Jórdanía

Ævintýrin gerast í eyðimörkinni - Jórdanía
 

Ferðir til Jórdaníu - Ævintýri í eyðimörkinni

Fljótlega eftir komu þína til Jórdaníu muntu heyra kallað "Velkominn til Jórdaníu!".” Jórdanar meta komu ferðamanna til landsins mikils og gestrisni þeirra er auðsjáanleg. Ungir og aldnir, ríkir og fátækir, hermenn, lögregla, hér munu allir taka á móti þér með bros á vör. Landið er lítið en merkisstaðir margir.

Jórdanía, konungsríki Hasemíta, er lítið arabískt land á Miðausturlöndum sem nær yfir allan suðurhluta Sýrlensku eyðimerkurinnar alla leið niður að Aqabaflóa. Landið deilir landamærum með Sýrlandi í norðri, Írak í norð-austri, Ísrael í vestri og Saudi-Arabíu í austri og suðri. Áætlaður íbúafjöldi er um 6,2 milljónir og er landið stjórnað af hinum vinsæla konungi Abdullah II.  

Ferðastu til Amman - höfuðborg Jórdaníu

Amman er stærsta borg Jórdaníu. Hún situr ofan á sjö hólum, sem sjökvíslótta stjarnan í þjóðfána Jórdaníu stendur fyrir. Upplifðu skemmtilegt borgarskipulag, stór og nýtískuleg úthverfin og verslunargöturnar sem eru í hrópandi andstöðu við gamla hlutann: borgarvirkið og rómverska amphit-leikhúsið. Gerðu ráð fyrir chai te drykkju, búðareigendur líta á tedrykkju sem einskonar tákn um gestrisni en þar að auki er þetta hluti af samningsviðræðum. Í Amman er næststærsta flaggstöng í heimi, en sú stærsta er í Uzbekistan. Í Nordur-Kóreu er þó lengsta flaggstöngin en þar er hún studd af strengjum og margir telja það vera að svindla.

Jerash

Ef þú ferðast í klukkutíma í bíl norður fyrir Amman finnurðu fornar rómverskar rústir Jerash. Staðurinn er tilvalinn til dagsferð ef þú vilt skoða eitthvað í nágrenni Amman. Taktu leigubíl og láttu hann keyra þig, bílstjórinn mun meira að segja bíða eftir þér ef þú biður hann um það. Ferðin kostar sirka 300 dolllara. Taktu þinn tíma og njóttu tilkomumikils svæðisins. Í Jerash geturðu skoðað rómverska amphi-leikhúsið, Artemis hofið, Hadrian-boginn og hið sporöskjulaga Forum. Jerash er næst vinsælasti ferðamannastaðurinn í Jórdaníu, alveg í hælunum á stórbrotnu rústunum í Petra.

Dauðahaf

Ef þú ert staddur í Jórdaníu á heitum og heiðskýrum degi er ferð til Dauðahafsins algert möst! Meðfram ströndinni eru mörg heilsuhæli og mörg þeirra dýr, en hér finnurðu einnig strendur og svæði fyrir almenning. Amman strönd er ein af vinsælustu ströndunum á meðal bæði ferðamanna og Jórdana. Frábær staður, þú þarft að borga smotterí í aðgangseyri en þá ertu líka kominn í algera paradís, á sundlaugasvæði og fallega strönd. Aðstaða er góð og til staðar, eins og sturtur, snyrting, veitingastaðir og minjagripir. Að baða í Dauðahafi er alger snilld og þvílík upplifun. Þú veist þú munt fljóta, en enginn getur lýst þessu nema hafa raunverulega prufað. Þegar þú labbar útí vatnið og um það bil þegar fætur þínir ná ekki lengur til botns muntu bókstaflega "skjótast upp", eins og flotholt! Tilfinningin er stórkostleg! Þú getur gleymt því að synda því hefurðu reynt að synda með fætur fyrir ofan vatnsyfirborð? Gríptu bara bjór, sestu í vatnið og njóttu!

Merkisstaðurinn Petra

Í júlí  2007 var Petra kunngerð sem ein af hinum sjö nýju undrum veraldar, tilraunarverkefni til að að endurlífga kenninguna um sjö undur hins forna heims. Ferðamenn sem koma til Jórdaníu þekkja best til Petru úr ferðabæklingum, en staðurinn er tvisvar sinnum stórkostlegri en þú býst við. Árið 1812 var svæðið uppgötvað og kynnt hinum vestræna heimi af svissneska landkönnuðinum Johann Ludwig Burckhardt. Petra er svo gríðarlega stórt svæði að við bjuggum sérstaklega til grein um hana (see article).

Loftslag í Jórdaníu

Rigningartíminn í Jórdaníu er frá nóvember til mars og hinir mánuðirnir eru svo þurrir og sólríkir. Hér ríkir hið týpíska Miðjarðarhafsloftslag, þar sem vetur eru kaldir og sumur heit og þurr, og það er auðveldlega hægt að heimsækja landið allan ársins hring. 

Ferðast um Jórdaníu

Jórdanía er tiltölulega lítið land og samgöngur ódýrar. Einfaldast er að taka leigubíl og ferðast með honum útum allt. Það er líka einfalt að leigja bíl í Jórdaníu. Vegir eru góðir, vegalengdir stuttar, og vegaskilti mörg og skýr. Jórdanía er mjög öruggt land og tilvalið ferðaland fyrir þá sem vilja ferðast á eigin vegum.   

Hafa samband