Koh Samui

Koh Samui - töfrandi strönd
 

Ferðastu til Koh Samui með KILROY

Koh Samui er þriðja stærsta eyja Taílands og næststærsta eyja austurstrandarinnar. Hún er heimsfræg fyrir langar himneskar strendur, sem laða að hátt í 500.000 gesti á hverju ári.

Stærstu strendur Koh Samui eru Chaweng og Lamai. Af þeim er Chaweng dýrari valmöguleikinn en ef þig langar í partý þá er það staðurinn fyrir þig. Það eru líka hægt að kanna minni og hljóðlátari strendur eins og Strönd Stóra Búdda (Big Buddha Beach) og Bo Phut ströndina.

Hvað á ég að gera á Koh Samui?

Flestir heimsækja Koh Samui til að njóta fegurð strandanna. Ef þú ert kafari hefur þú fullt af tækifærum til að stunda sportið og ef þig langar að læra, þá er mikið framboð af köfunarnámskeiðum hér. Kraftmiklir vindar geysa við norðurströnd Koh Samui og þangað flykkjast þúsundir seglbrettakappa milli desember og febrúar. Annars getur þú farið í siglingu og notið svæðisins um kring frá hafinu.

Bophut bærinn í norðrinu býður upp á friðsælar strendur og allt sem ferðamenn kunna að þarfnast, sérstaklega fjölskyldufólk og bakpokaferðalangar. Flestir ferðamenn gista nálægt ströndinni, svo svæðið innanlands á Koh Samui er næstum ósnert, og býður upp á mikla náttúrufegurð, fjöll og gróskumikla skóga.

Annað sem hægt er að sjá og gera eru til dæmis Big Buddha musterið og djúpsjávarköfun og -veiði.

Hvað get ég borðað á Koh Samui?

Það er sérstaklega gott úrval fiskrétta og skelfisks á Koh Samui. Meðfram ströndunum er mikið af alþjóðlegum veitingastöðum en það er líka hægt að fá frábæran taílenskan mat á eyjunni.

Að versla á Koh Samui

Ef þú heimsækir hinn Mikla Búdda (Great Buddha) við Bang Rak er það kjörið tækifæri til að versla á flóamarkaðnum fyrir framan innganginn. Þar eru líka margir minjagripabásar og vinaleg kaffihús þar sem tilvalið er að hvíla sig á milli ævintýra á Koh Samui.

 

Hvernig eru samgöngur á Koh Samui?

Það er hægt að fljúga beint til Koh Samui flugvallarins frá Bangkok, Phuket, Pattaya, Chiang Mai, Singapúr og Hong Kong. Flestir bakpokaferðamenn ferðast með bát frá Surat Thani til Koh Samui.

Þegar komið er til Koh Samui getur þú leigt mótorhjól eða reiðhjól, tekið leigubíl eða notað rútukerfið til að komast á milli.

Veðurfar á Koh Samui

Veðrið á Koh Samui er svipað og annarsstaðar í Taílandi en ívið þurrara á monsoon rigningatímabilinu milli maí og október, og getur því verið frábær valmöguleiki fyrir ferðamenn sem heimsækja Taíland á þeim tíma árs.

Contact