Xi′an

Terracotta herinn - Xi′an
 

Ferðir til Xi′an - Upphaf Silkileiðarinnar

Borgin Xi′an í miðju Kína býr yfir merkilegri sögu sem er sýnileg á nánast hverju horni. Þar eru hinir heimsfrægu Terracotta stríðsmenn sem laða að sér fjölda ferðamanna á hverju ári, en í Xi′an eru fleiri stór og áhugaverð kennileiti sem magnað er að skoða. Ef þú ert á ferð um þennan hluta Kína ættir þú alls ekki að láta Xi′an fram hjá þér fara. Bóka ferðina þína til Xi′an hjá KILROY!

Xi′an var áður fyrr upphaf Silkileiðarinnar miklu í austri. Þar blandaðist ríkidæmi við eyðimerkur, lútutónlist og lykt af kameldýrum. Á þeim tíma, þegar Peking var enn bara þorp, bar Xi′an nafnið Chang'an. Hinni miklu valdatíð borgarinnar lauk þó á 10. öld og borgin fór í mikla niðurníðslu vegna deilna innan Kína.

Xi′an, Kína - borgarmúrinn  | KILROY

Nú á dögum er Xi′an nútímaleg borg með u.þ.b. 4,4 milljónir íbúa. Hin mikla sögulega arfleifð er þó sýnileg öllum sem ferðast til Xi′an og er aðal ástæða flestra fyrir að heimsækja borgina.

Hvað á að gera í Xian?

Þeir sem heimsækja Xi′an hafa mjög ólíkar skoðanir á borginni. Sumum er illa við að sjá nútímavæðingu þessarar miðlungsstóru kínversku borgar og koma bara til þess að sjá Terracotta herinn. Aðrir, sérstaklega áhugafólk um sagnfræði, geta dvalið vikum saman í Xian.

Hvort sem þú tilheyrir fyrri eða seinni hópnum þá mælum við með að þú nýtir tækifærið og upplifir brot af 2000 ára sögu Kína á nokkrum dögum:  Sjáðu kínverskar pagóður (e. pagoda), borgarmúra, terracotta verksmiðjur og terracotta stríðsmenn. Þú getur líka baðað þig í heitum hveri, séð litríkar danssýningar og endað daginn á slakandi heilnuddi.

Aðal aðdráttarafl Xi′an: Terracotta stríðsmennirnir

Langstærsta aðdráttarafl Xi′an, og eitt stærsta aðdráttarafl landsins á eftir Kínamúrnum, er Terracotta herinn. Þetta er eitthvað sem þú mátt alls ekki missa af ef þú heimsækir Xi′an! Þegar þú kemur inn í stóra salinn og lítur í fyrsta sinn yfir endalausar raðir af stríðsmönnum í fullri stærð hefur þú enga hugmynd um hvað það er eiginlega sem þú ert að horfa á. Það hljómar eiginlega ævintýri líkast að Qin Shi Huang keisari hafi verið svo hræddur við dauðann að fyrir tvö þúsund árum að hann hafi látið útbúa 8000 manna her í grafhvelfingu sinni til að gæta sálar sinnar. En svoleiðis var það nú! Terracotta herinn varð fljótlega þekktur um allan heim; ekki bara vegna þess hvað hann er stór heldur einnig vegna þess hvað hann er vel gerður. Smáatriðin eru ótrúleg! Hver andlitsdráttur og hver tilfinning sem kemur fram á andliti stríðsmannanna er einstök.

Terracotta herinn - Xi′an

Terracotta herinn er talinn vera yfir 2000 ára gamall, en hann grófst undir jörðu og var ekki uppgötvaður aftur fyrr en árið 1974 þegar bóndi einn var að grafa brunn. Bóndinn sem fann Terracotta hermennina og kom í veg fyrir að þeir féllu í gleymsku starfar nú fyrir kínversku ríkisstjórnina og áritar bækur. Það er í alvörunni atvinnan hans! Hann er hræddur við myndavélar með flassi því hann trúir því að öll þessi ár sem fólk hefur tekið myndir af honum hafi skemmt sjón hans.

Leyndarmál Xi′an: Grafhvelfing fyrrum keisarans Jingdi

Vanmetnasta leyndarmál Xi′an er grafhvelfing fyrrum keisarans Jingdi. Jingdi ríkti nokkrum hundruðum ára á eftir Qin Shi og í grafhýsi hans eru líka 8000 Terracotta hermenn – bara pínulitlir. Hermennirnir eru smágerðar styttur með dularfull bros á andlitunum sem einhverju sinni voru málaðar í litríkum litum. Jingdi var undir áhrifum frá óhefðbundinni trúariðkun taóisma og því segir gröf Jingdi meira um daglegt líf Kínverja heldur en stríð. Safn um grafhvelfinguna var opnað árið 2006 og andrúmsloftið þar er ótrúlegt. Þér líður eins og fornleifafræðingi sem lítur niður á nýopnaða gröf og þessi tilfinning kemur ekki síst vegna þess að þarna eru svo fáir ferðamenn.

Borgarmúrinn að kvöldi til - Xi′an

Kvöldgöngur í Xi′an

Þegar kvöldar er dásamlegt að ganga um borgina og njóta lífsins. Eitt af því sem er gaman að skoða í Xi′an að kvöldlagi eru upplýstu turnarnir Bell Tower og Drum Tower. Þeir eru frá 14. öld og hafa varðveist vel. Á daginn eru þessar gríðarmiklu byggingar gráar en á kvöldin eru þær baðaðar gylltum litum frá ljóskösturum. Í gegnum tíðina glumdu bjöllurnar í fyrrnefnda turninum í dögun og spilað var á trommurnar í þeim síðarnefnda í sólsetrinu. Nú til dags er daglega spiluð hefðbundin kínversk tónlist í báðum byggingunum.

Borgarmúrar Xi′an

Þú getur líka gengið á borgarmúrum Xi′an. Þeir eru 14 km í þvermál og beinir. Það tekur um fjóra klukkutíma að ganga um allan múrinn og frá 12 metra háum veggnum færðu gott útsýni yfir miðborg Xi′an. Útsýnið er fullt af andstæðum; hefðbundnar kínverskar byggingar í bland við moskur, þéttbyggð íbúahverfi, skýjakljúfa og verslunarmiðstöðvar. Það er líka gaman að leigja reiðhjól og hjóla um múrinn. Ekki hafa áhyggjur, það er nóg af plássi, múrinn er á breidd við þriggja akreina þjóðveg!

Bænahús og nirvana

Þegar þú ferðast í gegnum Xi′an kemstu ekki hjá því að taka eftir mjög svipsterkri byggingu sem geymir Big Goose pagóðuna, en þessi 64 metra háa bygging gnæfir yfir húsþökin. Pagóðan var byggð á sama tíma og upprunalegu borgarmúrarnir, á 7. öld, til þess að hýsa öll búddalíkneskin sem vinsæll búddamunkur kom með frá Indlandi. Byggingin hefur sjö hæðir sem eiga hugsanlega að tákna skrefin sjö sem ganga þarf í gegnum til þess að ná nirvana.

Við mælum með að þú klifrir upp á efstu hæð, stundir smá hugleiðslu og njótir útsýnisins. Þá fyrst verður ferðalagið þitt til Xi′an fullkomnað.

Sacred Mountain Huashan - Xi′an

Langar þig að heimsækja Xi'an?
Hafðu samband við ferðasérfræðinga okkar!

Contact