Malasía

Malasía býr yfir mikilli náttúrufegurð
 

Ferðir til Malasíu - falleg og framandi

Malasía mun koma þér skemmtilega á óvart með öllum sínum andstæðum og vinalegu fólki. Hin nútímalega höfuðborg Kuala Lumpur með öllum sínum skýjakljúfum, hefðbundin og afskekkt þorp þar sem þú getur notið hefðbundinnar máltíðar, dásamlegar strendurnar á hinum fjölmörgu, fallegu eyjum og fjölbreytt dýralífið. Það eru margar góðar ástæður fyrir því að ferðast til Malasíu. Bókaðu ferð til Malasíu með KILROY.

Malasía er eitt af þeim löndum í Asíu sem minnir okkur hvað mest á hinn vestræna heim, bæði hvað varðar tungumál og lífsstíl. Flestir heimamenn tala ensku frekar vel, sérstaklega ef miðað er við nærliggjandi lönd en ástæðan er líklega sú að Malasía var bresk nýlenda allt til ársins 1957. Þrátt fyrir miklar mætur á vestrænum lífsmáta þá hefur landið einnig sína sérstöðu. Það er algert skilyrði að smakka á matseld heimamanna! Þá sérstaklega hinum frábæra Malay Chicken Satay - sterkur kjúklingur þræddur upp á steikartein framreiddur með sætri hnetusósu. 

Kuala Lumpur í  Malasíu - KILROY

Kuala Lumpur

Kuala Lumpur, höfuðborg Malasíu, er nútímaleg og annasöm stórborg sem hýsir um 7 milljónir íbúa. Í Malasíu er meirihluti íbúa malasískir öfugt við Kuala Lumpur þar sem meirihluti íbúa eru kínverskir. Borgin er afar vinsæll áfangastaður ferðamanna þar sem hún býður upp á fjölmarga afþreyingarmöguleika, spennandi menningu og frábærar skoðunarferðir. Hér finnur þú fullt af hofum, heillandi markaði, sögulegar byggingar og söfn. Auk þess býður borgin upp á ódýran lúxus - hér eru til dæmis ódýrustu fimm stjörnu hótel heims! Á svæðinu sem kallað er hinn Gyllti Þríhyrningur finnurðu flest þessara hótela og standa þau í röðum innan um flottustu næturklúbbana, verslunarmiðstöðvarnar og hin heimsfrægu háhýsi Petrona Twin Towers.

Borneo

Að heimsækja Borneo og malasíska svæðið Sabah, "the land below the wind" eins og heimamennirnir kalla það, ætti að vera skylda fyrir alla sem heimsækja Malasíu. Borneo er þriðja stærsta eyja heims og hér getur þú gengið á Mount Kinabalu (hæsta fjall Suðaustur Asíu), kafað í Sipadan (einn besti köfunarstaður heims) og komist í mikla nálægð við órangúta og apa.

Órangútan í Borneo, Malasíu - KILROY

Perhentian eyjar

Perhentian eyjarnar eru tvær eyjar sem geyma endalausar hvítar strendur, kristalstært vatn og falleg kóralrif og hafa að geyma marga magnaða köfunarstaði. Ef þú vilt slappa af í fallegu umhverfi en einnig hafa möguleika á að upplifa ótrúleg ævintýri skaltu pakka sundfötunum niður og skella þér af stað og kanna þessar einstöku eyjar.

Auk þess að prófa ýmis spennandi vatnasport getur þú farið í gönguferðir um gróskumikla frumskóga þar sem dýra- og plöntulífið er einstaklega litríkt. Þú getur tekið rútu frá Kuala Lumpur til Kuala Besut og ferðast þaðan með hraðbát til eyjanna. Ferðin tekur u.þ.b. hálftíma. Bæði Perhentian eyjarnar og Borneo bjóða upp á guðdómlegar baðstrendur.

Perhentian eyjar, Malasía - KILROY

Penang

Eyjan Penang er nálægt landamærum Tælands og þar finnur þú gróskumikla frumskóga, notalegar sveitir og lítil fiskiþorp. Georgetown er miðja Penang þar sem flestir ferðamenn koma. Vertu viðbúin/n hjörð Englendinga með föla leggi, klædda tennissokkum í sandölunum! Ekki missa af kláfnum sem fer alla leið upp á Penang Hill, héðan geturðu séð yfir alla eyjuna! Á toppi fjallsins geturðu fengið þér hádegisverð á flottum veitingastað og farið í ferð til Kek Lok si, stærsta Búdda hofs landsins - sem er algerlega þess virði að heimsækja! Frá hofinu er frábært útsýni yfir Georgetown og í hofinu geturðu fundið lítið stöðuvatn með gæfum skjaldbökum sem hægt er að handmata.

Að ferðast um Malasíu 

Samgöngur eru góðar í Malasíu. Flestar rútur í Kuala Lumpur eru í góðu ásigkomulagi og bjóða upp á loftkælingu. Í minni borgum eru rútur einnig góðar en flestar bjóða ekki upp á loftkælingu. Flestir leigubílar í stærri borgunum notast við gjaldmæli en ef þú ert í minni borgunum skaltu semja um verð áður en þú sest upp í bíl. Lestir eru góðar og skilvirkar svo það er auðvelt að ferðast til allra landshorna í Malasíu, einnig til Taílands í norðri eða Singapore í suðri. 

Langkawi í Malasíu - KILROY

Loftslag í Malasíu

Malasía býður upp á afskaplega gott veðurfar sem breytist ekki mikið yfir árið. Hitastigið er alltaf á bilinu 20 til 30 gráður. Ef þú ert mikið fyrir strendur ættirðu að forðast að leggja leið þína til austurstrandar Malasíu á tímabilinu nóvember til janúar og vesturstrandarinnar á tímabilinu september til janúar því þá stendur rigningartíminn yfir.

Verð og verslun í Malasíu

Að ferðast um Malasíu er tiltölulega ódýrt.  Þú getur gert ráð fyrir að eyða u.þ.b. 4.000 krónum á dag ef þú ætlar að gista á ódýrum hótelum, ferðast ódýrt og forðast dýr veitingahús. Ef þú vilt aðeins meiri þægindi geturðu búist við að þurfa að borga helmingi meira. 

Það er ódýrt að versla í Malasíu. Í verslunarmiðstöðvunum er ekki erfitt að finna ódýrar merkjavörur og rafmagnstæki. Hagstæðustu kaupin eru þó á litríku mörkuðunum. Hér er einnig skemmtilegt að rölta á milli bása og upplifa stemmninguna.

Langar þig að ferast til Malasíu?
Hafðu samband!

Hafa samband