Páskaeyja

Sólarlag á Páskaeyju
 

Páskaeyja – Dularfull kraftaverk í Chile

Páskaeyja er í hópi stórkostlegustu staða, ekki aðeins í Chile, heldur í allri Suður-Ameríku. Þessi eyja er jafnframt einn afskekktasti staður heims. Aðalaðdráttarafl eyjunnar eru áhrifamiklar, gríðarstórar steinstyttur sem enginn veit enn þann dag í dag hvernig urðu til. Þetta er eitthvað sem allir ættu að sjá og upplifa – eftir hverju ertu að bíða? Bókaðu ferðina þína til Páskaeyju með KILROY.

2200 kílómetrum frá næstu byggðu eyju (Isla Marquesas) og næstum tvöfaldri þessari vegalengd frá meginlandi Chile er Páskaeyja, Rapa Nui. Þessi dularfulli og goðsagnakenndi staður hefur í gegnum árin vakið upp margar spurningar og vangaveltur hjá ferðamönnum. Hver gerði þessi gríðarstóru steinandlit sem kallast moais?

Hin þekktu andlit Páskaeyju

Já, stærsta aðdráttarafl Páskaeyju og ástæða þess að talsverður fjöldi fólks ferðast þessa löngu leið, eru fræg andlit, steinstyttur sem kallast moais. Eyjan sjálf og náttúrufegurð hennar kalla þó líka á athygli. Þetta er eldfjallaeyja og landslag hennar markast af þremur óvirkum eldfjöllum; Terevaka (það stærsta), Poike og Rano Kau. Þessir eldgígar og hraunmyndanir í kring, ásamt glitrandi djúpbláu hafinu og fallegum ströndum, gera Páskaeyju að mjög áhugaverðum og eftirminnilegum áfangastað.

Höfuðin á Páskaeyju er flottur minnisvarði um gamla tíma

Það eru allt í allt 887 stykki af hinum frægu moais á eyjunni. Ýmsar hugmyndir hafa komið fram um það hvenær stytturnar voru gerðar en flestir giska á að það hafi verið einhvers staðar á milli 400 og 1700. Annað atriði sem margir hafa velt fyrir sér, er hver hafi verið tilgangur þess að skapa þær en flest bendir til þess að þær séu virðingarvottur Rapa Nui fólksins til forfeðra sinna og guða. Það er svo einstök upplifun að sjá þessar dularfullu styttur, næstum eins langt og augað eygir. Þú getur ekki annað en velt vöngum yfir því ótrúlega afreki sem gerð þeirra hefur verið.

Þú ættir að fara til Rano Raraku sem er eins konar ‘ræktunarstaður‘ fyrir Moai stytturnar, en þar eru ókláruðu stytturnar. Þú ættir jafnframt að kynna þér Pólýnesískar hátíðarathafnir í Orongo þorpi. 

Af hverju skildu þau vera svona dreifð útum eyjuna?

Margir óþekktir kostir Páskaeyju

Þessar gríðarstóru steinstyttur eru þó alls ekki eina ástæðan til þess að ferðast til Páskaeyju. Þessi einstaka eyja, langt úti í Kyrrahafi, hefur fjölmarga kosti sem flestir ferðamenn vita ekki af fyrr en þeir koma þangað.

Eitt dæmi um slíkt eru frábær skilyrði til köfunar en mörgum reyndum köfurum finnst Páskaeyja vera einn af bestu köfunarstöðum í heimi, sér í lagi vegna þess hve vatnið er ótrúlega tært. Þar eru líka frábærar öldur svo allir helstu surfarar heims lofa svæðið fyrir fullkomnar aðstæður fyrir surf. Moto Nui er besti og vinsælasti staðurinn fyrir köfun og snorkl.

Að lokum eru fjölmörg tækifæri til að skoða hina ýmsu hluta Páskaeyju fótgangandi eða jafnvel á hestbaki því landslagið býður upp á það. Fyrir þá sem vilja njóta sólarinnar eru margar heillandi strendur við hið fallega Kyrrahaf og er Anakena Beach sú besta.

Anakena ströndin

Ferðir til Páskaeyju og hagnýt ferðaráð

Páskaeyja er hluti af Chile svo það ætti ekki að koma á óvart að til þess að komast þangað þarf að fara í gegnum Chile. Þú getur til dæmis flogið frá höfuðborginni Santiago.

Langar þig að heimsækja Páskaeyju?
Hafðu samband!

Hafa samband