Bangkok

Tuktuk er undarlegur en ómissandi ferðamáti í Bangkok.
 

Ferðir til Bangkok - heillandi höfuðborg

Höfuðborg Tælands er ein mest heillandi borg heims. Hún einkennist af iðandi mannlífi, óreiðu, frábærri matargerð, skemmtilegum mörkuðum og verslunum og fjölbreyttri menningu – svo er hún upphafspunktur ótal ævintýra. Auðvelt er að ferðast suður á hvítar strendur og norður í villta nátturu og frumskóga. Bókaðu ferðina þína til Bangkok með KILROY.

Bangkok er stórborg sem býður upp á allt það sem bakpokaferðalangar gætu óskað sér. Þetta er mögulega frægasta og mest heimsótta bakpoka-borg heims, staður þar sem auðvelt og ódýrt er að ferðast og þar af leiðandi góður upphafspunktur fyrir frekari ferðalög um heiminn. Frá Bangkok er auðvelt að ferðast suður til nokkurra bestu stranda heims sem og til annarra áfangastaða í Asíu. Þar að auki er ótrúlega margt að sjá og gera í Bangkok svo borgin sjálf gefur frábæra mynd af því sem Suðaustur Asía hefur upp á að bjóða

The floating market í Bangkok - KILROY

Heitasta borg heims

Hvort sem þú ert að heimsækja Bangkok í fyrsta eða tíunda skiptið muntu alltaf finna eitthvað nýtt og skemmtilegt til að upplifa og gera. Hér getur þú fundið nútímalega skýjakljúfa, nýtískulegar neðanjarðarlestir, bæði hefðbundna og óvengjulega markaði eins og hinn fræga fljótandi markað, falleg hof, yndislega veitingastaði og svo er næturlífið hér frábært (meira að segja á íslenskum skala). Bangkok er lífleg og heillandi borg og ekki að ástæðulausu sem hún hefur verið kosin "heitasta borg heims".

Hallir og hof í Bangkok

Um leið og þú kemur þér af Kaho San Road, heimsins frægustu götu fyrir bakpokaferðalanga og skemmtilegur samkomustaður ýmis ferðalanga, er kominn tími til að skoða allt hitt sem borgin hefur upp á að bjóða. Skoðaðu hina risastóru og fallegu höll Wat Phra Kaew sem er nálægt Khao San Road og algjört "must see". Þaðan skaltu fara að Wat Pho, framhald af Wat Phra Kaew og heimili frægu styttunnar "Leaning Buddha" (hallandi Búdda). Þetta er eitt elsta og stærsta hof Bangkok og gefur þér skemmtilega innsýn í heim búddismans.

Skoðaðu mögnuð hof í Bangkok - KILROY

Floating market og vötn Bangkok

Þegar þú hefur skoðað hofin er kominn tími til að skoða lífsæð Bangkok: Chao pray ánna og hin mörgu síki og skurði borgarinnar, en Bangkok er oft kölluð Feneyjar Asíu. Við mælum með að þú farir í stutta bátsferð og skoðir líflega hafnarbakkana . Svo er um að gera að skella sér á einn vinsælasta áfangastað túrista í Bangkok, hinn fræga "Floating Market". Nánast allar myndir frá Bangkok sýna þennan exótíska stað þar sem þú getur keypt allt frá matvöru til vefnaðar og allt er selt beint af bátum. Markaðurinn er í 15 km fjarlægð frá miðbæ Bangkok.

Markaðir í Bangkok

Það eru margir aðrir markaðir í Bangkok, t.d. Nakhon Kasem sem staðsettur er í Kínahverfi Bangkok - einnig þekktur undir hinu skemmtilega nafni "Þjófamarkaðurinn". Einnig má nefna Praturam markaðinn á Siam Square sem selur allt frá úrum til undirfata. Ekki má svo gleyma hinum fræga Bobe markaði sem er sérstaklega þekktur fyrir að selja fatnað - per kíló!

Útsýnið yfir Bangkok - KILROY

Verslunarmiðstöðvar í Bangkok

Ef þú verður þreytt(ur) á öllum mörkuðunum, en værir samt alveg til í að versla  meira, er til allrar hamingju nóg af verslunarmiðstöðvum í Bangkok. Sem dæmi má nefna Mah Book Krong (MBK) sem er líklega sú ódýrasta í borginni, hina nýju og nútímalegu Siam Paragon eða hina svakalega dýru og nokkuð snobbuðu The Emporium. Í Bangkok er einnig að finna stærstu verslunarmiðstöð Suðaustur Asíu; Central World.

Götulíf Bangkok

Ekki gleyma að njóta götulífsins og hins sérstaka andrúmslofts sem einkennir Bangkok. Borgin er sérstaklega fræg hvað þetta varðar og eftir dvöl í Bangkok ertu vel undirbúin(n) undir að ferðast frekar um Tæland

Langar þig að heimsækja Bangkok?
Hafðu samband!

Hafðu samband!

Contact