svo kannað hæfileika þína í hinni frægu Alpine brekku, annaðhvort á skíðum eða fjallahjóli (fer eftir árstíðinni).

Nakusp, British Columbia

Bærinn Nakusp er svo sannarlega falin perla. Þessi litli vinalegi bær er staðsettur við Arrow vatnið og finnur þú heita hveri norðan við bæinn. Skelltu þér í göngu meðfram Nakusp Waterfront að japanska garðinum eða upp Cedar Grove og skoðaðu hina stóru rauðu sedrus(cedar) tré sem vaxa á þessu svæði. 

Okanagan Valley, British Columbia

Okanagan dalurinn er eitt hlýjasta og sólríkasta svæði Kanada. Hér getur þú slakað á og notið sólarinnar á sandströnd við Okanagan vatnið. Ef þér finnst vín góð þá er þetta staðurinn til að smakka kanadísk vín en Okanagan Valley er næst stærsta vínhérað Kanada.

Seattle / Vancouver

Eins og alltaf þá þurfa öll ævintýri að enda. Góð hugmund er að kanna eina borg í byrjun og hina í lok ferðar.

Heildarlengd: 2700 km

Að leigja bíl ef maður er yngri en 25 ára

Að leigja bíl ef maður er yngri en 25 ára
Venjulega þarft þú að vera orðin(n) 25 ára til að leigja bíl í Bandríkjunum. Við erum hins vegar með sérstakt samkomulag við birgja sem gerir þér kleift að leigja bíl án þess að greiða auka „young drivers" gjald.
Senda fyrirspurn Finna bíl

 

Kort: road trip um vestur Kanada 

 

Hafa samband