Angkor Wat

Angkor Wat musterið
 

Angkor Wat - Eitt fallegasta menningarsvæði heims

Líður þér eins og þú hafir séð næstum allt? Eins og ekkert komi þér á óvart þegar þú ert að ferðast? Farðu þá til Kambódíu - til Angkor Wat. Þetta mikla hofsvæði er á heimsminjaskrá UNESCO.

Áhrif búddisma og hindúisma sjást greinilega í Angkor Wat og standa hofin sem minnisvarðar um gríðarlega hæfni í byggingarlist á 12. öld. Hofin voru reist á tímum Khmeranna og eru þau í dag eins konar tákn Kambódíu en þú finnur þau meðal annars í fána landsins. 

Passaðu að hafa nægan tíma til að kanna þetta einstaka svæði sem upprunalega var reist til þess að byggja upp höfuðborg landsins.

Sólarlag við Angkor Wat - KILROY

Hvernig er best að komast til Angkor Wat?

Angkor Wat er staðsett í u.þ.b. 5 kílómetra fjarlægð frá Siam Reap, þar sem þú finnur fjölbreytta gistimöguleika. Gefðu sjálfum þér nægan tíma til að skoða hofin því svæðið er stórt. Við mælum með því að þú ráðir þinn eigin tuk-tuk bílstjóra því þeir vita hvaða hof er best að skoða.

Hvenær er besti tíminn til að skoða Angkor Wat

Besti tíminn er í dagrenningu, mættu fyrir sólarupprás og upplifðu það þegar fyrstu sólargeislarnir lenda á hofinu. Það er mögnuð upplifun að standa í bláu myrkrinu fyrir framan hofsvæðið með þúsundum annarra ferðamanna og bíða eftir sólarupprásinni - náttúran og þögult fólkið! Við getum lofað þér því að hverfandi morgunþokan og fyrstu ljósgeislarnir sem lýsa upp hofin eru ferðaupplifun sem þú munt muna eftir.  

Dreymir þig um að kanna Angkor Wat?
Hafðu samband

Contact