Með sínum 11.000 íbúum er Bled klárlega ekki staðurinn fyrir þá sem eru að leitast eftir stórborgarævintýrum. Bærinn væri heldur ekki jafn áhugaverður ef það væri ekki fyrir stöðuvatnið sem varð til fyrir 14.000 árum úr vatni frá Julian Ölpunum. Bled er fullkominn áfangastaður fyrir þá sem eru að leitast eftir því að slaka á og á sama tíma elska útivist.
Fá fría ráðgjöf um ferðir til Bled
Svissneski vatnslæknirinn Arnold Rikli kom til Bled í Slóveníu árið 1855 og gerði staðinn frægan innan Evrópu. Rikli bjó til heilsuhæli með óvenjulegum lækningaraðferðum sem eiga rætur sínar að rekja í hreint loft og vatn. Um aldamótin 1900 var Bled síðan orðinn vinsæll áfangastaður fyrir elítu Evrópu. Síðar meir fékk konungsfjölskylda Júgóslavíu smjörþefinn af Bled og eftir seinni heimsstyrjöldina reisti fyrrum forseti Júgóslavíu eitt af sínum mörgu húsum, Vila Bled, hér. Ef að peningar skipta ekki máli í ferðinni þinni þá getur þú dvalið í forsetasvítunni, en það er þó hægt að finna töluvert hagstæðari gistingar en það í Bled!
Heillandi bær
Vila Bled er núna hótel en þar er einnig að finna fallegt kaffihús þar sem þú getur smakkað ýmisleg góðgæti - vertu viss um að smakka Bled kremkökuna! Það besta á matseðlinum er þó án efa útsýnið yfir Lake Bled þar sem menn með stráhatta sigla með pör á öllum aldri til ævintýralegu Pilgrimage Church of the Assumption of Mary. Hún er staðsett á einu eyjunni í Slóveníu sem er staðsett á miðju vatninu. En þótt að það sé fallegt að horfa á vatnið þá ertu ekki á safni... svo hoppaðu ofan í og taktu einn sundsprett!
Triglav þjóðgarðurinn
Þessi 1000 ára gamli heilsubær er ekki bara einn mest heillandi áfangastaðurinn innan Slóveníu heldur er hann einnig frábært stopp áður en þú leggur af stað í fjörugri ævintýri í Triglav þjóðgarðinum.
Bled er fullkomin bækistöð ef þú elskar útivist. Ef þér finnst gaman að hjóla þá er úr nægu að velja hér. Þú getur hjólað í gegnum smáþorp og í gegnum dali sem eru þaktir villiblómum. Ef þig langar hins vegar frekar að skella þér í göngu þá getur þú haldið af stað inn í skóginn og farið í göngu á Triglav fjöllin.
Í nágrenni við Triglav þjóðgarðinn og í kringum Soča dalinn finnur þú nóg af kraftmiklum ævintýrum. Ef þú elskar að fara á kajak og í river rafting þá er Soča áin þinn nýi besti vinur! Áin rennur í gegnum eitt fallegasta landslag Slóveníu sem mun ekki vera amalegur bakgrunnur fyrir ævintýri þín!
Ef þú ert ekki alveg að finna þig á vatni þá getur þú fundið þig í loftinu! Það er nefnilega hægt að skella sér á svifvængi yfir dalinn. Síðan eru hvorki meira né minna en tvær frábærar ziplines í dalnum. Þessar afþreyingar eru einnig frábærar þegar kemur að því að kynnast heimafólkinu þar sem að Slóvenar eru alveg jafn brjálaðir í þær og ferðamennirnir.
Samgöngur
Það er auðvelt að ferðast til Bled og Triglav þjóðgarðsins með strætó frá Ljubljana. Frá Bled getur þú síðan haldið áfram með lestinni til Lake Bohinj en 78 metra hái fossinn, Savica, við vatnið er líka algjört must að sjá þegar þú heimsækir Slóveníu. Frá Lake Bohinj er hægt að fara um borð í sérstaka lest sem flytur bíla í gegnum gljúfur og göng til Soča ánnar - einstök ferð!