Seoul

Götulíf í Seoul
 

Seoul - ótrúleg upplifun

Fyrir þá sem elska lifandi borgarstemningu með áhugaverðri menningu, skemmtun og einstakri tísku er Seoul, frábær valkostur. Í Seoul eru 10 milljón íbúar og því er um að ræða borg sem sefur aldrei.

Ógleymanleg Seoul

Þegar þú ferðast til þessarar gríðarstóru borgar í Suður-Kóreu verður þú að gera eins og hinir innfæddu og fara niður að Han River, ánni sem hlykkjast í gegnum miðlægustu hluta Seoul. Þetta er hinn fullkomni staður til þess að staldra við í rólegheitum, setjast á árbakkann og dýfa heitum og þreyttum fótunum í kalt og hressandi vatnið, skoða mannlífið og meðtaka hið dásamlega andrúmsloft.

Gyeongbokgung Palace eða Gyeongbok Palace er annað sem þú verður að skoða. Höllin var fyrst byggð árið 1394 og svo endurbyggð árið 1867, en nafn hallarinnar, Gyeongbokgung, mætti þýða á íslensku sem „Höll með blessun frá himnum“. Taktu góðan tíma, fáðu þér sæti í fallegum görðum og njóttu friðarins.

Skemmtileg dagsferð er til landamæra Norður- og Suður-Kóreu, DMZ (The Korean Demilitarized Zone). Frá þessu landsvæði getur þú horft yfir að hinu „lokaða“ landi í norðri og lært meira um Kóreustríðið. Svæðið er kyrfilega vaktað frá báðum hliðum þar sem hermenn gæta þess að önnur hliðin geri ekki innrás á hina.

Borg sem stoppar aldrei

Næturlífið í Seoul er endalaust og lifandi! Takturinn í þessari frábæru stórborg er ólíkur öllu og fyrir ferðamenn er þetta án vafa eitthvað sem þeir munu upplifa. Ef þú vilt upplifa raunverulegt kvöld í Seoul er Itaewon staðurinn fyrir þig.  Annað mikilvægt atriði er ganga í gegnum Soho hverfi Seoul sem ber nafnið Samcheongdong. Þessi hluti borgarinnar er mjög ólíkur restinni af henni. Húsin og byggingarnar eru mun minni og þar eru þröng stræti og vegir, ólíkt restinni af borginni þar sem eru margir skýjakljúfar og stórir vegir. Nálægt Royal Palace er svæði með mikið af áhugaverðum galleríum, tískubúðum og kaffihúsum.

Einstök verslun í Seoul

Það er gaman að versla og í tískuhverfinu í Myeongdong er hægt að finna hvaða stíl sem þú getur hugsað þér, fjöldaframleiddan tískufatnað í bland við einstaklingshönnun. Annar möguleiki til að versla er í Insadong og á hinum spennandi, Mecca Dongdaemun Market, þegar kemur að verslun er eitthvað í boði fyrir alla. Næturhrafnarnir ættu að fara á Dongdaemun markaðinn en þar er verðið afar hagstætt. Hvert hverfi hefur sín eigin verslunarsvæði svo ferðamenn þurfa ekki að hafa áhyggjur yfir að missa af einhverju.

Upplifðu matarmenningu allan sólarhringinn

Í Seoul eru fjöldamargir veitingastaðir og þeir eru vel sóttir allan sólarhringinn. Kóreskur og japanskur matur er venjan en það er einnig boðið upp á hvers lags alþjóðlegan mat. Kimchi er bragðmikið, súrsað grænmeti og er borið fram með flestum réttum en þetta er talsvert meira spennandi en smá kálskraut! Frábær upplifun er að borða kvöldverð í N’Seoul Tower. Ef þú borðar þar á fallegu kvöldi er útsýnið yfir Seoul ógleymanlegt.

Hvenær er besti ferðatíminn?

Fyrir þægilegt hitastig er best að fara að hausti, á sumrin er mikill hiti og raki en veturnir eru mjög kaldir. Regntímabilið er milli júní og júlí og það er mikið af snjó í janúar og febrúar. 

Hafa samband