Hong Kong

Útsýni yfir Hong Kong borg
 

Hong Kong - heimsborg Asíu

Háhýsi, frábærar verslanir, skemmtilegt næturlíf, áhugaverð söfn og margvísleg austurlensk matargerð! Þú finnur allt í þessari mögnuðu stórborg. Heimsæktu staði þar sem þú getur notið útsýnisins, farðu í ævintýralega gönguferð meðfram ströndinni eða kannaðu eitt af margvíslegu söfnum borgarinnar og alls ekki gleyma því að bragða hinni fjölbreyttu matargerð sem þar finnst.

Það er auðvelt að ferðast á milli staða í Hong Kong annað hvort með ferju, neðanjarðarlestinni eða leigubíl. Þú finnur fjölbreytta gistimöguleika þar - allt frá vestrænum lúxus hótelum til bakpokagistingar á fáránlega lágu verði. Allir ferðamenn ættu því að finna þá gistingum sem hentar þeim.

Ferðir til Hong Kong - KILROY

Aðaleyjan - Hongkong

Aðaleyjan (e. The Main Island) er það svæði sem flestir sjá fyrir sér að Hong Kong líti út fyrir að vera. Í þessum úthverfafrumskógi eru skýjakljúfar sem innihalda ýmsar viðskiptastofnanir s.s. World Trade Centre og Bank of China. Þegar þú gengur upp að Victoria Peak (eða tekur toglestina) eru verðlaunin ekki af verri endanum. Stórkostlegt útsýni yfir borgina, sérstaklega að kvöldi þegar borgin líkist upplýstu teppi og virðist anda frá sér lifandi stemningu, sú sjón er engu lík.

Kowloon

Kowloon er hluti borgarinnar sem er staðsettur á meginlandinu. Ef þér finnst gaman að versla gæti þetta verið himnaríki fyrir þig. Þarna finnur þú marga mismunandi bari, veitingastaði, hótel, næturklúbba og verslanir ásamt nokkrum mörkuðum sem er áhugavert að skoða. Þarna ættir þú að kaupa þér sérsniðin jakkaföt úr góðu efni á fáránlega lágu verði. Fyrir utan allt þetta er mikið af söfnum og sögulegum stöðum í þessum borgarhluta sem gera svæðið áhugavert út frá menningarlegu sjónarhorni.

Götumarkaður í Hong Kong - KILROY

Gönguferðir í Hong Kong

Hong Kong er mjög góður staður fyrir gönguferðir, þrátt fyrir að flestir hefðu ekki búist við því. Rétt utan við borgina hefjast margar gönguleiðir, sú lengsta er um 100 kílómetrar. Ferðin gæti tekið þig í gegnum skóga, áhugaverða fuglaskoðunarstaði og dásamlegar hvítar strendur. Þú getur einnig leigt þér surfbretti og leikið þér í öldunum.

Macao 

Austur af borginni má komast í snertingu við „Miðjarðarhaf" Asíu. Ef ferðast er með bát er borgin Macao aðeins í um klukkustundarfjarlægð en þar er talsvert sveitalegra andrúmsloft en í Hong Kong. Þessi fyrrum portúgalska nýlenda er afslöppuð og þægileg en þar má finna heilan helling af vel varðveittum eða endurgerðum sögulegum minjum.

Já þú finnur frábærar strendur í Hong Kong - KILROY

Góð byrjun á ferðalagi þínu um Kína

Hong Kong er lifandi borg þar sem margt er að sjá og gera. Mundu bara að þegar þú heldur áfram ferð þinni um Asíu ferðu inn í allt annan heim. Þú getur auðveldlega ferðast til Kína í gegnum Shenzhen en allt í einu talar enginn ensku lengur, göturnar verða að óskipulögðu umferðaröngþveiti og fólkið þýtur hjá án þess að líta upp. Ekki er jafn auðvelt að þekkja innihaldið í matnum þínum lengur. Undirbúðu þig fyrir þetta en ekki láta það draga úr þeirri ákvörðun þinni að ferðast þangað!

Langar þig að heimsækja Hong Kong?
Hafðu samband

Contact