{{ section.name }} Þjónustuver

Við fundum eftirfarandi {{ category.count + ' ' + (category.count == 1? category.label:category.pluralLabel) }} og {{ category.count + ' ' + (category.count == 1? category.label:category.pluralLabel) }} fyrir '{{ searchTerm }}'

0 Results found

{{ section.name }} Þjónustuver
Leitaðu að áfangastöðum eða að því sem þú vilt gera...

Við fundum eftirfarandi {{ category.count + ' ' + (category.count == 1? category.label:category.pluralLabel) }} og {{ category.count + ' ' + (category.count == 1? category.label:category.pluralLabel) }} fyrir '{{ searchTerm }}'

0 Results found

Finnur þú ekki það sem þú ert að leita að?

Við höfum ferðast um allan heimin og erum því sérfræðingar þegar kemur að ferðalögum. Hafðu samband við okkur og við aðstoðum þig við að skipuleggja draumaferðina þína.

Topp 10 áfangastaðirnir fyrir 2017

namibia-solitaire-abandoned-car-desert

Topp 10 áfangastaðirnir fyrir 2017

Dreymir þig um að kanna nýjar slóðir og upplifa einstök ævintýri, heimsækja stórbrotna áfangastaði og jafnvel prófa nýja og spennandi afþreyingu? Hér er listi yfir það sem við teljum heitustu áfangastaðina fyrir árið 2017!

1. Namibía

Namibía er eitt af fallegustu löndum Afríku. Landið er næstum tvöfalt stærra en Svíþjóð en hefur ekki nema um tvær milljónir íbúa sem þýðir að stór hluti af Namibíu er ósnortið landssvæði. Langar þig að sjá ljón, fíla, hýenur, sjakala, nashyrninga, villigelti eða gasellur í sínu náttúrulega umhverfi? Skelltu þér í ævintýralegt safarí og upplifðu heim dýranna með eigin skilningarvitum. Og ekki gleyma menningunni. Heimsæktu Himba Tribe og San Tribe ættflokkana og sjáðu hvernig þeir hafa lifað nákvæmlega eins í þúsund ár. Kannski lærir þú eitthvað nýtt!

2. Bólivía

Þrátt fyrir að Bólivía sé eitt af fátækustu löndum Suður-Ameríku þá er það ríkt af litríkri menningu og fjölbreyttu landslag - allt frá heitum og grænum fumskógum til kaldra Andesfjallanna. Þá er einnig gríðarlega margt að sjá og gera í Bólivíu. Kannaðu salteyðimörkina í Uyuni, heimsæktu Amazon frumskóginn, farðu í flúðasiglingu í Yungas, kannaðu dýralífið í Pantanal og skelltu þér í göngu um Cordilleras. Og ef þig langar að stíga út fyrir þægindarammann og upplifa adrenalínfullt ævintýri þá getur þú farið í hjólaferð niður Death Road - það er ef þú þorir! 

3. Maldíveyjar

Maldíveyjar eru hreint út sagt ómótstæðilegar og draumaáfangastaður allt árið um kring. Landið byggist upp af 26 eyjum innan svæðis sem telur samtals 1192 eyjar, þar af 200 sem eru byggðar. Þar finnur þú hvítar silkimjúkar strendur, turkísbláan sjó, litríkt neðansjávarlíf og pálmatré. Og það besta er að þar er lítil úrkoma og hitastigið um 30°C alla daga ársins. Njóttu þess að snorkla um litrík kóralrif, lærðu að kafa, farðu í ævintýralegar siglingar, stundaðu jóga, smakkaðu bragðgóðan maldíveyskan mat og upplifðu magnaða menningu. Sannkölluð paradís sem allir verða að heimsækja einu sinni á lífsleið sinni.

4. Marokkó

Strendur, eyðimerkur, pálmatré, dramatísk fjöll og heillandi menning. Marokkó er land mikilla andstæðna! Þar finnur þú iðandi stórborgir með geðveikri umferð sem og lítil afskekkt þorp þar sem lífið hefur lítið sem ekkert breyst síðustu aldirnar. Í Marokkó færð þú fjölda tækifæra til að fara í ævintýralegar eyðimerkurferðir, læra að surfa, smakka bragðgóða rétti og upplifa magnaða menningu. Gerðu árið 2017 að einu því ævintýralegasta sem þú hefur upplifað. 

5. Nepal

Snævi þaktir tindar Himalaya fjallanna, gönguleiðir sem eru bæði fallegar og hrikalegar, hof sem virðast gefa frá sér andlega orku, ævafornar venjur og svo margt fleira er það sem Nepal snýst um. Landið er afar töfrandi og reynist þeim sem heimsækja það einu sinni oft erfitt að snúa ekki aftur. 

6. Jórdanía

Fljótlega eftir að þú kemur til Jórdaníu átt þú eftir að heyra kallað "Velkominn til Jórdaníu!". Jórdanir meta komu ferðamanna til landsins mikils og gestrisni þeirra er auðsjáanleg. Ungir og aldnir, ríkir og fátækir, hermenn, lögregla, hér munu allir taka á móti þér með bros á vör. Landið er lítið en hefur að geyma marga merkisstaði. Það er algjör möst að heimsækja Petru (eitt af sjö undrum veraldar) og fara í dagsferð til Dauðahafsins. 

7. Kasakstan

Náttúran í Kasakstan er engri annarri lík. Ef þú elskar útivist og þráir ævintýri þá er Kasakstan áfangastaðurinn þinn! Þar finnur þú mögnuð gljúfur, glitrandi vötn og einstakt fjalllendi. Og ekki má gleyma menningu landsins! Á sumum stöðum getur þú fundið hirðingja samfélög sem lifa enn eftir gömlu hefðunum. Mundu eftir því að smakka shubat og prófa Arasan böðin í Panfilov!

8. Botsvana

Þú finnur allt það besta sem Afríka hefur upp á að bjóða í Botsvana. Þar getur þú farið í ævintýralegt safarí í Chobe þjóðgarðinum, kannað grösugar sléttur Okavango Delta og fengið sand á milli tánna í Kalahari eyðimörkinni. Og ekki missa af því að heimsækja Makgadikgadi Pan sem er ein af stærstu saltsléttum heims. Að tjalda undir berum himni á miðri sléttunni er meiriháttar upplifun!

9. Dóminíska lýðveldið

Í Dóminíska Lýðveldinu er auðvelt að halda að maður sé kominn inn í póstkort. Hvítar sandstrendur, pálmatré sem vaggast rólega í vindinum undir heitri sólinni, iðagrænir dalir, dynjandi fossar og há, skógi vaxin fjöll. Og ekki má gleyma ólýsanlegu útsýni yfir hafið, sem hefur að geyma kóralrif, litríka fiska og skjaldbökur. Dreymir þig um að fara í sundföt og liggja í leti í sólstól, fjarri rigningarlöndum norðursins? Þá er Dóminíska Lýðveldið staðurinn fyrir þig.

10. Fiji

Langar þig að upplifa einstaka menningu, afslappað andrúmsloft og fjölbreytta náttúru? Þá er Fiji áfangastaðurinn þinn. Lærðu að kafa, farðu í ævintýralega siglingu og njóttu sólarinnar á hvítri sandströnd. Þar sem Fiji samanstendur á yfir 300 eyjum er eyja hopp frábær leið til að kanna landið - fjárfestu í hop on / hop off miða!

alt

Hannaðu þína eigin ferð

Vilt þú ferðast um heiminn á þinn eigin hátt? Svona gerir þú það:

  1. Þú setur upp draumaferðina þína.
  2. Við finnum bestu og hagstæðustu valmöguleikana.
  3. Þú færð persónulegt mat ferðasérfræðings.

Við sjáum til þess að ferðaplanið þitt sé ekki út í hött og að þú fáir sem mest út úr peningnum þínum er við deilum okkar ferðareynslu. Þetta er þér allt að kostnaðarlausu og því fylgir engin skuldbinding!

Byrjaðu að hanna þína ferð

Kilroy.OutdatedBrowserBox.Text Kilroy.OutdatedBrowserBox.LinkText

Úbbs - Síðan sem þú reyndir að opna er ekki til. Við vonum að þú finnir það sem þú ert að leita að hér.