Kína
Af hverju ekki að gerast svolítið djarfur á meðan þú ert úti í hinum stóra heimi ? Þú getur t.d. kannað eina elstu siðmenningu heims í einu stærsta hagkerfi heims, sem enn fer ört vaxandi. Ferðalagið getur staðið yfir frá vetri til sumars og tekið þig frá búddískum til múslímskra svæða án þess að þú þurfir nokkru sinnum að fara yfir landamæri. Þetta og svo margt, margt fleira er Kína. Kauptu ferð til þessa mikilfenglega lands með KILROY!
Það virðist kannski ótrúlegt, en innviðir Kína gera það að verkum að mjög auðvelt er að ferðast um landið. Þú munt þó fljótt uppgötva að stærð Kína gerir það nánast ómögulegt að ætla sér að ná að skoða allt landið - og jafnvel bara hálft landið. En óháð því hvaða svæði þú velur þér að skoða, þá mun heimsókn til Kína alltaf verða ógleymanleg.
Vertu reiðubúin/n fyrir endalausan mannfjölda, skerandi hávaða á götunum, sterkri lykt sem hangir í loftinu og að allt sé ólíkt því sem þú þekkir heiman frá. Í stuttu máli; vertu viðbúinn fyrir óreiðu og glundroða. En ef þú leyfir þér að missa þig í undrun og heillun yfir öllu því sem þetta furðulega land hefur upp á að bjóða muntu njóta þess til hins ýtrasta.
Þú getur byrjað ferð þína um Kína í Peking. Gefðu þér nægan tíma til að skoða hin fjölmörgu áhrifamiklu mannvirki borgarinnar, t.d. Himnahofið og Forboðnu borgina sem var valdamiðstöð Kína í yfir 500 ár. Þú ættir einnig að skoða Tiananmen torg, eitt af mögnuðustu opnu svæðum veraldar og staður sem býr yfir mikilli sögu. Enginn alvöru bakpokaferðalangur má svo láta fram hjá sér fara að ganga á Kínamúrnum frá Jinshanling til Simatai.
Þetta er aðeins lítið brot af þeim áhugaverðu stöðum sem hægt er að sjá í Bejing og nágrenni. Úr mörgu er að velja, t.d. mælum við með að skoða Sumarhöllina sem er ótrúlega falleg bygging staðsett í friðsælum og fögrum garði sem liggur að vatni.
Ef þú ert svo orðin/n þreytt/ur á öllum túristastöðunum er kominn tími til að kanna hutongs (mjó stræti) og önnur hverfi borgarinnar sem öll eru þéttsetin af fólki og iðandi af spennandi lífi. Þú getur t.d. gert þetta með því að leigja hjól, en það er vinsæll faramáti hjá heimamönnum.
Ef þig langar að upplifa mikilfengleika Kína og sjá hið stórbrotna fjallasvæði "The Three Gorges" sem umkringir Yangtze ána, þá er tilvalið að fara í bátsferð um þessa stærstu á Kína. Útsýnið er magnað og svona ferð er frábær afslöppun. Ef þú færð nóg af náttúruskoðun um borð þá geturðu alltaf skellt þér í kínverskt karíókí og skálað nokkrum stórum.
Á ferðalagi um Kína væri næsta stopp mögulega hin nútímanlega og einstöka stórborg Shanghai sem er ólík öllum öðrum borgum landsins. Hér mætast Vestrið og Austrið. Þú færð góða tilfinningu fyrir borginni með því að ganga meðfram fljótinu "The Bund" á fallegum degi; öðru megin við fljótið standa gamlar, virðulegar byggingar í frönskum nýlendustíl og hinumegin stendur Pudon hverfið sem hefur nýlega verið endurreist og hýsir nýtískulega skýjakljúfa sem margir eru þess virði að heimsækja - það er t.d. erfitt að toppa útsýnið af 88. Hæð í Jinmao byggingunni.
Nálægt fljótinu finnur þú eina fjölförnustu verslunargötu veraldar Nanijing Lu sem er upplýst af neonljósum og gefur góða mynd af hinum ört vaxandi kínverska kapítalisma. Ekki gleyma að heimsækja einn af fjölmörgu mörkuðum svæðisins - eftir þá heimsókn verður þú orðin/n atvinnumaður í prútti! Ef þú vilt slaka á geturðu farið í garðana í Hangzhou og Suzhou sem eru tilvalin tilbreyting frá ysi og þysi stórborgarinnar. Hápunktarnir hér eru án efa hið fræga West Lake og te akrarnir í Hangzhou.
Ef ferð þín heldur svo áfram til suður Kína er ómissandi að koma við í Yangshuo. Farðu í bátsferð á Lí Jiang eða slappaðu af í einu af nærliggjandi þorpunum og njóttu stórbrotsins fjalla-útsýnisins.
Það er tilvalið að heimsækja vesturhluta Kína ef annasamar og háværar göturnar þreyta þig. Ferðastu með lest til þessa landshluta og skoðaðu í leiðinni hina frægu silkileið sem liggur við hlið járnbrautateinanna.
Á leið þinni ættir þú að sjá sögufrægustu minjar Kína: Terracotta herinn hjá Xi'an. Í Xi'an mælum við með að þú klífir borgarmúrinn og röltir um múslímska hlutann þar sem þú getur heimsótt gömlu moskvuna eða tapað þér á mörkuðum borgarinnar.
Ef þú fylgir svo silkileiðinni lengra vestur skaltu koma við í borgunum Urumqi og Turpan. Það mun koma þér á óvart hversu hreint og rólegt er í þessum borgum og þær búa yfir mörgum áhugaverðum stöðum til að fanga athygli þína í nokkra daga. Þó svo að vínviðirnir gefi frá sér góðan skugga skaltu samt ekki fara þangað að sumri til. Óbærilegur hitinn mun þreyta þig. Í staðinn geturðu ferðast til hins kenjótta hálendis í Tíbet, en að komast um á því svæði er erfiðara og þarfnast undirbúnings og fjórhjóladrifinn bíll er góður ferðamáti. Þú munt sjá hina frægu Potala höll þegar þú nálgast Lhasa og svo máttu alls ekki missa af fjölbreyttu lífinu í grennd við Jokhang Hofið.
Í Kína eru fimm heilög fjöll sem eru dreifð um landið og það er alveg þess virði að eyða degi eða tveimur í að skoða hvern tind. Þú getur ferðast upp með lyftu en við mælum frekar með að klífa stigana sem eru skornir í fjallið. Það er mun erfiðara en mun meira spennandi en að taka lyftuna!
Ef flóttinn til hins víðáttumikla sléttlendis Vestursins var ekki nóg fyrir þig, eða hreinlega kemst ekki á dagskrána í þetta sinn, geturðu skoðað dreifbýlari svæði Kína. Ef þú vilt kynnast smá sveitafílingi mælum við með að þú gistir á "Nong djaa le" sem er þægileg tilbreyting frá háværum farfuglaheimilum borganna. Þú munt gista í herbergi með lágmarks aðstöðu á sveitabýli en sjarminn mun koma í stað óþægindanna, þú getur t.d. búist við að hádegisverðurinn hafi verið spriklandi fyrr um morguninn. Til að auka upplifunina reyndu þá að læra nokkur algeng orð á kínversku eða reyndu jafnvel að kynnast kínverja sem talar ensku og getur túlkað fyrir þig.
Þegar þú ferð í gegnum myndirnar frá ferðalaginu eftir að þú kemur heim muntu eflaust uppgötva að lífið á hinum iðandi og háværu strætum Kína hafi haft mestu áhrifin á upplifun þína, t.d. þegar þú smakkaðir hikandi framandi mat frá götusala - en þér mun örugglega finnast maturinn góður! Eða þegar þú settist á gangstéttarbrún og blandaðir geði við innfædda, skoraðir jafnvel á þá í "campei" (kínverskum drykkjuleik). Undir lok dagsins munu hinir nýju vinir þínir jafnvel bjóða þér á karoke bar þar sem skálað verður í Qingdao bjór undir misfögrum tónum. Áður en farið er í háttinn gætirðu svo komið við í garðinum við hlið farfuglaheimilisins þar sem þú gistir og farið í Tai Chi tíma - til að koma líkamanum í lag eftir átök kvöldsins.
Við mælum með að hafa samband við ferðaráðgjafa okkar og ræða um ferðina þína til Kína. Einna helst mælum við með að fara í ævintýraferð en þannig er mun auðveldara að komast á milli staða og fá sem mest útúr ferðalaginu þínu. Hægt er að sérsníða ferðinr eftir þínu höfðu og fara til þeirra áfangastaða sem henta þér.
Nám í Kína getur verið spennandi kostur. Margir háskólar leggja mikla áherslu á hnatt- og alþjóðavæðingu og námið fer fram á ensku. Lestu meira um nám í Kína og hvernig KILROY getur aðstoðað þig við umsóknarferlið hér.
Contact
