Salar de Uyuni

Salar De Uyuni tvær stelpur
 

Salar de Uyuni – Einn óvenjulegasti staður í heimi!!

Sjáðu sólsetrið af einni stærstu saltbreiðu jarðarinnar. Njóttu útsýnisins af snævi þöktum fjallatoppunum í fjarska þegar þú ferðast. Slappaðu af í náttúrulegum heitum hverum. Þú munt sjá marga hluti sem er næstum ómögulegt að lýsa með orðum á Salar De Uyuni!

Einn merkilegasti staður Bólivíu er Salar de Uyuni saltbreiðan, á hásléttu Bólivíu, en hana er að finna nálægt Andes fjöllunum, í Potosi og Oruro héruðunum, um 40 mínútna akstur frá bænum Uyuni. Salar de Uyuni liggur í 3700 m hæð og er stærsta saltbreiða jarðar. Breiðan þekur heila 10.000 ferkílómetra af hvítu salti og er meira og minna alveg flöt svo langt sem augað eygir.

Svæðið hefur lengi laðað að vísindamenn, námuverkamenn og ferðamenn sem vilja sjá þetta undurverk náttúrunnar. Áætlað er að á svæðinu séu um 10 milljarðar tonna salts. Smábærinn Uyuni var eitt sinn samgöngumiðstöð námufyrirtækja. Í dag þykir hann ekkert sérstakur, en í góðum félagsskap er hann yndislegur.

Heimamenn í smáþorpinu Colchani vinna saltið í joðbætt borðsalt. Það er heillandi að sá hvernig þetta er gert í höndunum. Salt er einnig notað í múrsteina og minjagripi. Það skrítnasta á Salar De Uyuni svæðinu er án efa Salt Hótelið, sem er úr gegnheilu salti: meira að segja borðin, stólarnir og rúmin eru skorin út úr því.

Þú getur líka komið auga á litlar hjarðir vicuña, sem eru þau minnstu af fjórum tegundum af kameldýraætt í Suður Ameríku og jafnframt sú sem er mest í útrýmingarhættu.

Grænu Vötnin:

Á svæðinu eru fjögur lítil, falleg, grænlit vötn. Þú getur t.d. stoppað hjá Chiar Kota vatninu eða haldið til Eduardo Avaroa friðlandsins og séð strandlengju Laguna Colorada vatnsins. Þetta verður örugglega hápunktur ferðarinnar þinnar! Vatnið þekur 60 ferkílómetra og liggur í 4270 metra hæð yfir sjávarmáli. Vegna einstakrar blöndu steinefna og þörunga er vatnið bleik-rautt á litinn. Það sem er ótrúlegast við vatnið er fjöldi fiðraðra íbúa, en hér má sjá allt að 70.000 flamingófugla teygja úr vængjunum. Það eru þrjár mismunandi tegundir: Andesku, Chileönsku og James flamingóarnir. Mökunartíminn þeirra er í nóvember.

Laguna Verde vatnið, aftur á móti, er skær græn-blátt, rétt fyrir neðan kulnaða eldfjallið Licancabur. Það er líka ótrúleg sýn.

Goshverir og töff bergmyndanir:

Sol de Mañana er jarðhitasvæði þar sem finna má goshveri o.þ.h. Það er yfirleitt kalt hérna svo það er ráðlegt að klæða sig vel og svæðið er yfirleitt umvafið þykkri þoku vegna hveranna. En þú getur baðað þig í náttúrulegum heitum pottum í bikiníinu þínu og slappað af hérna í friðsæld fjallanna.

Í Salar De Uyuni eru líka dularfullar bergmyndanir og forsöguleg, mörg þúsund ára gömul hellamálverk. Arbol de Piedra er klettur sem lítur út eins og fingur og Valle de las Rocas (Steinadalurinn) minnir á bergmyndanir í villta vestrinu.

Hvenær á ég að fara til Salar De Uyuni?

Saltbreiðurnar geta verið að hluta á kafi í vatni í janúar og febrúar en þá endurspeglast fjöllin enn fallegar á yfirborði vatnsins, svo þau líta út fyrir að fljóta á vatninu.

Hvernig kemst ég þangað?

Yfirleitt bóka ferðamenn þriggja- til fjögurra daga ferð fyrir lítinn hóp á jeppa til að kanna þetta einstaka svæði. Á ferðinni munt þú upplifa margar skemmtilegar nætur í smáþorpum í góðum félagsskap samferðamanna þinna, spila á spil og sötra bjór, og njóta ótrúlegs útsýnis og afslöppunar í heitum hverum.

Contact