Bólivía

Saltsléttunar í Bólivíu er "must see"
 

Bólivía - suðrænir frumskógar og Andesfjöllin

Bólivía er land andstæðna. Á ferðalagi um Bólivíu muntu upplifa fjölbreytt loftslag; allt frá heitum og grænum frumskógum til kaldra Andesfjallanna. Einstök og skemmtileg menning, fallegar gönguleiðir og mikil náttúrufegurð gera landið að heillandi áfangastað. Upplifðu ævintýri í Bólivíu með KILROY!

Þó að Bólivía sé eitt af fátækustu löndum Suður-Ameríku þá er það ríkt af litríkri menningu og stórbrotnu landslagi. Gamlir siðir og hefðir eru allsráðandi þar sem innfæddir hafa haldið þeim vel við. Andstæðurnar í landslaginu eru gífurlegar, og þú þarft að hugsa þig vel um áður en þú pakkar í tösku fyrir ferð til Bólivíu.

La Paz, Bólivía - KILROY

La Paz

La Paz er oft kölluð höfuðborg Bólivíu því þar eru stjórnvöld landsins staðsett svo hún er einungis stjórnsýslu-höfuðborg (administrative capital), en hin eiginlega höfuðborg er Sucre. La Paz er hinsvegar hæsta stjórnsýslu-höfuðborg heims, en hún er í 4.200 m hæð. La Paz er staðsett í einskonar dæld og er umkringd tilkomumiklum fjöllum. Borgin sjálf lítur í rauninni út eins og risavaxið þorp með öllum sínum þröngu strætum og litríkt klæddu Bólivíubúum sem selja föt, kjöt, egg, grænmeti og hreinlætisvörur allt í bland á götumörkuðum borgarinnar. Heimsókn til þessarar kraftmiklu og einstöku borgar mun aldrei gleymast!

Salar de Uyuni - Bólivía

Hvað er hægt að gera í Bólivíu?

Það er nóg að gera og sjá í Bólivíu! Frægasti staður landsins er eflaust salteyðimörkin í Uyuni. Það er algjört "must" að fara þangað þegar þú heimsækir Bólivíu. Auk þess mælum við með að þú heimsækir Amazon skóginn, farir í flúðasiglingu í Yungas á, skoðir dýralífið í Pantanal eða skellir þér í göngu um Cordilleras. Það er gífurlega mikið um fallegar gönguleiðir í Bólivíu svo göngugarpar ættu að njóta sín vel hérna. Ef þig langar í fjallaklifur er best að fara yfir vetrartímann þegar rignir minna.

Ef þú ert alvöru adrenalín fíkill verður þú að hjóla niður Death Road. Þessi vegur var eitt sinn hættulegasti vegur veraldar, en hann hefur nú verið lagfærður og færri flutningabílar keyra um hann í dag heldur en áður fyrr.

Death Road - Bólivía

Að ferðast um Bólivíu

Það gæti verið ódýrara að fljúga til annarra Suður-Amerískra stórborga og ferðast landleiðis yfir til Bólivíu, frekar en að fljúga beint til La Paz eða Sucre. Leiðirnar frá Argentínu og Perú eru bestar.

Næturrúturnar eru þægilegasti ferðamátinn um Bólivíu en hafðu í huga að bæði vegirnir og rúturnar eru lélegri en í flestum öðrum löndum Suður Ameríku. Ef þú vilt öðruvísi upplifun er skemmtilegt að ferðast um í ódýrum jeppum. Lestir eru bæði óþægilegur og hægur ferðamáti svo við mælum ekki með að þú prófir þær.

Þú upplifir skemmtilega frumstæðan ferðamáta í Bólivíu

Hvenær er best að heimsækja Bólivíu?

Bólivía liggur mjög hátt yfir sjávarmáli og því verður mjög kalt þar. Loftslag landsins er þó fjölbreytt svo þú ættir alltaf að geta fundið ágætt veður einhversstaðar.

Besti ferðatíminn er frá maí til október. Á þessu tímabili er veðurfar þurrara og þú færð fleiri bjarta daga.

Að vera öruggur í Bólivíu

Fylgstu með veðurspánni og fréttum reglulega þegar þú ferðast um Bólivíu. Bólivía hefur gengið í gegnum miklar rigningar og flóð svo það er vissara að vera vel undirbúin(n). Mótmæli og verkföll eru algeng og geta stundum farið úr böndunum. Farðu því varlega og varastu að lenda í slíkum samkomum.

Dreymir þig um að heimsækja Bólivíu?
Hafðu samband!

Hafa samband