Höfðaborg

Útsýni yfir Höfðaborg úr fjallalyftu.
 

Höfðaborg - Hin kraftmikla móðurborg

Höfðaborg er ein af fallegustu stórborgum Suður-Afríku. Hún er staðsett við hið fallega fjall Table Mountain, en frá toppi fjallsins er stórkostlegt útsýni alla leið til Cape Point. Bókaðu ferðina til Höfðaborgar með KILROY!

Höfðaborg - hafnarborg með meiru

Vegna staðsetningar Höfðaborgar á suðurodda Afríku, er höfn borgarinnar ein sú mikilvægasta í heimsálfunni. Þaðan getur þú tekið ferju til margra af helstu merkisstöðum Höfðaborgar, t.d. eyjunnar Robben Island sem er nauðsynlegt fyrir alla sem heimsækja Höfðaborg að sjá. Þar var Nelson Mandela í fangelsi í 27 ár! Leiðsögumenn staðarins eru fyrrum fangar og þeir leiða þig í sögulegt ferðalag um Suður-Afríku

Table Mountain í Höfðaborg - KILROY

Table Mountain og miðborg Höfðaborgar

Annar merkisstaður er fjallið Table Mountain. Einfaldast er að stökkva upp í kláf og fara í rólegheitum upp, en ef þú vilt komast í meiri nálægð við náttúruna þá eru gönguleiðirnar vel merktar og það tekur þig ekki nema u.þ.b. 2 tíma að ganga upp fjallið. Frá toppi Table Mountain er stórfenglegt útsýni sem þú kemur seint til með að gleyma!

Miðbær Höfðaborgar býður uppá marga nýtískulega veitingastaði, skýjakljúfa, tískuvöruverslanir og líflegt næturlíf. Það er notalegt að sitja við sjávarbakkann og slaka á og borða góðan mat á huggulegu veitingahúsi eða jafnvel hlusta á lifandi djass. Þar er einnig fínt að versla. District Six Museum er smekklegt svæði í miðbænum sem er vel þess virði að heimsækja.

Dramatísk ströndin

Ef þú er ekki búin(n) að fá nóg af stórkostlegu útsýni yfir klettastrendur og freyðandi öldur mælum við með að þú keyrir meðfram hinni frægu strandlengju Chapmans Peak Drive - einn af fallegustu strandvegum heims. Ekki klikka á að fara alla leið að sjálfum Cape Point, syðsta punkti Afríku þar sem Atlantshaf og Indlandshaf mætast. Á leiðinni ættirðu að koma við á Boulder Beach mörgæsaströndinni, þar sem allt er krökkt af mörgæsum eins og nafnið gefur til kynna.  

Fylgstu með mörgæsunum á Boulder Beach - KILROY

Townships og vínhéruð

Höfðaborg, og þá sérstaklega útjaðar borgarinnar, er þekkt og alræmd fyrir sín mörgu townships, nokkurskonar fátækrahverfi sem að miklu leyti eru með sjálfstjórn. Það er til dæmis hægt að ferðast um hverfið Khayelitha-township með staðbundinni leiðsögn og upplifa mjög frábrugðna lifnaðarhætti og sjá algjöra andstæðu við hinn nútímalega miðbæ Höfðaborgar. Leiðsögumennirnir segja þér frá "ubuntu" - sérstöku lífsviðhorfi íbúanna og hversdagslífi þeirra. 

Aðeins fyrir utan Höfðaborg er hægt að finna afbragðs góð vínhéruð. Suður-Afríka er, eins og flestir vita, þekkt fyrir góð og frekar ódýr vín. Þú getur smakkað eða keypt vín á Paarl, Stellenbosch og Franschhoek, sem allar eru framúrskarandi vínekrur. 

Afþreying í Höfðaborg

Hákarlaköfun er afar vinsælt sport og hægt er að komast í slíkt ævintýri í sjónum rétt fyrir utan borgina. Köfunin fer að sjálfsögðu fram með leiðsögumanni og í búri svo þú ert alveg örugg(ur) og kemur uppúr með bæði hendur og fætur. Þetta sport er fyrir marga eftirminnilegasta upplifunin og einstakt ævintýri. Eitt er víst, og það er að þú færð aldrei tækifæri til að komast nær þessum hættulegu dýrum, eins og t.d. hvíta hákarlinum. Kannaðu þó vel áður hvort það séu nokkuð notaðar vafasamar aðferðir við að laða þá að búrinu eins og með beitu.

Umhverfið í kringum Höfðaborg býður einnig uppá góðar strendur til að fara á brimbretti og ef þú er byrjandi þá er um að gera að skella sér í surfskóla!

Lærðu að surfa í Cape Town - KILROY

Að ferðast á milli

Það eru engar almenningssamgöngur svo þú skalt taka leigubíl eða ganga í dagsbirtu. Forðastu að ganga ein(n), sérstaklega eftir myrkur. Það eru örugg rútufyrirtæki starfræk á milli aðal borganna og bæjanna. Þú getur líka notað Baz Bus rúturnar, sem eru sniðugar fyrir bakpokaferðamenn því það er hægt að hoppa af og í rúturnar þegar þú vilt. Baz Bus fer á milli 180 farfuglaheimila í allri Suður Afríku.  

Okkar ráð!

  • Gisting: Við mælum með Drifters Inn Hotel, sem er staðsett á Sea Point og er nálægt öllum helstu stöðum borgarinnar. Það eru einnig önnur góð farfuglaheimili í boði, t.d. Big Blue Backpackers sem er rétt hjá Water Front verslunarsvæðinu, en það er mjög snyrtilegt og fallega innréttað.
  • Menning og tónlistarviðburðir: Cape Town International Jazz Festival
  • Besta ströndin: Clifton beach.
  • Matur: Prófaðu ostruborgara og eitthvað unnið úr biltong kjöti.
  • Best að versla: Water Front area.
Langar þig að ferðast til Höfðaborgar?
Hafðu samband

Hafa samband