Ho chi minh (Saigon)

Foss í víetnam
 

Ho Chi Minh borg (Saigon)

Saigon eða Ho Chi Minh borg er nýtískulegasta og líflegasta borgin í Víetnam. Í norðri breytist veðrið ört og ef þú ferðast frá höfuðborginni Hanoí að Ho Chi Ming borg getur það verið yndislega kælandi á sumrin eða dásamlega gott að koma í hlýjuna á veturna. Hitabeltisloftslag er í borginni – um 30 gráðu hiti allt árið um kring.

Hvað á að skoða í Ho Chi Minh borg

Það eru margar ástæður fyrir því að eyða talsverðum tíma í Ho Chi Minh borg og hinar mörgu sögulegu minjar eru aðeins ein af þessum ástæðum. Fleiri ástæður eru Reunification palace, Ho chi minh borgarsafnið eða stríðsminjasafnið. Öll þessi söfn sýna hluta af nútímasögu Víetnam og eru algjörlega heimsóknarinnar virði.

Kínahverfið 

Kínahverfið (e. Chinatown) eða Tho Lon sem er staðsett í fimmta hverfi, er svæði sem allir verða að skoða – þar eru margir innanhússmarkaðir – austurlenskar byggingar (pagodas) og hof. Markaðirnir eru iðandi af lífi, sérstaklega snemma á morgnana.

Götumatur í Ho chi minh borg 

Götueldhúsin í Saigon eru þess virði að skoða þau nánar, sérstaklega ef þú færð þér líka hinn fræga ferska bjór „Bia Hoi“ – hann finnur þú hvarvetna í borginni. Mörgum sem ferðast hafa með KILROY finnst bar- og kaffihúsalífið í borginni mjög þægilegt eftir að hafa ferðast um sveitir Víetnam.

Cu Chi göngin

Ef til vill eru Cu Chi göngin það áhugaverðasta að skoða rétt fyrir utan Ho Chi Minh borg. Bygging á göngunum hófst árið 1948 og áttu þau þá að vera felustaður fyrir Viet Minh hermennina sem börðust á móti frönsku herliði. Þar sem staðsetning ganganna var svo hernaðarlega góð var byggingu þeirra haldið áfram í Víetnam stríðinu. Jafnvel þó að Cu Chi göngin séu mjög vel sóttur ferðamannastaður og þar séu nú margar túristabúðir – er algjörlega hægt að mæla með því að skoða þau því sú heimsókn gefur innsýn í ákvarðanir Viet Cong liða.

Saigon eða Ho Chi Minh borg?

Nú til dags nefnist borgin Ho chi minh borg en hún fékk nafn sitt eftir Ho Chi Minh (1890 - 1969) fyrsta leiðtoga kommúnistahreyfingarinnar í Víetnam. Gamla heiti borgarinnar, Saigon er enn notað og þó undarlega megi virðast nota íbúar borgarinnar það meira en nýja heitið. Það er hins vegar talið kurteisara að segja Ho chi minh borg.

Ráð fyrir fólk á ferðinni

Það er mikil umferð í Víetnam en sérstaklega í Saigon! Regla bakpokaferðalangsins til að komast framhjá mótorhjólum er eftirfarandi: Ákveddu hvar þú vilt fara yfir og gakktu í beinni línu yfir – yfirgefðu gangstéttina á hægum hraða og haltu áfram að ganga á þessum hraða, ekki ganga aftur á bak. Víetnamskir mótorhjólamenn eru vanir því að beygja fram hjá hindrunum á miðjum veginum. Svo lengi sem þú hreyfir þig á sama hraða vita þeir hvar þú ert og hvar þú munt verða. Horfðu alltaf í áttina að umferðinni og gerðu sjálfan þig sjáanlegan – þú munt sjá gamalt fólk (sem er vant þessu) veifa höttum eða regnhlífum.  

Hvar á að gista í Ho chi minh?

Á háannatíma ferðamanna (vor og haust) eru bestu hótelin í Ho chi minh borg oft full. Þetta hefur yfirleitt ekki áhrif á bakpokaferðalanga því fyrir þá eru margir valkostir í Saigon. Yfirleitt dvelja bakpokaferðalangar í vesturhluta fyrsta hverfis.

Að komast til Ho Chi Minh borgar

Flestir bakpokaferðalangar ferðast landleiðis til Ho Chi Minh. Það er þó hægt að taka flug en flestir sem gera það, koma til borgarinnar aðeins til að vera þá þar eða skoða sig í kringum um svæðið. Það er í styttri ferðum. Þó er til í dæminu að fólk byrjar þar og ferðast svo um allt Víetnam og þaðan til Laos eða Kambodíu. 

Hafa samband