Phnom Penh

Phnom Penh
 

Phnom Penh – Perla Asíu

Skoðaðu þessa heillandi sögulegu perlu – Phnom Penh sem staðsett er á mótum ánna Bassac, Mekong og Tonle Sap og sjáðu áhugaverðar fornar búddastyttur, Killing fields og reykelsisfyllt hof.

Í hinni líflegu Phnom Penh, höfuðborg Kambódíu, finnur þú áhugaverða blöndu af fornri sögu og nýrri þróun. Borgin hefur um tvær milljónir íbúa og er hún mikilvægasta fjármála-, sögu- og menningarmiðstöð landsins. Árið 1920 var hún kölluð Perla Asíu en það var fyrir hið ofbeldisfulla nýlendutímabil og tímabil rauðu kmeranna.

Lífið á götunni í Pnom Penh - KILROY

Friðsæl hof og fornir helgimunir

Þú átt eftir að finna fjölmörg reykelsisfyllt hof (wat) í Phnom Penh en á meðal þeirra er Wat Moha Ounalom og Wat Phnom. Wat Ounalom var byggt árið 1443 og er svokallað föðurland búddista. Ef þú ert fyrir forna helgimuni, farðu þá að bænahúsinu sem er á bakvið aðalbygginguna en þar finnur þú brot af augabrún Búdda. Wat Phnom er frá árinu 1373. Það er friðsælt hof og fallegur staður til þess að skoða.

Þjóðminjasafn Kambódíu er staðsett í PH 13 Central Phnom Penh. Byggingin sjálf er gerð með hefðbundnu móti og við hana finnur þú einnig fallegan garð. Safnið geymir nokkra af bestu kmerastyttum í landinu. Þú getur einnig séð varðveitta menningu kmeranna í Silver Pagoda sem er staðsett á Samdech Sothearos Blvd. Nafnið kemur frá gólfi sem er lagt með alvöru silfri. Búddastytturnar þar eru ótrúlegar en þær eru gerðar úr skíragulli og þaktar þúsundum ekta demanta.

Killing Fields

Hið fræga hvíta bænahús, stupa, á Killing Fields mikilvægur minnisvarði fyrir hið dimma tímabil rauðu kmeranna. Húsið stendur á fjöldagröf þeirra, þúsundi manna, sem týndu lífi sínu á þessu tímabili. Athugaðu að Killing Fields er ekki fyrir viðkvæma. 

Killing fields er staður sem hefur að geyma dimma sögu - KILROY

Hvernig er best að komast á milli staða í Phnom Penh?

Það er almennt ekki erfitt að rata í Phnom Penh og frekar auðvelt að komast á milli staða með því að leigja hjól eða mótorhjól (cyclos). Vertu samt varkár því umferðin getur verið brjáluð. Það er ekkert strætókerfi í borginni en þú getur tekið tuk-tuk sem þú finnur alls staðar í borginni.

Auðvelt er að ferðast til annarra áfangastaða í Kambódíu með rútum eða lestum. Athugaðu að lestarnar fara mun hægar yfir en rúturnar.

Alþjóðaflugvöllurinn er í Phnom Penh. Þar eru sérstakir flugvallarleigubílar sem hafa sérstakt fargjald til miðborgarinnar - er um hálftíma ferð.

Hvenær er best að ferðast til Phnom Penh?

  • Þú getur búist við hitabeltisregntímabili frá maí/júní til október
  • Frá febrúar til maí er mjög heitt.
  • Frá nóvember til janúar er yfirleitt aðeins minni raki og hiti, miða við aðra mánuði ársins.

Okkar ráð!

Phnom Penh er frábær staður til þess að fagna kínverska nýárinu sem er haldið hátíðlegt í lok janúar eða byrjun febrúar. Á þessum tíma eru mikil hátíðarhöld um allt og fylla drekadansarar göturnar.

Langar þig að heimsækja Phnom Penh?
Hafðu samband

Contact