Kuala Lumpur

Kuala Lumpur er sannkölluð stórborg
 

Kuala Lumpur – þar sem austur mætir vestri!

Flestir sem heimsækja Kuala Lumpur verða strax ástfangnir af borginni. Þessi asíska stórborg býður upp á allt sem þarf fyrir vel heppnað frí. Þar finnur þú söguleg hof, framandi markaði og menningarupplifanir en jafnframt hefur borgin nútímalegar verslunarmiðstöðvar, skilvirkar samgöngur auk þess sem hún er góður upphafspunktur á ferðalagi til annarra áfangastaða í Malasíu.

Kuala Lumpur er höfuðborg Malasíu. Borgin hefur stækkað hratt undanfarin 150 ár og breyst úr smábæ í asíska stórborg með tæplega 7 milljón íbúa. Eitt af frægustu kennileitum borgarinnar er Petronas Twin Towers sem við mælum með að allir sem eiga leið um borgina kíki á. Þessir glansandi turnar standa tignarlegir í miðri borginni. Á kvöldin eru þeir lýstir upp og þá eru þeir jafnvel enn glæsilegri. Taktu lyftuna hálfa leið upp því þaðan er frábært útsýni yfir borgina en einnig er þar margra hæða verslunarmiðstöð með góðum verslunum - ef þig gæti langað til að eyða smá pening. 

Petronas turnarnir í Kuala Lumpur - KILROY

Borginni er skipt í nokkur svæði en þau áhugaverðustu fyrir ferðamenn eru eftirfarandi:

  • Miðborg Kuala Lumpur: Hér finnur þú Merdeka torg, Sultan Abdul Samad bygginguna og Selangor klúbbinn ásamt gamla kínahverfinu (e. Chinatown) þar sem er góður matur og markaðir.
  • Gyllti þríhyrningurinn: Áberandi hverfi þar sem flest af lúxushótelum borgarinnar, spegilglansandi verslunarmiðstöðvar, partýstaðir og  Petronas Twin Towers eru staðsett.
  • Tuanku Abdul Rahman: Nágrannahverfi Gyllta þríhyrningsins og aðeins ódýrara. Þarna eru gistimöguleikar á góðu verði og áhugaverð verslunarhverfi.

Verslun í Kuala Lumpur

Verslun í Kuala Lumpur er æðisleg og þá skiptir ekki máli hvort þú verslar í verslunarmiðstöðvum eða á mörkuðum. Verslunarmiðstöðvarnar bjóða upp á allt sem hugurinn girnist þegar kemur að þekktum skótegundum, veskjum og töskum, fatnaði og skartgripum - en á nokkuð viðráðanlegu verði. Á mörkuðunum getur þú fengið Gucci og Dior, á virkilega góðu verði líka (auðvitað mun enginn komast að því að vörurnar eru ekki ekta…!),  en einnig fallegt handverk, DVD myndir, úr og annað skart. Það eina sem stöðvar þig í að kaupa allt sem hugurinn girnist eru farangurstakmörk. Gættu þín að fara ekki yfir þau svo allur sparnaðurinn fari ekki í að borga yfirvigt.

Kuala Lumpur - Petronas Twin Towers

Næturlíf Kuala Lumpur

Næturlíf Kuala Lumpur er frábært og öruggt, jafnvel fyrir konur sem ferðast einar. Drykkirnir eru bragðgóðir og ódýrir og plötusnúðarnir eru á heimsklassa - þannig að allt er til staðar fyrir gott kvöld á djamminu! Fyrir þá sem vilja borga aðeins meira er áhugavert að fara í anddyri Shangri-La og panta sér Strawberry Daiquiry, þeir eru æðislegir þar! Í heildina er verðlagið lágt og gleðin í hámarki!

Að komast til Kuala Lumpur og að ferðast innan borgarinnar

Í Kuala Lumpur er alþjóðlegur flugvöllur og þaðan fara tengiflug um allan heiminn, því er auðvelt að hafa borgina með í ferðaáætlunum. Sum af asísku flugfélögunum bjóða upp á ódýr flug til nálægra áfangastaða, svo sem Tælands, Singapore og Filippseyja. Samgöngur innan Kuala Lumpur eru góðar. Þú getur valið um rútur, leigubíla og neðanjarðarlestir/hraðlestir, allt á viðráðanlegu verði. 

Langar þig að heimsækja Kuala Lumpur?
Hafðu samband!

Hafa samband