Tókýó

Litrík stræti í Tokyo
 

Týndu þér í Tókýó!

Þú finnur fjölmarga áhugaverða staði og kennileiti í Tókýó og það er nær pottþétt að á einhverjum tímapunkti átt þú eftir að týnast í þessum frumskógi háhýsa, lestar- eða neðanjarðarlestarkerfinu eða einfaldlega í mannmergðinni.

Tókýó er höfuðborg Japans og stærsta borg landsins en íbúar borgarinnar eru um 12,8 milljónir. Tókýó var áður fyrr lítið fiskiþorp sem var kallað ‘Edo’, eða árós. Síðar, árið 1868, þegar borgin varð keisarahöfuðborg Japans var nafninu breytt í Tókýó. Borgin er almennt talin mjög örugg en helsti vandinn sem ferðamenn lenda í er tungumálið þar sem fáir Japanir tala góða ensku.

Tókýó að næturlagi

Matseðlar eru oft eingöngu á japönsku og skiltin eru algjörlega óskiljanleg. Þú átt því líklega eftir að klóra þér í höfðinu þegar þú kemur inn á neðanjarðarlestarstöðina og sérð að öll skiltin og miðasölutækin sem sýna einungis japönsk tákn. En talandi um vélar þá eru sjálfssalar allsstaðar í Tókýó og þeir selja allt - síma, gos, nammi, ávexti og jafnvel ferskan fisk og brauðmeti. Þú getur næstum því verið viss um að það sem þú óskar þér sé til í sjálfsala einhversstaðar.

Shibuya

Tókýó er mjög nútímaleg borg og japanskir unglingar þekktir fyrir að vera með puttana á púlsinum. Shibuya er þeirra himnaríki. Shibuya er eitt af litríkustu og hröðustu hverfum Tókýó en þaðan koma mörg af helstu tískufyrirbrigðum Japans hvað varðar tísku og skemmtun. Þar er urmull af búðum, veitingastöðum, börum, sóðalegum kynlífsbúðum og háværum og pirrandi Pachinko spilasölum. Shibuya er líka eitt af fjölmennustu hverfum Tókýó. Það er upplifun í sjálfu sér að ganga um þetta ótrúlega flotta hverfi og fylgjast með umhverfinu. Upplifðu allt sjónarspilið, hljóðin og fólkið sem þýtur um í allar áttir.

Hvað ætti ég að gera og sjá í Tókýó?

Kannaðu Tókýó með KILROY

Í Asakusa er gamalt búddahof sem er nauðsynlegt fyrir alla ferðamenn að skoða. Að auki er í því hverfi mikið af litlum búðum þar sem er hægt að kaupa allskonar skrýtna hluti.

Imperial höllin er annað sem þú verður að sjá. Í miðri ringulreiðinni sem Tókýó er í sjálfri sér finnur þú þessa höll í stórum fallegum garði. Þú færð ekki að fara inn í höllina sjálfa en gangan um garðinn gefur þér nokkuð góða hugmynd um svæðið. Ef þú ferð þangað í mars eða apríl þegar kirsuberjatrén eru í blóma er garðurinn dásamlega fallegur.

Í Electric City í Akihabara má segja að andrúmsloftið sé rafmagnað, en þar getur þú keypt alls kyns raftæki. Allt frá farsímum með öllum hugsanlegum fylgihlutum og upp í nefháraklippur, myndavélar, úr og sjónvörp. Ef er eitthvað raftæki sem þig langar í þá finnur þú það hér. Verðið er mjög lágt miðað við Ísland og jafnvel miðað við restina af Tókýó. Hér er fyrirfram ákveðið verð þannig að ekki er ætlast til að þú prúttir.

Tokyotower - KILROY

Tókýó Turninn 

Tókýó turninn er 333 metrar, 13 metrum stærri en fyrirmynd hans Eiffel turninn í París. Þetta gerir hann að heimsins stærsta frístandandi stálturni. Hann var kláraður árið 1958 og stendur sem tákn fyrir endurreisn efnahagslegs styrks Japan en hlutverk turnsins er þó að vera sjónvarps- og útvarpsloftnet ásamt því að laða að ferðamenn. Þeir sem fara að skoða turninn geta gengið upp að vinsælasta útsýnispallinum í 150 metra hæð eða sérstökum útsýnispalli í 250 metra hæð. Þannig sjá þeir Tókýó úr lofti. Í góðu veðri er hægt að sjá Mount Fuji, langt í burtu.

Tókýó hefur ekki einungis sinn eigin Eiffel turn heldur líka sína eigin frelsisstyttu. Taktu lest að hinni gríðarstóru Rainbow bridge og út á nýja svæðið Odaiba, þar sem þú getur líka fundið stóra verslunarkjarna.

Hvernig er best að ferðast um Tókýó

Í Tókýó er eitt þróaðasta lestar- og neðanjarðarlestarkerfi í heiminum. Í fyrstu gæti það virst vera í algjörri óreiðu en þegar þú hefur lært á það er þetta fullkomin leið til þess að ferðast um stórborgina. Leigubílar eru frekar dýrir og lestarnar í Tókýó eru hvort eð er skemmtilegar og góð upplifun.

Lestir eru frábær ferðamáti innan Tókýó og til þess að komast út fyrir borgina

Hvenær er best að ferðast til Tókýó?

Tókýó hefur temprað veðurfar þar sem borgin er á miðri Honshu eyju, þeirri stærstu í eyjaklasanum sem myndar Japan. Það eru fjórar árstíðir en hér finnur þú upplýsingar um hvenær er best að heimsækja borgina út frá líklegu veðurfari.

Okkar ráð!

Á meðan þú ert í Tókýó ættir þú að nýta tækifærið og fara í dagsferð til Mount Fuji. Það er alveg frábært að skoða fjallið á fallegum degi.

Við viljum líka mæla með því að þú borðir... já, borðir! Borðaðu allt sem þú kemst yfir á litlum japönskum veitingastöðum. Þú færð frábæra máltíð og skemmtilega upplifun í leiðinni.

Contact