Wellington, eða „Te Upoko o te Ika a Maui“ eins og borgin nefnist á Maorí fornmáli, hefur breyst mikið á undanförnum árum. Í marga áratugi var Wellington óspennandi borg sem ferðamenn nýttu einungis sem viðkomustað á leið sinni frá norðurey Nýja-Sjálands til suðurey. Í dag hefur þetta breyst og Wellington hefur öðlast meira aðdráttarafl fyrir ferðamenn.
Te Papa – Þjóðminjasafnið
Þjóðminjasafnið er það sem er mest spennandi að skoða í Wellington. Safnið heitir Te Papa og er heimsfrægt fyrir gagnvirkar sýningar og það hvernig saga og menning Nýja-Sjálands er kynnt fyrir safngestum á þann hátt að þeir fái að taka þátt.
Höfnin í Wellington
Á hafnarsvæðinu í kringum Queens Wharf hefur vöruhúsum verið breytt í kaffihús. Þar er líka boðið upp á ýmsa skemmtun fyrir þá sem vilja leika sér og auðvitað menningarupplifun.
Grasagarður í Wellington
Ef þú þarft að taka þér frí frá iðandi borgarlífinu er frábært að fara og skoða grasagarðinn í Wellington og njóta útsýnis yfir borgina og höfnina.
Jarðskjálftar og Wellington
Það er ekkert leyndarmál að Wellington er staðsett á skjálftasvæði. Vegna hættunnar á jarðskjálftum eru allar nýrri byggingar í borginni styrktar og skjálftavarðar.