Gili

Gili - skjaldbaka
 

Gili eyjar – Köfunarparadís

Þú gleymir þér algjörlega þegar þú kafar í kristaltærum sjónum sem umkringir hinar dásamlegu Gili eyjar. Njóttu rólega andrúmsloftsins á þessum frábærum eyjum.

Hinar smáu Gili eyjar eru einungis stuttri bátsferð frá eyjunum Lombok og Bali. Andrúmsloftið þar er rólegt og því tilvalinn staður ef þig langar að stinga af úr margmenninu á Balí. Það er auðvelt að ferðast á milli þessara eyja og hægt að leigja smáhýsi (e. bungalow) á lágu verði. Gili eyjar er fullkominn staður fyrir sóldýrkendur og kafara!

Vinsælustu eyjarnar eru:

  • Gili Air: Eyjan liggur næst Lombok og búa þar flestir íbúar þessara þriggja eyja. Umhverfis eyjuna finnur þú marga spennandi köfunarstaði þar sem þú getur kannað litríkt neðansjávarlíf og jafnvel japanskt skipsflak frá seinni heimstyrjöldinni. 

  • Gili Trawanga: Þetta er stærsta Gili eyjan og besti staðurinn fyrir þá sem vilja djamma en þar finnur þú marga skemmtilega bari og partý. 

  • Gili Meno: Ef þú vilt rólegt strandarlíf þá er Gili Meno eyjan fullkominn kostur fyrir þig en hún er sú minnsta af öllum Gili eyjunum. Þú finnur ekki eins marga gistimöguleika þar eins og hinum tveimur eyjunum en það þýðir einnig færri ferðamenn - mundu bara að bóka gistingu fyrirfram. 

Gili

Hvað er hægt að gera á Gili eyjunum?

Gili eru sannkölluð köfunarparadís! Þú finnur marga frábæra köfunarstaði í kringum allar eyjarnar. Ef þú hefur ekki köfunarréttindi er tilvalið að bæta það á Gili en þar finnur þú fjölda frábæra köfunarskóla. Kannaðu fjölbreytt lífríki kóralrifsins í kristaltærum sjónum. Þú gætir rekist á djöflaskötu og hawksbill skjaldböku. Liveabord köfunarbátsferð í nokkrar nætur er algjörlega þess virði að bóka.

Þá er einnig frábært að snorkla við eyjarnar. Taktu með froskalappirnar og farðu að kóralrifinu sem er beint fyrir utan strandlengjuna. Þá getur þú líka leigt kajak eða farið í siglingu á skipi með glerbotni og fylgst þannig með neðansjávarlífinu. Á norðvesturhlið Gili Trawangan er besti staðurinn fyrir djúpsjávarveiðar og er þar einnig hægt að surfa svolítið þegar flæðir að.

Hvernig er best að komast á milli staða á Gili eyjum?

Notaðu Cidomos, hestvagna eða leigðu þér hjól. Annars eru eyjarnar svo smáar að það er ekkert mál að ganga á milli staða. 

Ekki sleppa því að kafa í kristaltærum sjónum við Gili - KILROY

Ekki reyna að synda á milli eyjanna! Það gæti litið út fyrir að vera mögulegt en þar eru hafstraumar og nokkrir ævintýramenn hafa dáið við að reyna þetta.

Hvernig kemst ég til og frá Gili eyjum?

Það tekur þig minna en klukkutíma að fara með bát frá Lombok Bangsal og um tvo tíma með hraðbát frá Balí. Þá er einnig hægt að fara þangað í dagsferð frá Lombok Senggigi. Köfunarleiðbeinendur í Lombok bjóða upp á köfunarferðir til Gili eyja.

Okkar ráð!

Taktu nóg af reiðufé með þér því það eru engir hraðbankar á eyjunum.

Langar þig að ferðast til Gili eyja?
Hafðu samband

Contact