Kruger þjóðgarðurinn

Kruger þjóðgarðurinn er einn besti staður í heimi fyrir safarí
 

Kruger Park - Safarí í Afríku

Jafnvel hinn harðasti borgarelskandi mun finna náttúrubarnið í sjálfum sér í safaríi í Afríku. Það að vera umkringdur fílum, gíröffum, flóðhestum og öðrum dýrum í sínu náttúrulega umhverfi er stund sem þú munt aldrei gleyma.

Á nóttunni heyri ég öskur ljónsins og það hljómar eins og villidýrið sé bara rétt fyrir utan tjaldið. Leiðsögumaðurinn segir okkur daginn eftir að raunverulega hafi ljónið verið í um kílómetersfjarlægð frá tjaldinu. Það að hlusta á næturhljóð gresjunnar er upplifun sem þú munt aldrei gleyma. Alla nóttina heyrir þú þrusk, urr og tíst allt í kringum þig.

Viltu sjá ljón? Kruger þjóðgarðurinn er staðurinn

Nú reynir á myndavélina!

Í Kruger Park í Suður-Afríku getur þú séð fjölmargar dýrategundir, allt frá þeirri stundu sem þú kemur inn á svæðið. Þú getur séð afríska antilópu, sebrahesta, gíraffa og fíla... listinn er endalaus. Minniskort myndavélarinnar fyllist á mettíma og þegar þú sérð flóðhest geispa í leðjupolli munt þú setja nýja linsu á óskalistann.

Jafnvel hin harðasta borgarmanneskja finnur náttúrubarnið í sjálfri sér þegar faglegur leiðsögumaður segir henni hvernig þekkja megi kyn gíraffa með því að skoða hárbrúska á höfði þeirra eða hvernig megi sjá hvað fílar hafa borðað með því að skoða það sem þeir skilja eftir.

Kurger þjóðgarðurinn - fylgst með dýrum að næturlagi

Hiti eftirmiðdagsins rekur dýrin að vatnsbólinu. Apar og villigeltir hanga við pollinn og færa sig aðeins ef hinn risavaxni fíll mætir á svæðið. Þegar dimmir verður andrúmsloftið í garðinum dramatískt og þá hefst næturævintýrið sem allir hafa beðið eftir. Leiðsögumaðurinn sem hallar sér upp að jeppanum, lýsir upp runnana með stórum kyndli og það glampar í augu dýranna í myrkrinu. Var þetta blettatígur þarna í trénu?

Sebrahestar að drekka vatn í Kruger þjóðgarðinum

Kruger Safarí - að leigja bíl eða fara í skipulagða hópferð

Í rauninni hefur þú tvo valkosti þegar þú vilt fara í safarí í Kruger. Ef þú hefur tíma til þess að gera áætlun og undirbúa þig, ásamt því að búa yfir slatta af hugrekki, þá getur þú leigt bíl og farið á eigin vegum. Það er að minnsta kosti fjögurra tíma bílferð þangað frá Jóhannesarborg, svo ekki láta þér detta í hug að fara í dagsferð. Þú finnur tjaldstæði með tjöldum eða kofum í garðinum en enn fleiri gistimöguleikar eru utan garðsins. Athugaðu að ef þó þú getur gert þetta sjálf(ur) þá gæti verið að þú sjáir ekki dýrin sem þig langar til að sjá. Þetta er ástæðan fyrir því að við mælum með því að þú farir í skipulagða ævintýraferð. Leiðsögumenn í mismunandi hópum láta hvern annan vita hvar dýrin halda sig hverju sinni. Leiðsögumennirnir geta líka sagt þér ýmislegt um dýrin og hegðun þeirra. Farartækin í slíkum ferðum eru örugg, gisting er innifalin ásamt mat svo þú þarft ekki að eyða tíma í að finna út úr þessum hlutum. Bara ekki gleyma myndavélinni!

Kruger park er frábær staður fyrir safaríferð

Hér getur þú séð allar hinar ævintýraferðir KILROY um Kruger þjóðgarðinn. 

Hafðu svo samband við ferðaráðgjafa ef þú hefur einhverjar spurningar eða vilt skipuleggja draumaferðina þína til Suður Afríku!

Dreymir þig um ævintýralegt safarí?
Hafðu samband

Contact