Úganda

Að heimsækja Úganda er ógleymanleg upplifun
 

Úganda - Villtar fjallagórillur og frumskógar

Í Úganda bíður þín heill heimur ævintýra. Úganda er oft nefnd Perla Afríku og það ekki að ástæðulausu. Brot af því áhugaverðasta sem landið býður upp á eru fjallagórillur í útrýmingarhættu, ljón sem klifra í trjám, rafting í ánni Níl, dularfull þorp sem leynast í þokunni, eldfjöll og hlýlegar móttökur.

Úganda er staðsett í austurhluta Afríku og má áætla að þar búi um 37 milljónir manna, en ekkert land í Afríku stækkar hraðar ef litið er á fjölgun íbúa. Landið liggur að Kenýa og Tansaníu til austurs, Súdan til norðurs, Rúanda til suðurs og Kongó til vesturs. Úganda er því innland en á landamæri að stærsta stöðuvatni Afríku, Viktoríuvatni, sem er krökkt af fiski. Þegar þú ferðast til Úganda kemstu að því að íbúar landsins eru stoltir, mjög kurteisir og heimsmeistarar í gestrisni.

Upplifðu Úganda í ferð með KILROY!

Borgirnar Entebbe & Kampala

Ef þú kemur til Úganda með flugi lendir þú líklega í Entebbe. Borgin er lítil en lífleg og liggur við Viktoríuvatn. Það tekur u.þ.b. klukkustund að komast til höfuðborgarinnar, Kampala. Þessi stærsta borg Úganda iðar af lífi. Þrátt fyrir að umferðin geti verið höfuðverkur og það geti tekið langan tíma að fara stuttar vegalengdir er mjög gott að skoða Kampala á daginn, en líkt og í mörgum öðrum höfuðborgum í Afríku er best að fara í skipulagða skoðunarferð um borgina.

Þjóðgarðar Ýganda - Simpansar og ljón sem klifra í trjám

Í Úganda eru samtals tíu þjóðgarðar. Margir þeirra bjóða upp á tækifæri til að fylgjast með dýralífi í fjölbreyttu landslagi.

Queen Elizabeth National Park er staðsettur í vesturhluta Úganda og er vinsælasti áfangastaður landsins. Garðurinn er frægur fyrir spennandi dýralíf, sérstaklega ljónin sem klifra í trjám því að slík ljón finnast ekki víða. Rannsakendur hafa lengi reynt að komast að því hvað það er sem lætur ljónin klifra í trjám því það er alls ekki algengt. Ef þú vilt hitta á simpansa ættir þú að kíkja til Kibale National Park.

Simpansi - Það er fjölbreytt dýralíf í Úganda

Fjallagórillur í Úganda - „Gorilla Trekking”

Það að fylgjast með fjallagórillum í mikilli nálægð í sínu náttúrulega umhverfi er eitt það magnaðasta sem hægt er að upplifa. Þær eru því miður í útrýmingarhættu, en það eru um það bil 700 górillur eftir í heiminum og þær finnast einungis í Úganda, Rúanda og Kongó. Í Úganda má finna þær á tveimur stöðum; í Bwindi Impenetrable National Park og Mgahinga Gorilla National Park. Sá síðarnefndi er ekki mjög áreiðanlegur staður til að sjá górillurnar því górilluhópurinn sem hélt sig þar flutti nýverið til Rúanda. Bwindi Impenetrable National Park geymir næstum helming af öllum fjallagórillum í heiminum, um 340 dýr.

Það er mögnuð upplifun að leita að górillu, en þessi upplifun er ekki ókeypis því það þarf að kaupa sérstök leyfi fyrir „gorilla trekking”. Upphæðinni sem þú greiðir fyrir leyfin er þó vel varið í verndarstarf fyrir górillurnar. Ef þú ferð í skipulagða ferð með KILROY er þetta leyfi að öllum líkindum innifalið í ferðinni. Þegar lagt er upp í leiðangurinn færðu að vita hvaða górilluhóp þið ætlið að finna og hversu langt í burtu hann er. Taktu með þér mikið af vatni og síðbuxur því þú munt ekki ganga um opin svæði heldur beint í gegnum regnskóginn. Það tekur vanalega nokkrar klukkustundir að ganga að staðnum þar sem górillurnar halda sig, en gangan er sko vel þess virði! Að sitja tvo metra frá risastórri górillu er ótrúlega magnað. Þegar þú hefur dvalið í ca klukkustund með górillunum er gengið til baka.

Gorilla Trekking - Górillur í Úganda

Kisoro

Í suðvesturhluta Úganda er smábærinn Kisoro en hann er í 9-10 klst. bílferð frá Kampala. Slæmur vegur leiðir þig í gegnum stórbrotið landslagið sem hefur verið nefnt eða „Switzerland of Africa”. Þú ekur fram hjá fjöllum, vötnum, ræktuðum hlíðum, regnskógi og bambusskógi. Þegar síðasta hæðin er að baki opnast nýr heimur í landslaginu og Virunga eldfjöllin gnæfa yfir hina miklu sléttu Úganda, Rúanda og Kongó. Það er hér sem hið fræga Travellers Rest Hotel er staðsett. Hótelið er byggt í nýlendustýl og var endurnýjað að fullu árið 1999. Þar eru 12 herbergi á mjög sanngjörnu verði og hótelið býður upp á kósý umhverfi til að slaka á eftir górilluleiðangur eða dagsferðir um svæðið. Á sjöunda áratugnum heimsótti Dian Fossey, hin fræga bandaríska „górillukona“, hótelið margoft til þess að vinna skýrslugerð, slaka á og eiga í mannlegum samskiptum.

Rafting í Úganda

Ef þú vilt upplifa fyrsta flokks rafting ættir þú að fara til Jinja. Þar getur þú farið í rafting í uppsprettu Nílar, en fljótið er með erfiðleikastig 5 og það býður upp á meiriháttar upplifun.

Lake bunyonyi í Uganda - KILROY

Veðurfar í Úganda

Úganda er staðsett við miðbaug svo veðurfarið er nokkuð einsleitt yfir árið - eiginlega alltaf gott. Regntímabilið nær frá mars til maí og það er sá tími sem best þykir að heimsækja landið. Ástæðan fyrir því er að gróðurinn er grænastur og mestur á þessum tíma og rigningin er hvort eð er ekki mjög mikil. Ef þú heldur í suðvestur og ferð til Kisoro ferð þú inn í mildara veðurfar vegna þess að þar liggur landið hærra.

Hvernig er best að ferðast um Úganda?

Fljótlegasta og auðveldasta lausnin er að skrá sig í skipulagða ævintýraferð. Í Úganda er ekki gott vegakerfi og lélegar almenningssamgöngur og því ættir þú að búa þig undir að fara hægt yfir. En ef þú ert í fríi ætti það ekki að trufla þig - þú færð þá bara meiri tíma til að njóta fallegrar náttúrunnar í þessu stórkostlega landi!

Dreymir þig um að heimsækja Úganda?
Hafðu samband

Contact