Kasakstan

Útsýnið yfir Astana í Kasakstan
 

Kasakstan - ótrúleg náttúra

Náttúran í Kasakstan er engri annarri lík. Ef þú elskar útivist og þráir ævintýri þá er Kasakstan áfangastaðurinn þinn! Í Kasakstan finnur þú mögnuð gljúfur, glitrandi vötn og einstakt fjalllendi. Kynntu þér menningu landsins og ekki gleyma því að smakka shubat. Bókaðu ævintýraferð þína til Kasakstan með KILROY!

Kyrgyz veiðimaður með örn - Kasakstan

Kasakstan er níunda stærsta land í heiminum með um 15 milljónir íbúa og á landamæri að Kína, Kirgistan, Rússland, Túrkmenistan og Úsbekistan. Þú átt líklega ekki eftir að rekast á marga aðra ferðamenn í Kasakstan og því tilvalið að drífa sig þangað áður en það breytist. Heimamenn eru almennt mjög gestrisnir og taka vel á móti ferðamönnum. 

Kasakstan er stórt land þar sem þú færð tækifæri til að upplifa ný ævintýri á hverjum degi. Á sumum stöðum getur þú fundið hirðingja samfélög sem lifa enn eftir gömlu hefðunum. Mundu eftir því að bóka gistingu hjá Kazakhs! 

Eintsakt borgarlíf - Kasakstan

Almaty - ævintýralegt borgarlíf

Almaty var höfuðborg Kasakstan til ársins 1997 en þá var ákveðið að breyta því og gera Astana að höfuðborg Kasakstan. Almaty er hins vegar enn stærsta borg landsins og finnur þú þar allar þær samgöngur sem þú þarfnast til áframhaldandi ferðalaga um eða frá Kasakstan. Mundu samt eftir því að stoppa þar í nokkra daga og upplifa menninguna. Gakktu um götur borgarinnar og skoðaðu nútímalega byggingarstílinn, gamla gosbrunna og fallega garða. Stoppaðu og fylgstu með mannlífinu í Panfilov garðinum og skoðaðu hæstu viðarbyggingu heims. Finnst þér gaman að fara í gufubað? Þá erum við með góðar fréttir - í Panfilov garðinum finnur þú Arasan böðin sem eru rússnesk og finnsk gufuböð - þú verður að prófa!

Upplifðu menninguna í Kasakstan

Í Almaty eru flestir viðburðir haldnir í kringum ráðhúsið og nýja torgið. Kíktu við og kannaðu hvort þú sért nokkuð að missa af einhverju! Einnig ættir þú að heimsækja Central State safnið, State Art safnið og þjóðminjasafn Kasakstan - þannig getur þú kynnst menningu og sögu landsins enn betur. Að auki átt þú eftir að finna einstakt úrval verslana, veitingastaða og kaffihúsa - og ekki gleyma því að kanna næturlífið!

Hvað á ég að gera í Kasakstan?

Kasakstan er þekkt fyrir gróft landslag og heillandi fjalllendi. Þar finnur þú fjöll sem eru um 7000 m há, magnaða jökla og ótrúlegt útsýni. Medeu (1700m) og Shymbulak (2300m) eru frábærir áfangastaðir fyrir alla sem elska vetrarútivist. í Medeu finnur þú risa skautasvell og í Shymbulak eru þekkt skíðasvæði. Að auki eru margar frábærar gönguleiðir sem eiga eftir að leiða þig að mögnuðum útsýnispunktum. Farðu í göngu að Issyk-Köl vatninu! Mundu samt að þú þarft að vera vel útbúinn og kannaðu aðstæður áður en þú leggur af stað. Það er mikil hætta á snjóflóðum á þessum svæðum allt árið um kring svo þú skalt ávallt ráðfæra þig við heimamenn áður en þú leggur af stað!

Í Kasagstan getur þú upplifað frábæra náttúru

Í fjallgarðinum Tian Shan, við Kolsai vötnin getur þú farið í bátsferð, veiði, á hestbak, synt í vötnunum og skellt þér á skíði og skauta yfir veturinn. Einnig eru þar skemmtilegar kanó og rafting ferðir. Farðu í ævintýralega rafting ferð á lli River sem liggur á milli Qapshaghay og Balhash vatnanna. 

Þjóðgarðar í Kasakstan

Ertu fuglaáhugamaður? Farðu í ferð í þjóðgarðinn Kurgaldjino sem er staðsettur í norðurhluta Kasakstan en hann er heimili bleiku flamingo fuglanna. Þar getur þú einnig komist í návígi við svani og erni. Í miðjunni á Kasakstan finnur þú hið stóra og undarlega Balkhas vatn en það er blandað til helminga af salt og fersk vatni. Ekki hika og stoppaðu þar í ferð þinni um Kasakstan!

Hvenær á ég að ferðast til Kasakstan?

Veturinn í Kasakstan er hrár og kaldur en þá er aðal skíðatímabilið frá nóvember til apríl. Ef þú vilt forðast kuldann þá mælum við með því að þú farir þangað á tímabilinu maí til september en þar eru júlí og ágúst heitustu mánuðirnir.

Ótrúlegt útsýni í Kasagstan

Hvernig er best að ferðast um Kasakstan?

Byrjaðu ferðalag þitt með því að fljúga til Almaty eða Astana. Þaðan finnur þú rútusamgöngur til næstum allra bæja og borga - gæðin eru ekki þau bestu en mjög ævintýraleg. Leigubílar eru í öllum borgum en mundu að leigja aðeins þá sem eru merktir.

Að ferðast frá Kasakstan þá getur þú tekið lest frá Chimkent/Shymkent til Novosibrisk í Rússlandi og Tashkent í Úsbekistan. Frá Almaty getur þú tekið rútu til Urumqi, Yining og Zharkent og ef þú ferð silkileiðina frá Almaty þá fer hún með þig til Urumqi í Kína. Það er hins vegar frekar erfitt að ferðast til Kirgistan. Til að komast þangað þá verður þú að fara í rútu frá Almaty til Bishkek og húkka þér síðan far restina af leiðinni. Ef þú ert á leðinni til Túrkmenistan þá getur þú tekið lest þangað. Mundu bara að kaupa lestar miðann með miklum fyrirvara og taktu mat með þér í ferðina!

Gjaldmiðillinn í Kasakstan er kasakskur tengi

Ferðaráð frá KILROY

  • Smakkaðu Chai - Khan sem er chai te heimamanna.
  • Smakkaðu shubat - sér drykkur heimamanna (kamel mjólk)
  • Smakkaðu Plow - réttur sem samanstendur af hrísgrjónum, gulrótum, kjöti, rúsínum og tómötum. 

Þar sem Kasakstan og nálægt lönd eru frekar erfið yfirferðar þá mælum við steklega með því að þú skellir þér í frábæra ævintýraferð með öðrum ferðalöngum. Þannig færðu betra tækifæri á að sjá landið og upplifa menninguna. 

  • Mundu eftir því að sækja um visa með góðum fyrirvara.
Langar þig að ferðast til Kasakstan?
Hafðu samband!

Contact