Leiðbeiningar til að róa niður foreldra
Eru foreldrar þínir meira stressaðir yfir ferðinni en þú? Eða bara hrædd um að þú munir ekki verða öruggur í ferðalaginu? Það er gott að hafa foreldrana rólega og sátta með ferðalagið sem þú ert að fara að hefja, ekki bara fyrir þau heldur einnig þig. Hér eru smá leiðbeiningar um hvernig þú getur mögulega komið í veg fyrir taugaáfall.
Leyfðu þeim að taka þátt í undirbúningnum
Leyfðu foreldrum þínum að vera með þér í því að skipuleggja og undirbúa þig fyrir ferðina. Fáðu þeirra ráð og nýttu þér þau. Sýndu þeim fjárhagsáætlun; hverskonar vinnu þú ætlar að sækja um, hvort þú ætlir að safna öllum peningnum fyrir ferðina eða vinna á meðan henni stendur. Foreldrar elska að finnast þau vera ómissandi í ferlinu og hver veit nema að þau styrki þig fjárhagslega ef um gott plan er að ræða!
Ákveðið hvernig þið ætlið að halda sambandi
Vertu búinn að ákveða hvernig þú ætlar að vera í sambandi við þau, hvort sem það er SMS, tölvupóstur, Facetime eða bara í venjulegu símasambandi. Gerðu þó ráð fyrir sveigjanleika og vertu viss um að þau viti að þar sem þú ert að fara ferðast er ekki alltaf hægt að komast í net- og símasamband.
Skildu mikilvæg skjöl eftir hjá þeim
Gerðu afrit af öllum flugmiðum og öðrum ferðaskjölum og skildu þau eftir hjá foreldrum þínum. Þannig geta þau fylgst með því hvar þú ert hverju sinni. Mundu einnig að skanna eða taka afrit af öllum þínum mikilvægustu pappírum; passanum, visa, tryggingum o.s.frv. Það er alltaf góð hugmynd að hafa afrit af öllu! Einnig ertu að gefa þeim hlutverk og þá finnst þeim eins og þau séu að vernda þig og eigur þínar. Og þar sem við erum að tala um þetta þá mælum við með því að vera með afrit af öllum þínum skjölum á tölvupóstinum þínum og/eða USB.
Segðu þeim frá KILROY
KILROY er ferðaskrifstofa með með margra ára reynslu (staðreynd) í að senda ungt fólk eins og þig í bakpokaferðalag um allan heim. Við sérhæfum okkur í því að bjóða þér og vinum þínum bestu þjónustuna, bestu tilboðin og mesta öryggið sem völ er á um allan heim.
Ef foreldrar þínir eru með áhyggjur eða bara forvitnir bjóddu þeim þá endilega að hitta ferðarágjafann þinn og við skulum gera okkar besta að útskýra ferðina og róa þau niður.
Ef ekkert að ofangreindu virkar þá er um að gera að gera þeim lífið leitt þar til að þau gefa eftir. Það hefur virkað áður og mun virka aftur!